पुस २, २०८०
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
माघ २२, २०७४
काठमाडौं, २१ माघ– दरबारमार्गको होटेल ल्याण्डमार्कमा माघ ७ गते भएको सामूहिक बलात्कारको घटनाबारे नयाँ रहस्य खुलासा भएको छ । बलात्कारमा एक ठेकेदारका छोरा समेतको संलग्नता देखिएपछि प्रहरीले आर्थिक लेनदेनमा मिलापत्र गराएको रहस्य खुलासा भएको हो ।
होटेल ल्याण्डमार्कमा एक युवतीमाथि भएको सामूहिक बलात्कारमा हेटौंडाका ठेकेदार राम गौतमका छोरा विकाश गौतमसमेत संलग्न रहेको नयाँ तथ्य खुलेको छ । घटनामा विकासको संलग्नता रहेको भएपनि प्रहरीले भने उनको नाम गोप्य राख्दै आएको छ ।
माघ ७ को त्यो रात
माघ ७ गते (आइतवार) साँझ पेमा कुमारी (नाम परिवर्तित) साथीलाई भेट्नभन्दै आफ्नो डेराबाट निस्किइन । ललितपुरको झम्सिखेलमा डेरा गरेर बस्ने उनले आफ्ना आमा–बुवालाई भक्तपुर साथीकोमा जान लागेको भनेकी थिइन् ।
तर उनी भक्तपुर हैन, लाजिम्पाट पुगिन् । लाजिम्पाटको भूमि होटेलमा पेमाकुमारी, उनका प्रेमी शैलेश कार्की र अन्य दुईजनाले नास्ता गरे । नास्ताका क्रममा शैलश र उनका केटा साथीहरुले ‘हार्ड ड्रिङस’ गरे भने पेमाकुमारीले वाइन पिइन् ।
त्यसपछि शैलेश र पेमाकुमारी त्यहाँबाट कमलपोखरी (दरबारमार्ग)मा रहेको होटेल ल्याण्डमार्कमा पुगे । उनीहरु होटेल पुग्दा रातको ९ बजिसकेको थियो । होटेल ल्याण्डमार्कमा शैलेशले साथी दीपक श्रेष्ठको नाममा कोठा नम्बर ४०५ बुक गराएर राखेका थिए ।
शैलेशका साथीकै नाममा होटेलको अर्को कोठा ४०६ पनि बुक गरिएको थियो । पेमाकुमारी र शैलेश भने ४०५ मा बसे । होटेल पुगेपछि पनि शैलेशले ब्ल्याकलेबल नामको रक्सी पिए ।
शैलेशले करिब आधा बोत्तल रक्सी पिइसकेपछि कोठा नम्बर ४०५ मा अन्य तीन युवा पनि छिरे । उनलाई शैलेशले नै कोठा भित्र छिराएका थिए । कोठाभित्र छिरिसकेपछि शैलेश र उनका साथीबीच केही समय ‘गलफत्ती’ चल्यो ।
शैलेशका साथीहरु आउनु अगाडि पेमाकुमारी र उनीबीच एकपटक शारीरिक सम्पर्क भइसकेको प्रहरी अनुसन्धानले देखाउँछ । त्यसपछि शैलेशका साथीहरुले पेमाकुमारीसँग शारीरिक सम्पर्क राख्न खोज्छन् । पेमाकुमारीले प्रतिकार गर्न खोज्छिन् । उनी बाथरुम भित्र छिर्न खोज्छिन् तर शैलेशका साथीले उनलाई तानेरै बेडमा पल्टाउँछन् ।
त्यसपछि शैलेशका तीनै जना साथीले आफूमाथि पालै–पालो बलात्कार गरेको पेमाकुमारीले प्रहरीमा बयान दिएकी छन् ।
प्रहरीमा उजुरी
घटना घटेको दोस्रो दिन माघ ८ गते (सोमवार) विहानै पेमाकुमारी आफूमाथि सामूहिक बलात्कार भएको भन्दै महानगरीय प्रहरी बृत्त कमलपोखरी पुगिन् । तर कमलपोखरी बृत्तले कमलादी (ल्याण्डमार्क) होटेल रहेको क्षेत्र दरबारमार्ग प्रहरीले हेर्ने भन्दै पेमाकुमारीलाई दरबारमार्ग पठाइदियो ।
पेमाकुमारी दरबारमार्ग पुगिन् । उनले दरबारमार्ग बृत्तमा मौखिक उजुरी दिइन् । एक प्रहरी हवल्दारले पेमाकुमारीको मौखिक बयान टिपे ।
पेमाकुमारीले मौखिक बयानमा क्रममा आफूमाथि सामूहिक बलात्कार भएको, त्यसमा आफ्ना प्रेमी शैलेशसहित ४ जना युवा संलग्न रहेको भनेर टिपाएकी थिइन् । तर उनले टिपाएको भनिएको बयानमा भने तीनजनाको मात्रै नाम लेखियो, शैलेश कार्की (युवतीका प्रेमी) रबि पौडेल र दीपक श्रेष्ठको । प्रहरीले बयान टिप्ने क्रममा नै एकजना व्यक्तिको नाम छुटाएको छ, ती हुन् विकाश गौतम ।
विकाश गौतम निर्माण व्यवसायी (ठेकेदार) राम गौतमका छोरा हुन् । राम गौतम मकवानपुरको हेटौंडालाई आधार बनाएर काम गर्ने निर्माण व्यवसायी हुन् ।
छोरा (विकास)सँग भेट भएको छैन
निर्माण व्यवसायी राम गौतमले दरबारमार्ग बलात्कार काण्डमा छोराको नाम मुछिएको स्वीकार गरे । तर त्यस विषयमा आफ्नो छोरासँग कुरा नभएको उनले लोकान्तरलाई बताए ।
घटना घटेको दिन राति १ बजेसम्म आफ्नो छोरा (विकाश) साथीहरु शैलेशलगायतसँग हाटेल ल्याण्डमार्कमा रहेको गौतमले लोकान्तरसँगको कुराकानीमा स्वीकारे । उक्त विषय आफूले छारोका अन्य साथीमार्फत थाहा पाएको उनले बताए ।
आर्थिक लेनदानमा पैसा जुटाइयो
बलात्कृत युवती पेमाकुमारीले प्रहरीमा उजुरी दिँदा विकाशको नाम समेत उल्लेख गरेकी थिइन् । तर प्रहरीले भने उजुरीमा कतै पनि उनको नाम उल्लेख गरेन ।
प्रहरी स्रोतका अनुसार बलात्कारको घटनालाई गुपचुमै मिलाउन आर्थिक लेनदेन गर्न विकाशका बुवा (राम गौतम)ले धेरै रकम जुटाएका हुन् । घटना दबाउन ३० लाख रुपैयाँको लेनदेन भएको प्रहरीको दाबी छ । विकाशका बुवाले २० लाख रुपैयाँ जुटाएको प्रहरी स्रोत दाबी गर्छ । जसका कारण उजुरीबाट विकाशको नाम हटाइएको प्रहरी स्रोत बताउँछ ।
पैसा दिएको छैन
आफ्नो छोरा बलात्कारको मुद्दामा मुछिए पनि आफूले कसैलाई पैसा नदिएको निर्माण व्यवासी गौतमले दाबी गरे । लोकान्तरसँगको फोनवार्तामा गौतमले भने, ‘बलात्कारको घटनामा छोराको नाम मुछिएको सत्य हो । तर घटना मिलाउन मैले पैसा दिएको भन्ने कुरा सत्य हैन ।’
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...