हरियाणाको फतेहाबाद जिल्लामा एक तान्त्रिक पुजारी अमरपुरी उर्फ बिल्लूलाई प्रहरीले पक्राउ गरेको छ । 

पुजारी अमरपुरीमाथि १२० जना महिलासँग जबरजस्ती सम्बन्ध बनाएको आरोप लागेको छ । 

अमरपुरी प्रेतबाधाको नाममा महिलालाई फसाउथे र तन्त्र विद्याका बीचमा नशायुक्त औषधि खुवाउथे । बेहोस भएका महिलालाई बलात्कार गर्थे र उनीहरुको भिडियो बनाउथे । त्यसपछि तिनै महिलालाई भिडियोको माध्यमबाट

व्ल्याकमेल गर्दै आर्थिक र शारीरिक शोषण गर्ने गरेको प्रहरीले बताएको छ । 

अमरपुरीमाथि ९ महिना पहिला एक महिलाले बलात्कारको आरोप प्रहरीकहाँ दर्ता गरेकी थिइन् । त्यस मामलाई गिरफ्तार भएका उनी जमानतामा रिहा भएका थिए । 

तान्त्रिक अमरपुरीले महिलासँग शारीरिक सम्बन्ध बनाएको भिडियो सामाजिक सञ्जालमा समेत भाइरल भएका थिए । यसपछि अमरपुरीलाई पक्राउ गरिएको थियो । 

प्रहरीले अमरपुरीका साथबाट १२० भिडियो फेला पारेको छ जसमा महिलासँग शारीरिक सम्बन्ध राखिएको भिडियो रहेको छ । पुजारीको कोठाबाट नशालु औषधि र तन्त्र मन्त्रका सामान प्रहरीले फेला परेको छ । 

प्रहरीका अनुसार अमरपुरीको कोठामा तीन ढोका थिए । उसले गोप्य रुपमा महिलालाई आफ्नो कोठामा लैजान्थे । उको कोठामा सीसीटीभी क्यामेरा जडान गरिएको थियो । 

अमरवीर वास्तविक नाम भएका अमरपुरी २० वर्ष पहिले पञ्जावको मनसवामा आएका थिए । शुरुमा जेरीको पसल चलाएका उनी पत्नीको मृत्युपछि तान्त्रिक बनेको भारतीय सञ्चारमाध्यमहरुले जनाएका छन् ।