दशैं, टीका र आशीर्वाद (कविता)

साहित्य

दशैं, टीका र आशीर्वाद (कविता)

कात्तिक २, २०७५

– – –

अच्युत शाली घिमिरे

विश्वासमा जीवन धारण

Advertisment

गर्दछौं हामी,

Advertisment

विश्वासहरु

कहिले ईश्वर

कहिले आत्मा ,कहिले स्वर्ग

त कहिले धर्मका

नाममा प्रतित भईरहेछन् हामी माझ!

त्यसकै एउटा मूर्त रुप हो

हामीले मान्ने बडा दशैं

मान्यजनबाट थाप्ने टिका

अनि चैतन्ययुक्त महापुरुष हुन

व्यक्त हुने आशीर्वाद।

धेरै बर्ष पहिले

म सानो हुदां

हजुरबुवाले मेरो निधारमा

दहीमा मुछेका राता अक्षेता टास्दै

"आयुर् द्रोणसुते श्रियो दशरथे शत्रुक्षयो राघवे

एश्वर्य नहुषे गतिश्च पवने मानश्च दुर्योधने ......।"

भन्दै आशिष दिनुहुन्थ्यो

म मन्त्रमुग्ध हुदैं

अनन्ततामा हराउथें!

र दिदीलाई

"जयन्ती मंगला काली भद्रकाली कपालिनी

दुर्गा क्षमा शिवा धात्री स्वाहा स्वधा नमोअ्स्तुते......।"

भन्दै फेरि आशिष दिनुहुन्थ्यो!

त्यो त्यही समय हो

जतिबेला

शरद ऋतु अनेक रंग रंगका

दृश्य चित्र पस्किएर

कुशलता प्रदर्शन गरिरहन्थ्यो,

जतिबेला नातागोता छरछिमेकका सम्बन्धहरु गाढा र रसिला हुन्थे,

जतिबेला आफ्ना व्यस्त काम बाट छुट्टिएर मानिसहरु हर्षले मुस्कुराउथे,

अनि

दशैंका ति सम्पूर्ण चित्तहरु, संगतिहरु,अभिप्रायहरु

म मा

प्रादुर्भाव भइराख्थे

संसारको दिव्य शक्ति भएर,

स्वर्ग चुलिदैं चुलिदैं

गरेको कल्पनाको ज्योति भएर।

समाज परिवर्तन हुदैं गयो

स्वदेशप्रेम संकुचित भएर विदेशीए मनहरु,

पश्चिमा सभ्यताका नाममा

खाली हुदैं गए निधारहरु

गुञ्जन छाडे आशिष र

लोप हुदै गयो उ बेलाको जस्तो दशैं!

फोटो खिच्नकै लागि खेलिन थाले रोटेपिङहरु

फेसबुकमा राख्न कै लागि लगाइन थाले टिका जमरा,

भलाद्मी हुन कै लागि बखानिए धर्म,संस्कृति र परम्पराका व्याख्याहरु!

तर याद राख

आज पनि

दशैंमा कति खेर परदेशी गाँउ फर्केला र

दुःख पीडा सुनाउला भनि

पर्खिबसेको छ

तिमी सानो हुदां लुकामारी खेल्ने

चौतारीको बुढो पिपलको रुख।।

जुनियर इन्टर्न, चिकित्सा शास्त्र अध्ययन संस्थान(IOM)

– – –

रुँदारुदै हाँसेको ‘जीवन्त सम्बन्ध’

असोज १०, २०८०

गुणराज ढकाल सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गर...

साहित्य

डाँफे चरीको कर्खा सुनेको त्यो दशैं !

कात्तिक ८, २०८०

असोज तेस्रो साता बिहीबार, बुकीबाट गोठ औल झर्ने दिन । लाहुरेहरू आउनु र बुकीबाट गोठालाहरूको हुल गाउँमा झर्नु दशैंको रौनक हो । ‘भोलि साँझ डाँफे चराउन जाने’, सुत्ने बेला गोठमा सल्लाह भयो । घर...

साहित्य

‘नेता बन छोरा नेता बन’ भित्रको काव्यकारिता र 'डायस्पोरिक' चेत

कात्तिक २८, २०८०

गोपी मैनाली कविहरूले केका लागि कविता लेख्छन् भन्नेमा मत्यैक्यता पाइँदैन । कोही आनन्दका लागि भन्छन्, त कोही उपयोगिताका लागि । अझ कोही त अभिव्यञ्जनाको अर्को उद्देश्य नै हुँदैन भन्ने गर्छन् । ...

साहित्य

कमल रिजालको उपन्यास ‘सुकर्म’को अंग्रेजी संस्करण ‘डीप क्वेस्ट’ बजारमा

कात्तिक १३, २०८०

वरिष्ठ पत्रकार तथा साहित्यकार आचार्य कमल रिजालद्वारा लिखित उपन्यास ‘सुकर्म’को अंग्रेजी संस्करण ‘डीप क्वेस्ट' प्रकाशित भएको छ । २०६९ सालमा नेपालीमा प्रकाशित उक्त उपन्यासको अंग्रेजी संस्करणलाई स...

साहित्य

तीनवटा खड्गो

असोज ६, २०८०

सानीमा भेट्न चितवन गएको थियो गोपाल चार दिन हिँडेर । राप्ती किनार नजिकको सानो गाउँमा बस्दै आएकी थिइन् उनी, जो पहाडमा खान लाउन नपुगेपछि केही वर्ष अघि पुगेकी हुन् त्यतातिर । त्यतिबेला अहिलेजस्तो यातायातको साधन...

साहित्य

कविता– को हो त्यो कानूनमा अधिकार माग्ने शिक्षक ?

असोज ३, २०८०

त्यो शिक्षकले पढायो, नेता बन्न सिकायो र त आज देशको बागडोर चलाइरहेका छौ । त्यो शिक्षकले पढायो, कर्मचारी बन्न सिकायो र त आज देशको प्रशासन चलाइरहेका छौ । त्यो शिक्षकले पढायो, डाक्टर बन्न सिकायो र त आज हजारौ...

आलेख

ओलीलाई फापेको सनराइज हल

बैशाख १२, २०८१

ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...

आलेख

'एमाले यो सरकारको धरौटीमा छ, बजेट सहमतिमै बन्छ'

बैशाख ७, २०८१

हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...

आलेख

उल्लासविहीन नयाँ वर्ष, चंगुलमा परेको लोकतन्त्र

बैशाख ६, २०८१

सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...