'किल दिस् लभ'ले तोड्यो 'गंगनम स्टाइल'को रेकर्ड

एजेन्सी- दुई दिनमै १३ करोडभन्दा बढी भ्यूज बटुल्दै ‘किल दिस लभ’ बोलको गीतले गंगनम स्टाइल बोलको गीतको रेकर्ड तोडेको छ ।

दक्षिण कोरियाली पप ब्याण्ड ब्याक पिंकको याे गीत सबैभन्दा छाेटाे समयमै यति धेरै चर्चित बनेकाे हो । पपस्टार साईको कीर्तिमान गीत गंगनम स्टाइलको रेकर्ड तोड्नका लागि यो गीतले केवल २ दिन १४ घण्टा मात्र लियो ।


Advertisement

युट्युबमा अपलोड भएको २४ घण्टामै यो गीत युट्युबमा ५ करोड ६७ लाख पटक हेरिएको थियो । जसले एक दिनमा सबैभन्दा धेरै हेरिएको एरियाना ग्रान्डेको गीत 'थ्यांक्यू'को रेकर्ड पनि तोडेको छ ।

कीर्तिमानी गीत तयार पारेको ब्ल्याक पिंक ब्याण्ड सन् २०१६ मा स्थापना भएको थियाे । यो ब्याण्डका सबै सदस्य महिला छन्, जिसू, जेनी, रोज र लिसा । यसअघि सेप्टेम्बर २०१६ मा पहिलोपटक स्क्वाएर वन नामक पहिलो एल्बम यसले ल्याएको थियो ।

उक्त एल्बम दक्षिण कोरियामा निकै लोकप्रिय बनेको थियो । पछिल्लोपटक यो ब्याण्डले ल्याएको किल दिस लभ गीतले युट्युब भ्युजको मामिलामा केवल कोरियामा मात्र होइन विश्वव्यापी रूपमै किर्तिमान कायम गर्न सफल भएको छ ।

भिडियो हेर्नुहोस् : 

 

कमेन्ट गर्नुहोस्