कात्तिक १४, २०८०
आईसीसी टी–२० विश्वकप एसिया क्षेत्र छनोटको दोस्रो खेलमा घरेलु टोली नेपालले मलेसियाविरुद्ध पहिले फिल्डिङ गर्ने भएको छ । मंगलबार दिउँसो कीर्तिपुरस्थित त्रिवि क्रिकेट मैदानमा मलेसियाले टस जितेर ब्याटिङ रोजेर...
धनगढी – गर्मी बढेसँगै सुदूरपश्चिम प्रदेशको राजधानी कैलालीस्थित सेती अञ्चल अस्पतालमा खानेपानीको हाहाकार भएको छ ।
अस्पताल परिसरमा ६ वर्ष पहिले निर्माण गरिएको खानेपानी आयोजना हाल सुकेको छ । जसले गर्दा अस्पतालको धारा सुकेका छन् भने शौचालयमा पानी आउन नै छोडेको छ ।
पानीको हाहाकार हुँदा बिरामी, कुरुवा र कार्यरत कर्मचारी तथा स्वास्थ्यकर्मीलाई सास्ती भएको छ ।
कैलालीको मसुरियाबाट उपचारको क्रममा अस्पताल पुुगेका मानबहादुर तारामीले दैनिक बाहिरबाट एक बोतल पानी लिएर शौचालय जानुपरेको बाध्यता सुनाए । एक बोतल पानी शौचालय जान पर्याप्त नभएको बताउँदै उनले पानी अभावले अस्पतालका शौचालय दुर्गन्धित बनेको बताए ।
धनगढी उपमहानगरपालिका–१३ राजपुरका साबु रानाले अस्पतालमा जडान गरिएको ‘आर्टिजन बोरिङ’बारे अनविज्ञता प्रकट गरे । अस्पतालमा पानीको व्यवस्था भएको भए किनेर खानुपर्ने बाध्यता नहुने उल्लेख गर्दै थोरै पानी चुहिने धारामा पानी भर्न लाइन लाग्नुपर्ने बाध्यता भएको बताए । पानी अभावले गर्दा अस्पतालमै रोगको संक्रमण फैलिने जोखिम बढेको उनको भनाई छ ।
नेपाल खानेपानी संस्थान धनगढी शाखाले दिएको पानीले बिहान सरसफाइ गर्न पनि पुग्दैन । राति ट्यांकीमा भरिएको २/३ फिट पानी पनि बिहानतिर अस्पतालको सफाइ गर्न पुग्दैन । बिहानपख अस्पतालका सहयोगीले तलबाट पानी बोकेर नै माथिल्ला तलामा जसोतसो शौचालय र वार्ड सफाइ गर्दै आएका छन् ।
‘१ महिनादेखि अस्पतालमा पानी आएको छैन,’ अस्पतालमा सरसफाइको काम गर्ने पार्वती मगरले गुनासो गरिन्, ‘जसरी पनि सफा गर्नुपर्छ भन्छन्, तलबाट पानी बोकेर नै पोछा लगाउनेदेखि शौचालय सफा गर्नुपर्छ ।’
सेती अञ्चल अस्पतालले २०६८ सालमा अस्पताल परिसरभित्रै ट्यूबबेल गाडेर ‘समरसेल’ पम्प जडान गरी १ लाख लिटरको ओभरहेड ट्यांकी बनाएपनि त्यो सफल हुन सकेन । ट्यूबबेल सुकेपछि अहिले खानेपानीले दिएको पानी पनि अस्पताललाई पुग्दैन । २ सय ५० शैयामा सञ्चालनमा रहेको अस्पतालमा पानी अभाव हुँदा हाहाकार भएको छ ।
अस्पतालका मेडिकल सुपरिन्टेन्डेन्ट डा. हेमराज पाण्डेले मन्त्रालयले नै खानेपानी आयोजनाका लागि ठूलो बजेट दिनुपर्ने बताए । उनले अस्पताल परिसरमा निकालिएका हाते पम्पले पनि काम नगर्दा झन् समस्या उत्पन्न भएको बताए ।
‘२ वर्षअघि पनि गर्मीयाममा ‘बोरिङ’ सुकेपछि अस्पतालले ३/४ वटा हाते पम्प गाडेको थियो,’ उनले भने, ‘जसले केही हदसम्म पानीको समस्या कम गरेको थियो । तर अहिले ती सबै सुकेका छन् ।’
सुदूरपश्चिम प्रदेशका झण्डै २८ लाख जनताको स्वास्थ्यसँग जोडिएको सेती अञ्चल अस्पतालमा पानी अभाव हुँदा पनि सम्बन्धित निकायको रुपमा रहेको सामाजिक विकास मन्त्रालयले यसबारे खासै पहल गरेको छैन ।
अस्पतालमा उपचारको लागि आउने बिरामी प्रभावकारी औषधोपचार नपाउँदा सास्ती पाउने गरेका छन् । अस्पतालमा खानेपानी समस्या थपिएपछि सेवाग्राहीले नै सास्ती पाउन थालेका छन् ।
आईसीसी टी–२० विश्वकप एसिया क्षेत्र छनोटको दोस्रो खेलमा घरेलु टोली नेपालले मलेसियाविरुद्ध पहिले फिल्डिङ गर्ने भएको छ । मंगलबार दिउँसो कीर्तिपुरस्थित त्रिवि क्रिकेट मैदानमा मलेसियाले टस जितेर ब्याटिङ रोजेर...
प्रधानमन्त्री पुष्पकमल दाहाल ‘प्रचण्ड’ले जनाताको जीवनस्तर सुधार्न सरकार प्रतिबद्ध रहेको बताएका छन् । सिंहदरबारमा आज आयोजित मानव अधिकार पुरस्कार वितरण समारोहमा प्रधानमन्त्री प्रचण्डले शिक्षा, स्वास्थ्य, र...
कोका–कोला इन्डियाले आईसीसी मेन्स क्रिकेट वर्ल्डकप २०२३ मा एक विशेष पहलको शुरूवात गरेको छ । कोका–कोलाले अन्तर्राष्ट्रिय क्रिकेट काउन्सिल (आईसीसी)सँगको साझेदारीमा पूरै रिसाइकल गरिएको पेट बोतलहरू...
नेकपा एमालेको समृद्धिको लागि संकल्प यात्रा अछामको मंगलसेन पुगेको छ । झुलाघाट-चिवाभञ्ज्याङ समृद्धिका लागि संकल्प यात्राअन्तर्गत एमालेको टोली शनिवार मंगलसेन पुगेको हो ।
नेपाली वायुयान कम्पनीहरूलाई युरोपेली आकाशमा उडान अनुमति दिन युरोपियन युनियन (ईयू) सकारात्मक देखिएको छ । ईयूले बुधवार नेपाल नागरिक उडान प्राधिकरण (क्यान)लाई एक पत्र लेख्दै क्यानको नेतृत्वले यही गतिमा ...
राज्यका सम्पूर्ण संरचनामा सुधारको घोषणा गरेको सरकारले आजदेखि मन्त्रिपरिषद् बैठकको खाजा खर्च कटौती गरेको छ । प्रधानमन्त्री पुष्पकमल दाहाल ‘प्रचण्ड’ले आज बिहान सिंहदरबारमा बसेको मन्त्रिपरिषद् बैठकमा स...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...