×

NMB BANK
NIC ASIA

जनकपुरधाम – संघीयता र विकेन्द्रीकरणको अभ्याससँगै सर्वसाधारणले प्रदेशबाट थुप्रै अपेक्षा गरेका थिए । सरकारी बजेटलाई उत्पादनमूलक क्षेत्रमा खर्च गरेर विकास र समृद्धिमा योगदान गर्नु प्रदेशको दायित्व पनि हो ।

Sagarmatha Cement
Muktinath Bank

२ नम्बर प्रदेश सभाले भने अनुत्पादक क्षेत्र भोजभतेर र रमझममा लाखौं रकम खर्च गरेको पाइएको छ । गत वर्ष २०७५ माघ २१ गते आयोजित प्रदेश सभाको  पहिलो वार्षिकोत्सव कार्यक्रममा लाखौं खर्च गरिएको हो ।


Advertisment
RMC TANSEN
IME BANK INNEWS
shivam ISLAND

प्रदेशसभा सचिवालयको लेखा शाखाबाट प्राप्त सूचना अनुसार वार्षिकोत्सव कार्यक्रममा २७ लाख ७ सय ३२ रुपैयाँ खर्च गरिएको छ । वार्षिकोत्सव कार्यक्रम आयोजना गर्दा प्रदेशसभा सांसद र कर्मचारीले गरेको खेलकुद कार्यक्रममा १६ लाख ८५ हजार रुपैयाँ खर्च भएको छ ।


Advertisment
Nabil box
Kumari

प्रतियोगितामा ब्याडमिन्टन र भलिबल खेल आयोजना गरिएको थियो । पुरुष सांसदविरुद्ध पुरुष सांसद र महिला सांसदविरुद्ध महिला सांसदबीच ब्याडमिन्टन प्रतियोगिता आयोजना गरिएको थियो ।

Vianet communication
Laxmi Bank

प्रदेशसभा सचिवालयका ‘स्टोर किपर’ धर्मराज पौडेलका अनुसार खेल खेलाउन जिल्ला खेलकुद विकास समिति धनुषाले पारिश्रमिक लिने गरी प्रशिक्षक तथा खेलाडीको टीम नै पठाएको थियो । खेलकुदका लागि सबै खेलाडी सांसद तथा कर्मचारीलाई खेल पोशाक किनेर प्रदान गरिएको थियो ।

खेल सामग्री किन्नेदेखि खेल मैदान बनाउनेसम्म, खेलाडीलाई पिउनका लागि जुस, खाजा र पानीमा रकम खर्च गरिएको थियो तर कति जनालाई पोशाक, जुत्ता दिइयो भन्नेबारे लेखा अधिकृत नविनकुमार मिश्रले बताउन मानेनन् । स्रोतका अनुसार ब्याडमिन्टनका लागि किनिएको खेल सामग्री र पोशाक बजार दरभन्दा महंगो मूल्यमा किनेर अनियमितता गरिएको छ ।

वार्षिकोत्सव कार्यक्रम आयोजना गर्न गठित मूल समारोह समितिले ६ लाख २४ हजार ६ सय ७७ रुपैयाँ खर्च गरेका छन् । जसअन्तर्गत समितिले टेन्ट, ब्यानर, छपाइ, सांस्कृतिक कार्यक्रम तथा पुरष्कारका लागि खर्च गरेको छ । सांस्कृतिक टोलीलाई ५० हजार रुपैयाँ दिइएको थियो । वृक्षारोपणमा १५ हजार १ सय ५० रुपैयाँ, रक्तदानमा ३५ हजार ५ सय ९९ रुपैयाँ, आर्थिक सहयोगमा १ लाख २७ हजार २ सय ४६ रुपैयाँ खर्च गरिएको छ । अन्य शीर्षकमा समेत गरेर १ लाख २ हजार ९ सय ६४ रुपैयाँ खर्च गरिएको प्रदेशसभा सचिवालयले जनाएको छ ।

मूल समारोह समितिले गरेको खर्च रकमबाटै प्रदेश सभामा उत्कृष्ट सांसद र उत्कृष्ट कर्मचारीलाई नगद पुरष्कार समेत प्रदान गरिएको थियो । उत्कृष्ट सांसदमा नेपाली कांग्रेसका सांसद शिवचन्द्र चौधरी र उत्कृष्ठ कर्मचारीम प्रदेशसभा सचिवालयका सचिव रञ्जित यादवलाई ५१ हजार रुपैयाँको दरले नगद पुरष्कार वितरण गरिएको थियो । लेखा अधिकृत मिश्रका अनुसार रकममध्ये आकस्मिक लाभ करबापत २५ प्रतिशत रकम कर काटेर प्रदान गरिएको छ ।

प्रदेश सभाले वार्षिकोत्सव कार्यक्रममा मात्रै २७ लाख रुपैयाँ खर्च गरेको जानकारी दिँदै प्रतिक्रिया लिन खोज्दा प्रतिपक्षी दल नेपाली कांग्रेसका सांसद शिवचन्द्र चौधरी आश्चर्यमा परे । ‘यदि २७ लाख रुपैयाँ त्यस कार्यक्रममा खर्च भएको हो भन्ने कुरा सत्य हो भने पत्याउन सकिन्न,’ सांसद चौधरीले भने, ‘म त त्यो खर्च रकम सुनेर नै आश्चर्यचकित भएको छु । धेरै रकम खर्च भएको छ ।’ 

‘कार्यक्रममा सांसदलाई खाना पनि खुवाइएको थिएन, मात्र प्याकेटमा खाजा दिएको थियो,’ चौधरीले भने, ‘एउटा मञ्च बनाइएको थियो, कलाकारले नाचगान गरेका थिए र ट्रफी वितरण गरिएको थियो ।’ त्यति ठूलो तामझाम पनि थिएन भने यति रकम खर्च हुनु भनेको अनावश्यक र फजुल खर्च भएको टिप्पणी गरे ।

प्रमुख प्रतिपक्षी दल नेकपाका प्रमुख सचेतक सुन्दरबहादुर विश्वकर्मा पनि समारोहको नाममा त्यति रकम खर्च गर्नु भनेको राम्रो नभएको बताउँछन् । ‘वार्षिकोत्सव समारोहमा प्रदेश सभाले के कति रकम खर्च गर्‍यो भन्ने हामीलाई जानकारी नै गराइएको छैन,’ नेकपा सांसद विश्वकर्माले भने, ‘हामीले पनि प्रदेश सभाको स्टोर शाखाबाट हिसाब माग गर्नुपर्छ भन्ने कुरा गरेपनि जानकारी हालसम्म पाउन सकेका छैनौं ।’

‘एकातर्फ गरीब प्रदेश भन्छौं, समृद्ध प्रदेश बनाउनु छ भनेर पनि भन्छौं र अर्कोतर्फ समारोहको नाममा २७ लाख रुपैयाँ जति खर्च गर्छौं भने त्यो पक्कै पनि राम्रो कुरा होइन,’ उनले भने, ‘समारोहजस्तो कार्यक्रममा त्यति खर्च नगरेर कम खर्चमा पनि काम चलाउन सकिन्थ्यो । अब त्यो खर्चमा वैधानिक रुपले नै बढी खर्च भएको छ भने त एउटा कुरा भयो, अर्कोतर्फ हुँदै नभएको खर्चलाई पनि खर्चमा देखाइएको छ भने त्यसको छानबिन हुनुपर्ने हो ।’ 

यसअघि प्रधानमन्त्री केपी शर्मा ओली प्रदेश सभामा विशेष सम्बोधन गर्न आउँदा पनि भोजभतेर र रमझममै प्रदेश सभाले नै लाखौं रुपैयाँ खर्च गरेको थियो । भारतका प्रधानमन्त्री नरेन्द्र मोदी र उत्तर प्रदेशका मुख्यमन्त्री योगी आदित्यनाथ आउँदा पनि प्रदेश सरकारले लाखौं रकम भोजभतेर तथा समारोहमै खर्च गरेको थियो ।

hAMROPATRO BELOW NEWS
TATA Below
मंसिर ५, २०८०

संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...

पुस २०, २०८०

मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...

मंसिर १५, २०८०

धनुषाको शहीदनगर नगरपालिकाका तत्कालीन शिक्षा संयोजक धनेश्वर यादवले झण्डै २ करोड पेस्की लिएर विभिन्न कार्यक्रमका नाममा नक्कली बिल भर्पाइ पेस गरि अनियमितता गरेको पाइएको छ । धनुषाको लक्ष्मीनियाँ गाउँपालिका...

पुस २, २०८०

कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । ​ मिति : २०८० साल, मंसिर २९ गते, शुक्रवार​ स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...

मंसिर १८, २०८०

प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...

मंसिर २०, २०८०

नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x