मंसिर २६, २०८०
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
असार १६, २०७६
काठमाडौं – मधेशकेन्द्रित राष्ट्रिय जनता पार्टी (राजपा) र तत्कालीन संघीय समाजवादी फोरम तथा नयाँ शक्ति पार्टी एकीकरण भएर बनेको समाजवादी पार्टीबीच एकीकरणको बहस चलिरहेको भएपनि एकता कहिले हुने भन्ने टुंगो लाग्न सकेको छैन ।
समाजवादी पार्टीका महासचिव गंगानारायण श्रेष्ठले एकीकरणको बहस घनिभूत रूपमा चलिरहेको लोकान्तरलाई बताए ।
‘आज–भोलि नै रिजल्ट आउने गरी केही सहमति भएको छैन,’ आइतवार लोकान्तरसँग कुरा गर्दै श्रेष्ठले भने, ‘तर एकता गर्ने निष्कर्षमा दुवै पार्टी पुगेका छौं । दुवै पक्षबाट आ–आफ्ना कुराहरू राख्ने काम भइरहेको छ ।’
राजपासँग एकताका लागि पहल गरिरहेको उपेन्द्र यादव नेतृत्वको तत्कालीन फोरमले एकाएक नयाँ शक्तिसँग एकता गरेपछि राजपाका नेता रनभुल्लमा परेका थिए । एकतापछि बनेको नयाँ समाजवादी पार्टीका पदाधिकारीले विचार मिल्नेसँग एकताको ढोका बन्द नगरेको भन्दै राजपाका नेतालाई फकाउने प्रयास गरे । त्यसपछि पुनः दुवै तर्फबाट एकताका लागि प्रयास शुरू गरिएको छ ।
पछिल्लो समयमा समाजवादी पार्टीका अध्यक्ष उपेन्द्र यादव र राजपाका अध्यक्ष मण्डलका एक सदस्य राजेन्द्र महतोबीच जनकपुरमा छलफल भएपछि एकताका लागि सकारात्मक वातावरण बनेको हो ।
यादवसँगको छलफलपछि महतोले देशमा वैकल्पिक लोकतान्त्रिक शक्तिको आवश्यकता रहेको र त्यसका लागि वातावरण बन्दै गइरहेको टिप्पणी गरे । संविधान बनेदेखि नै मधेशकेन्द्रित दल राजपा र फोरमले संविधान संशोधनको मुद्दा प्रमुखताका साथ उठाइरहेका छन् । सोही मागमा तत्कालीन नयाँ शक्तिले पनि आफ्नो सहमति जनाएको थियो ।
संविधान संशोधन गर्ने सहमतिका साथ तत्कालीन फोरम सरकारमै सहभागी भएको छ भने राजपाले संशोधनकै आशामा सरकारलाई समर्थन गरेको थियो तर संविधान संशोधनमा सरकार उदासिन देखिएको भन्दै राजपाले केही महिनाअघि सरकारलाई दिएको समर्थन फिर्ता लियो ।
समर्थन फिर्ता लिने बेलामा राजपाका नेता अनिलकुमार झाले प्रधानमन्त्री केपी शर्मा ओलीले आफूहरूलाई वास्ता गर्न छाडेको आरोप लगाएका थिए ।
राजपाका नेता महेन्द्रराय यादवले १–२ दिनमै निष्कर्ष निस्कने सम्भावना नरहेपनि वार्ता सकारात्मक रूपमा अघि बढेको र छिट्टै एकता हुनसक्ने बताए । ‘१–२ दिनमै त केही नहोला,’ लोकान्तरसँग कुरा गर्दै यादवले भने, ‘वार्ताको क्रम चलिरहेको हुनाले हामीले आफ्नो तर्फबाट कुराहरू राखेका छौं भने उहाँहरूले आफ्ना कुराहरू राखिरहनुभएको छ ।’
तर यादवले समाजवादी पार्टी सरकारबाट हट्नुपर्ने विषयमा राजपाले हालसम्म केही धारणा नबनाएको दाबी गरे । आफूहरू छलफलकै क्रममा रहेकाले सरकारमा सहभागिताको विषयमा प्रवेश नगरेको यादवले बताएका हुन् । ‘पहिला एकता हुने/नहुने विषयमा निष्कर्षमा पुग्नुपर्यो अनि एकताको मोडालिटीको कुरा छ, नेतृत्व बाँडफाँडको कुरा आउला, त्यसपछि मात्र सरकार छाड्ने/नछाड्ने विषयमा छलफल हुनेछ,’ यादवले भने ।
समाजवादी पार्टी र राजपाबीच एकता भएर नयाँ पार्टी बन्यो भने त्यसले संसदीय अंकगणितका आधारमा मात्र नभई एजेन्डा र प्रभावका आधारमा पनि राष्ट्रिय राजनीतिमा महत्त्वपूर्ण अर्थ राख्ने देखिएको छ । एकतापछि संख्याका हिसाबले संघीय संसदमा ३१ जनाको प्रतिनिधित्व रहने छ भने यो संख्या सत्तारूढ नेकपा र प्रमुख प्रतिपक्षी कांग्रेसपछि तेस्रो नम्बरमा रहने छ ।
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...