माघ ८, २०८०
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
काठमाडौं – संघीय सरकारले अपेक्षा अनुसार बजेट खर्च गर्न नसकेको बेला प्रदेश सरकार पनि बजेट खर्चमा कमजोर देखिएका छन् ।
चालू आर्थिक वर्ष २०७५/०७६ सकिन २ हप्ता पनि बाँकी नभएको अवस्थामा बजेटको एकतिहाई समेत खर्च गर्न नसक्दा प्रदेशहरू बजेट खर्चमा कमजोर देखिएका हुन् ।
चालू आर्थिक वर्षमा ७ वटै प्रदेशले समग्रमा बजेटको करीब ३१ प्रतिशत मात्रै खर्च गरेका छन् । महालेखा नियन्त्रकको सोमवारसम्मको तथ्यांक अनुसार ७ वटै प्रदेशले ६३ अर्ब ९६ करोड ११ लाख १ हजार रुपैयाँ मात्रै खर्च गरेका छन् । खर्च कुल बजेटको ३० दशमलव ९२ प्रतिशत हो । चालू आर्थिक वर्ष २०७५/०७६ मा ७ वटै प्रदेशको बजेट २ खर्ब ६ अर्ब ८० करोड ५ लाख ४२ हजार रुपैयाँ रहेको थियो ।
सो अवधिमा सबै प्रदेशको चालूतर्फ ३३ अर्ब १ करोड ५८ लाख ३५ हजार र पूँजीगततर्फ ३० अर्ब ९४ करोड ५२ लाख ६५ हजार रुपैयाँ खर्च गरेको महालेखा नियन्त्रकको कार्यालयको तथ्यांक रहेको छ ।
कुन प्रदेशमा कति खर्च ?
प्रदेश १ सरकारमा १३ अर्ब ६९ करोड ४२ लाख १८ हजार रुपैयाँ खर्च भएको छ । त्यसमा चालूतर्फ ७ अर्ब ३३ करोड ५३ लाख २० हजार र पूँजीगततर्फ ६ अर्ब ३५ करोड ८८ लाख ९८ हजार रुपैयाँ खर्च भएको महालेखा नियन्त्रक कार्यालयको तथ्यांक छ ।
चालू आर्थिक वर्षमा प्रदेश १ सरकारको बजेट ३५ अर्ब ९३ करोड ६० लाख रुपैयाँको रहेको थियो । त्यसमा चालूतर्फ १४ अर्ब ९२ करोड १८ लाख, पूँजीगततर्फ १८ अर्ब ५० करोड ९२ लाख र अन्तरसरकारी हस्तान्तरणतर्फ २ अर्ब ५० करोड ५० लाख रुपैयाँ प्रदेश सरकारले विनियोजन गरेको थियो ।
प्रदेश २ सरकारमा चालू आर्थिक वर्षमा ७ खर्ब ६२ अर्ब १३ लाख रुपैयाँ खर्च भएको छ । प्रदेशमा चालूतर्फ ३ अर्ब ९० करोड ६७ लाख ५४ हजार ७ सय ६३ रुपैयाँ र पूँजीगततर्फ ३ अर्ब ७१ करोड ४५ लाख ४५ हजार ८ सय ९७ रुपैयाँ खर्च भएको महालेखा नियन्त्रक कार्यालयको तथ्यांकमा छ ।
चालू आर्थिक वर्षमा प्रदेश २ सरकारको बजेट २९ अर्ब ७८ करोड ६९ लाख रुपैयाँ रहेको थियो । जसमध्ये चालूतर्फ १४ अर्ब ४७ करोड ५६ लाख १३ हजार रुपैयाँ र पूँजीगततर्फ १५ अर्ब ३१ करोड १३ लाख २५ हजार रुपैयाँ विनियोजन गरिएको थियो ।
प्रदेश ३ सरकारमा चालू आर्थिक वर्षमा ११ अर्ब ४६ करोड ९४ लाख ९४ हजार रुपैयाँ खर्च भएको छ । प्रदेशमा चालूतर्फ ६ अर्ब ९६ करोड ७६ लाख ८८ हजार रुपैयाँ र पूँजीगततर्फ ४ अर्ब ५० करोड १८ लाख ६ हजार रुपैयाँ खर्च भएको छ ।
प्रदेशमा चालू आर्थिक वर्षमा ३५ अर्ब ६१ करोड ५६ लाख रुपैयाँको बजेट रहेको थियो । जसमा चालूतर्फ १३ अर्ब ८६ करोड २५ लाख ९१ हजार र पूँजीगततर्फ २१ अर्ब ७५ करोड ३० लाख ९ हजार रुपैयाँ रहेको थियो ।
चालू आर्थिक वर्षको सोमवारसम्म गण्डकी प्रदेशमा ७ अर्ब ७१ करोड ५ लाख ४८ हजार रुपैयाँ खर्च भएको महालेखा नियन्त्रक कार्यालयको तथ्यांक रहेको छ । त्यसमा चालूतर्फ ३ अर्ब २५ करोड ९८ लाख २४ हजार र पूँजीगततर्फ ४ अर्ब ४५ करोड ७ लाख २४ हजार रुपैयाँ खर्च भएको छ । प्रदेशमा चालू आर्थिक वर्षमा २४ अर्ब २ करोड ३३ लाख रुपैयाँको बजेट विनियोजन गरिएको थियो । त्यसमा चालूतर्फ ६ अर्ब ९१ करोड ५५ लाख, पूँजीगततर्फ १५ अर्ब ९० करोड ७८ लाख र अन्तरसरकारी वित्तीय हस्तान्तरणका लागि १ अर्ब २० करोड रुपैयाँ विनियोजन गरिएको थियो ।
महालेखा नियन्त्रक कार्यालयका अनुसार प्रदेश ५ सरकारमा १० अर्ब ५८ करोड ४८ लाख ८३ हजार रुपैयाँ खर्च भएको छ । प्रदेशमा चालूतर्फ ४ अर्ब ७९ करोड ३६ लाख २ हजार रुपैयाँ र पूँजीगततर्फ ५ अर्ब ७९ करोड १२ लाख ८० हजार रुपैयाँ खर्च भएको छ । प्रदेशमा चालू आवमा बजेट २८ अर्ब ९ करोड ३ लाख रुपैयाँ थियो । प्रदेशमा चालूतर्फ ११ अर्ब ४६ करोड ५९ लाख २ हजार रुपैयाँ र पूँजीगततर्फ १६ अर्ब ६२ करोड ४३ लाख ९८ हजार रुपैयाँको बजेट थियो ।
चालू आवमा कर्णाली प्रदेशमा ५ अर्ब २ करोड २८ लाख ७० हजार रुपैयाँ खर्च भएको महालेखाको तथ्यांकमा उल्लेख गरिएको छ । कर्णाली प्रदेशको चालू आर्थिक वर्षको बजेट २८ अर्ब २८ करोड २८ लाख २८ हजार रुपैयाँ रहेको थियो ।
कर्णाली प्रदेशमा चालूतर्फ ६ अर्ब ६३ करोड ८४ लाख ८५ हजार र पूँजीगततर्फ २१ अर्ब २४ करोड ४३ लाख ४३ हजार रुपैयाँ विनियोजन गरिएको थियो । वित्तीय व्यवस्थापनतर्फ ४० करोड रुपैयाँ विनियोजन गरिएको थियो ।
सुदूरपश्चिम प्रदेशमा चालू आर्थिक वर्षमा ७ अर्ब ८५ करोड ७७ लाख ८५ हजार रुपैयाँ खर्च भएको छ । सुदूरपश्चिममा चालूतर्फ ४ अर्ब १७ करोड ३ लाख ३६ हजार रुपैयाँ र पूँजीगततर्फ ३ अर्ब ६८ करोड ७४ लाख ४९ हजार रुपैयाँ खर्च भएको महालेखाको तथ्यांकमा छ ।
चालू आवमा सुदूरपश्चिम प्रदेशमा २५ अर्ब ६ करोड ५६ लाख १४ हजार रुपैयाँको बजेट रहेको थियो । जसमा चालूतर्फ १३ अर्ब ३५ करोड ८ लाख १ हजार र पूँजीगततर्फ ११ अर्ब ७१ करोड ४८ लाख १३ हजार रुपैयाँ रहेको थियो ।
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...