कात्तिक २८, २०८०
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
साउन २, २०७६
काठमाडौं – ओसाका उडानको अनुमति पाएको लामो समय बितिसक्दा पनि उडान शुरू गर्न नसकेको नेपाल वायु सेवा निगम (नेपाल एयरलाइन्स) जापानमा पनि कालो सूचीमा पर्ने खतरा बढेको छ ।
युरोपेली आकाशमा केही वर्षयता कालो सूचीमा रहेको नेपालको राष्ट्रिय ध्वजाबाहक विमान कम्पनी बहुप्रतिक्षित जापान उडान शुरू गर्न नसकी कालोसूचीमा पर्ने खतरा बढेको हो ।
अनुमति दिइसकेको ओसाका उडान शुरू गर्नुभन्दा नेपाली पक्ष प्रतिनिधि परिवर्तन गर्ने जस्ता काममा केन्द्रित भएको भन्दै ‘जापान सिभिल एभिएसन ब्यूरो, जेक्याब’ले अनुमति रद्द गर्ने चेतावनी दिएको छ ।
ओसाका विमानस्थलबाट यही जुलाइको ४ तारिखमा उडान शुरू गर्ने कार्यतालिका निगमले सार्वजनिक गरेको थियो । पछि त्यसलाई रद्द गरेर अगस्ट २९ का लागि सारियो ।
यसबीचमा नेपाल एयरलाइन्सका कार्यकारी अध्यक्ष मदन खरेल र निर्देशक टंकनिधि दाहाल आफैं निम्तो मागेर जापान पुगेका थिए ।
निगमले ओसाका उडानको तयारी र नारिता विमानस्थलबाट उडान शुरू गर्न अनुमति लिने प्रयास स्वरूप अध्यक्ष खरेल जापान गएको बताएको थियो ।
अध्यक्ष खरेल जापान पुगेर फर्किएयता नेपाल एयरलाइन्सले जापान उडान गर्ने वातावरण झन बिग्रिँदै गएको छ ।
पढ्नुहोस्, यो पनि :
निम्तो मागेर वायु सेवाका अध्यक्ष र निर्देशक जापानमा, राष्ट्रिय ध्वजावाहकको इज्जत नै धरापमा !
गत सोमवार निगमले जापानस्थित आफ्नो प्रतिनिधि समेत परिवर्तन गरेको छ ।
प्रतिनिधि परिवर्तन भएको जानकारी जेक्याबलाई पठाइसकेको निगमका प्रवक्ता गणेशबहादुर चन्दले लोकान्तरलाई जानकारी दिए ।
सन् २००८ सम्म नेपाल एयरलाइन्सले जापान उडान गर्दा प्रतिनिधिको रूपमा नेतृत्व गरेका देवमान हिराचनको कम्पनी आसुका ट्राभल्स एण्ड टूर्सलाई नै प्रतिनिधि बनाएर ओसाका उडानका लागि अनुमति लिइएको थियो ।
अहिले नेपाल एयरलाइन्सले एआईके नामक कम्पनीलाई नयाँ प्रतिनिधि तोकेको बताएका प्रवक्ता चन्दले यसका सञ्चालक र कम्पनीबारेका थप कुरा भने बताउन चाहेनन् ।
प्रतिनिधि परिवर्तन लगायतका विषयले नेपाली विमानका लागि जापानी आकाश सधैँका लागि बन्द हुने खतरा बढेको स्रोतको दाबी छ ।
‘यो विषयले नेपाल एयरलाइन्स जापानी आकाशमा सधैंका लागि लागि कालोसूचीमा पर्ने खतरा बढेको छ,’ जापानस्थित स्रोतले लोकान्तलाई भन्यो, ‘इन्टर एभिएसन जापानले नेपाल एयरलाइन्सका निर्देशक टंकनिधि दाहाल र जापानस्थित कन्ट्री डाइरेक्टर सन्तोष पाण्डेलाई इमेल लेखेर उडान अनुमति सम्झौता रद्द गर्ने र भविष्यमा कुनै सहकार्य नगर्ने चेतावनी समेत दिइसकेको छ ।’
अगस्ट २९ मा उडान शुरू गर्ने हो भने नेपाली पक्ष अगस्ट १ र २ तारिखमा ‘जाप्निज सेक्युरिटी मेनुअल’ नामक तालिममा सहभागी हुनुपर्ने हुन्छ । उक्त तालिममा पनि को सहभागी हुने भन्ने अन्योल बढेको छ ।
इन्टर एभिएसन जापान जेक्याब र नेपाल एयरलाइन्सबीच सम्झौतामा मध्यस्तता गर्ने र सहमतिका कागजातहरू ह्याण्डिलिङ गर्ने जापानी निकाय हो ।
अदालत जाने तयारीमा हिराचन
प्रतिनिधिबाट हटाइएका देवमान हिराचन भने निगमको उक्त निर्णयविरुद्ध अदालत जाने तयारीमा छन् ।
आफूलाई अन्यायपूर्ण ढंगले प्रतिनिधिबाट हटाइएको जिकिर सहित हिराचनले सर्वोच्च अदालतमा मुद्दा दायर गर्ने तयारी गरेका हुन् ।
यसबारे प्रतिक्रिया माग्दा हिराचनले आफू अदालत जान लागेको स्वीकारे ।
‘प्रतिनिधिका रूपमा मेरो कन्ट्र्याक्ट टर्मिनेट गरिएको भन्ने पत्र बुधवार प्राप्त भयो,’ हिराचनले लोकान्तरसँग भने, ‘यसलाई रोक्नका लागि अदालत जाने तयारीमा छु ।’
सन् २००८ मा उडान बन्द भएको ११ वर्षसम्म पनि जापानमा आफूले कम्पनीलाई जीवित राखेको र नयाँ अनुमति पनि आफूले नै लिएकाले अहिले आएर हटाउनु गलत भएको उनको जिकिर छ ।
‘विगत ११ वर्षदेखि जापानमा म प्रतिनिधिको रूपमा छु । सन् २००८ मा नै बन्द भएको ओसाका उडानलाई सुचारू गर्ने क्रममा पनि मैलै नै सबै प्रक्रिया पूरा गरेर अनुमति ल्याएँ । कागज पत्र सबै तयार पारेँ,’ हिराचनले थपे, ‘अहिले आएर टर्मिनेट गरिएको भन्ने पत्र आएको छ ।’
अध्यक्ष खरेलको राजनीतिले डुब्ने खतरामा निगम !
खरिदमा अर्बौं भ्रष्टाचार भएको भनेर संसद्को सार्वजनिक लेखा समितिले निष्कर्ष निकालेको वाइड बडी विमानले क्षमता अनुसारको काम नपाउने अवस्था आएपछि निगमले विभिन्न देशमा नयाँ उडान शुरू गर्ने प्रक्रिया अघि बढाएको थियो ।
यसैक्रममा जापानमा पनि उडानका लागि पहल भयो । जापानको ओसाकामा पहिले पनि नेपाली विमानले उडान अवतरण गरेकाले जापान सबैभन्दा सहज र उत्तम विकल्प थियो ।
निगमले आफ्ना पूर्व प्रतिनिधि देवमान हिराचनलाई नै जापान उडानको अनुमति लिने प्रक्रिया पूरा गर्न भन्यो ।
हिराचनले ११ वर्षदेखि ओसाकामा नेपाल एयरलाइन्सको कार्यालय जीवित राखेका थिए, कम्पनी पनि बर्सेनि नवीकरण गर्दै आएका थिए ।
अनुमति प्राप्त गरेर यही जुलाइ ४ तारिखका लागि उडान समेत तय भएको थियो ।
उक्त उडान रद्द गरेर अगस्ट २९ का लागि नयाँ तालिका सार्वजनिक भएको छ । सो अवधिमा पनि उडान हुने/नहुने अनिश्चित छ ।
यसबीचमा अध्यक्ष खरेल र निर्देशक दाहाल जापान पुगेर आएयता विभिन्न किसिमका राजनीति भइरहेका छन् ।
अध्यक्ष खरेलको व्यक्तिगत स्वार्थ र राजनीतिका कारण नेपाल एयरलाइन्सको सम्भावित गन्तव्य जापान सधैंका लागि बन्द हुने खतरा छ ।
पढ्नुहोस्, यो पनि :
वायु सेवा निगमका अध्यक्ष खरेल अन्तरक्रिया नगरी 'भागेको' भन्दै ओसाका निवासी नेपाली आक्रोशित
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
तिहारकाे समयमा स्वदेशी पेन्ट्सको प्रयोग गरेर सरकारी निवासहरू चिटिक्क बनाइएको छ । यदि तपाईँ अहिले शीतलनिवासस्थित राष्ट्रपति भवन, बालुवाटारस्थित प्रधानमन्त्री निवास र प्रधान न्यायाधीशको निवासमा पुग्नुभयो...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...