कश्मीर : हिरासतमै झगडा गरे उमर अब्दुल्ला र महबूबा मुफ्तीले

काठमाडौं – जम्मु–कश्मीरका विपक्षी नेताहरू उमर अब्दुल्ला र महबूबा मुफ्तीलाई धारा ३७० हटाइएपछि गत साता हरि निवास महलमा हिरासतमा राखिएको थियो । 

अधिकारीहरूका अनुसार, सँगै बस्ने क्रममा उनीहरूबीच विवाद अत्यधिक बढेपछि छुट्ट्याउनुपरेको थियो । उनीहरूले राज्यमा भारतीय जनता पार्टीलाई भित्र्याएको विषयमा विवाद गरेका थिए । 


Advertisement

यसक्रममा उमरले महबूबालाई गाली गर्दै उनका दिवंगत पिता मुफ्ती मोहम्म्द सईदमाथि भाजपासँग सन् २०१५ र २०१८ मा गठबन्धन गरेको भन्दै व्यंग्य कसे । सूत्रहरूका अनुसार, दुई नेताले बाझाबाझ गरे असन त्यहाँ उपस्थित कर्मचारीले त्यो सुने । पीडीपी अध्यक्ष महबूबाले नेसनल कन्फेरेन्स उपाध्यक्ष उमरलाई मुखभरिको जवाफ फर्काइन् । 

महबूबाले उमरलाई फारुक अब्दुल्लाको गठबन्धन अटल बिहारी वाजपेयी सरकार हुँदा भाजपासँग गठबन्धन गरेको कुरा सुनाइन् । महबूबाले उमरका हजुरबुवा शेख अब्दुल्लालाई पनि सन् १९४७ मा जम्मु–कश्मीर भारतमा विलयका लागि जिम्मेवार ठहर्‍याइन् । 


Advertisement

अधिकारीहरूले दुवैबीच विवाद बढेपछि उनीहरूलाई फरक राख्ने निर्णय लियो । उमरलाई महादेव पहाडीनजिक चेश्माशाहीमा वन विभागको भवनमा राखिएको छ भने महबूबा हरि निवास महलमै छिन् । झगडा हुनुअघि उमर हरि निवासको भुइँतल्लामा थिए भने महबूबा पहिलो तल्लामा । हरि निवास महल आतंकवादीहरूलाई केरकार गर्नका लागि प्रयोग गरिने ठाउँ हो । 

दुवै नेताहरूलाई जेलको नियम र नेताहरूको ओहदाका हिसाबले खाना खान दिइएको एक अधिकारीले बताए । महबूबाले ब्राउन ब्रेड खाने इच्छा व्यक्त गरेकी थिइन् तर जेलको मेन्यूमा त्यो उपलब्ध नभएकाले उनलाई ब्रेड दिइएन । 

एजेन्सी
 

कमेन्ट गर्नुहोस्