कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
साउन २८, २०७६
काठमाडौं – प्रधानमन्त्री केपी शर्मा ओली सिंगापुरबाट स्वदेश फर्केलगत्तै पार्टीभित्रको आन्तरिक विवादका विषयमा पार्टीका अर्का अध्यक्ष पुष्पकमल दाहाल ‘प्रचण्ड’सँग निरन्तर संवाद र परामर्शमा लागेका छन् ।
स्वास्थ्य परीक्षणका लागि प्रधानमन्त्री ओली गत साउन १८ गते सिंगापुर गएका थिए भने २८ गते सोमवार स्वदेश फर्केका थिए । प्रधानमन्त्री फर्केपछि अध्यक्ष प्रचण्डसँग बालुवाटारमा परामर्श गरेका हुन् ।
भेटमा समसामयिक राजनीति र पार्टी एकीकरण प्रक्रिया टुंग्याउने विषयमा छलफल भएको प्रचण्डको सचिवालयले बताएको छ । मंगलवार पनि भेटघाटको कार्यक्रम रहेको छ ।
‘प्रधानमन्त्री ओली र अध्यक्ष प्रचण्डबीच सोमवार साँझ भेट भएको थियो र भेटमा समसामयिक राजनीतिका बारेमा चर्चा भयो,’ प्रचण्डका प्रेस सल्लाहकार विष्णु सापकोटाले भने, ‘उहाँहरू आज पनि भेटघाट गर्ने कार्यक्रम रहेको छ र भोलि बोलाइएको सचिवालय बैठकमा विभागहरूका बारेमा ठोस निर्णय गर्न आज सहमतिको प्रयास हुनेछ ।’
यसअघि पटक–पटक बसेको सचिवालय बैठकले कुनै निष्कर्ष दिन नसकेपछि गत साउन १४ गते अध्यक्ष प्रचण्ड पारिवारिक भ्रमण भन्दै दुबईतिर उडेका थिए भने १८ गते स्वास्थ्य परीक्षणका लागि प्रधानमन्त्री ओली सिंगापुर गएका थिए ।
१५ दिन स्थगित भएको सचिवालय बैठक मंगलवार बोलाइएको थियो । मंगलवार गृहकार्य नपुगेको भन्दै बैठक स्थगित भएको छ ।
‘पार्टी विभागका विषयमा सचिवालय बैठकले निर्णायक कदम चाल्नुपर्नेमा उहाँहरू एकदम सिरियस हुनुहुन्छ,’ एक सचिवालय सदस्यले भने, ‘सचिवालय बैठकको मिति पटक–पटक तोक्ने र बैठक स्थगित गर्ने कामले आम जनता र कार्यकर्ताबीच राम्रो सन्देश गइरहेको छैन । लामो समयसम्म अड्केर बसेको एकता प्रक्रियालाई टुंगोमा पुर्याउन दुवै निरन्तर छलफल परामर्शमा हुनुहुन्छ ।’
विभागमै अड्को
गत साउन १३ गते बसेको सचिवालय बैठक पार्टीका नेताहरूको इच्छा बुझेर विभागको नेतृत्वबारे सहमति जुटाउने भन्दै १५ दिनका लागि स्थगित गरिएको थियो ।
दुवै अध्यक्ष विदेश भ्रमणमा लागेपछि पार्टीभित्र नेताहरूको इच्छा बुझेर प्रतिवेदन तयार पार्ने जिम्मा महासचिव विष्णु पौडेलले लिए । पार्टीभित्र ४ सय ४१ केन्द्रीय सदस्य रहेकोमा अध्यक्षद्वय र महासचिवबाहेक १ सय ६९ को जिम्मेवारी तोक्न अझै बाँकी छ ।
पौडेलले जिम्मेवारी पाउन बाँकी रहेका अधिकांश नेताहरूलाई उनीहरूको रुचि र इच्छाका बारेमा सोधिसकेको र त्यसलाई प्रतिवेदनमा समेटिएको जानकारी दिएका छन् । अधिकांश नेताहरूले पार्टीका विभागहरूमा सचिवालय सदस्यले आँखा गाड्न नहुने सुझाव दिएका थिए । मंगलवार बस्ने भनिएको सचिवालयमा महासचिव पौडेलले तयार पारेको प्रतिवेदन पेश गर्न कार्यक्रम रहेको थियो ।
पार्टीको शक्ति सन्तुलन फेरिँदैछ ?
पार्टीभित्रको विवादलाई स्थायी रूपमा हल गर्ने विषयलाई लिएर गत आइतवार वरिष्ठ नेता माधवकुमार नेपाल अध्यक्ष प्रचण्डलाई भेट्न खुमलटार गए । प्रधानमन्त्री ओली सोमवार मात्र स्वदेश फर्केका हुन् ।
अध्यक्ष प्रचण्ड र वरिष्ठ नेता नेपालबीच ४ घण्टाभन्दा बढी छलफल भएको थियो । छलफल विभाग र पोलिटब्यूरोका विषयमा केन्द्रित रहेको थियो । भेटमा नेपालले स्कूल विभागमा देखिएको विवाद टुंग्याउन तत्कालका लागि अध्यक्षद्वयकै मातहतमा स्कूल विभाग राख्न सकिने सुझाव दिएको स्रोत बताउँछ । नेता नेपाल ईश्वर पोखरेललाई स्कूल विभाग दिन नसकिने पक्षमा उभिँदै आएका छन् ।
नेता नेपालले पार्टीको अन्तर्राष्ट्रिय विभागको नेतृत्व पाउने पक्कापक्की जस्तो भएको छ । अर्का वरिष्ठ नेता तथा पूर्व प्रधानमन्त्री झलनाथ खनालले नीति तथा प्रतिष्ठानको जिम्मेवारी पाउने मोटामोटी सहमति पहिल्यै बनिसकेको थियो ।
सचिवालय बैठक स्थगित भएको १५ दिनमा नेकपाभित्रको शक्ति सन्तुलन नै परिवर्तन हुने परिस्थिति देखापरेको छ । नेता नेपाल र प्रचण्डको आइतवारको लामो छलफलले ओलीपक्ष झस्किएको जस्तो देखिन्छ भने पार्टीभित्र कतिपय विषयमा प्रचण्डलाई साथ दिएका वामदेव गौतमले लोकान्तरमा लामो आलेख लेख्दै पार्टीको कार्यदिशा ‘जनताको जनवाद’ हुन नसक्ने धारणा व्यक्त गरेपछि प्रचण्ड पक्ष झस्किएको छ ।
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...