सिंगापुरमा यसरी हुँदैछ ओलीको उपचार, कस्तो छ स्वास्थ्य अवस्था ?

काठमाडौं–उपचारका लागि सिंगापुर पुगेका प्रधानमन्त्री केपी शर्मा ओलीको नियमित उपचार प्रक्रिया थालिएको प्रधानमन्त्रीका निजी चिकित्सक डा दिलिप शर्माले जानकारी दिएका छन् । उनका अनुसार एन्टिबडी शरीरबाट हटाउने प्रक्रिया थालिएको छ।  
प्रधानमन्त्रीको मिर्गौलाको थप परीक्षण र क्षमता अभिवृद्धिका लागि आवश्यक उपचार थालिएको डा शर्माले बताए । 
मिर्गौला रोग विशेषज्ञ डा ऋषि काफ्लेले प्रधानमन्त्री ओलीको ट्रान्सप्लान्ट गरिएको मिर्गौला विस्तारै कमजोर हुँदै गएको बताए । काफ्लेले उपचार विधिबाट प्रधानमन्त्री सामान्य अवस्थामा आउने या पुन मिर्गौला प्रत्यारोपण गर्नुपर्ने भन्ने निक्र्योल हुने बताए । 
आजको राजधानी दैनिक काफ्लेलाई उदृत गर्दै लेख्छ–प्रधानमन्त्रीका मुटु, फोक्सोलगायतका अंग स्वस्थ छन् । शरीरमा इन्फेक्सन छैन । तसर्थ मिर्गौला प्रत्यारोपण गर्नुपरे पनि प्रधानमन्त्री सक्षम हुन्छन्, सजिलै प्रत्यारोपण हुन सक्छ । 


Advertisement

कमेन्ट गर्नुहोस्