×

NMB BANK
NIC ASIA

डेंगुको त्रास

प्रदेश राजधानीमा फैलिँदै डेंगुको महामारी, प्रदेश सरकार र स्थानीय तह मस्त निद्रामा !

भदौ २२, २०७६

NTC
Sarbottam
Premier Steels
Marvel

बुटवल– बुटवलस्थित लुम्बिनी प्रादेशिक अस्पतालमा शनिवार राति एक डेंगु संक्रमित महिलाको मृत्यु भयो । कपिलवस्तु वाणगंगा नगरपालिकाकी–७ की ६१ वर्षिया सावित्रा आचार्यको उपचारको क्रममा मृत्यु भएको हो ।

Sagarmatha Cement
Muktinath Bank

प्रदेश नम्बर ५ को राजधानी बुटवल (रूपन्देही) तथा यस आसपासका अन्य जिल्लामा डेंगुका बिरामी ह्वात्तै बढेका छन् । बिरामी वृद्धिको संख्या हेर्दा यसले प्रदेश राजधानीमा महामारीको रूप लिने संकेत देखिन थालेको छ । 


Advertisment
RMC TANSEN
IME BANK INNEWS
shivam ISLAND

जिल्ला स्वास्थ्य कार्यालय रूपन्देहीका अनुसार एक जनाको मृत्यु भएको छ भने ८० जना बिरामीमा डेंगु पोजेटिभ देखिएको छ । 


Advertisment
Nabil box
Kumari

जिल्ला स्वास्थ्य कार्यालय रूपन्देहीका प्रमुख डा. राजेन्द्र गिरीले साउन २८ गतेदेखि रूपन्देहीमा डेंगुका बिरामी भेटिएको र भदौ १५ पछाडि बिरामी ह्वात्तै बढेको लोकान्तरलाई जानकारी दिए । 

Vianet communication
Laxmi Bank

गएका केही वर्षमा असोज अन्तिम सातातिर देखिने डेंगु अहिले साउनमै देखियो । डेंगुका बिरामी लगातार बढ्दै जाँदा समेत यसको नियन्त्रणका लागि स्थानीय तहदेखि प्रदेश सरकारले कुनै चासो दिएका छैनन् ।

प्रदेश राजधानीमा डेंगुको सक्रमण महामारीको रूपमा देखिन थाल्दा समेत ‘लामखुट्टे खोज र नष्ट गर’ अभियान समेत सञ्चालन गरिएको छैन । 

डेंगु लामखुट्टेको टोकाइबाट सर्ने रोग हो । संक्रमित बिरामी प्रादेशिक अस्पताल, बुटवल अस्पताल प्रालि, क्रिमसन अस्पताल, युनिभर्सल कलेज अफ मेडिकल साइन्स भैरहवा, सिद्धार्थ महिला तथा बाल अस्पतालमा उपचार भइरहेको गिरीले जानकारी दिए । 

पछिल्ला दिनमा रूपन्देहीमा दैनिक १० जनाभन्दा बढी नयाँ डेंगुका बिरामीहरू फेला परेका छन् ।

विगतमा जिल्ला जनस्वास्थ्य कार्यालयले स्वास्थ्य क्षेत्रको सबै जिम्मेवारी बहन गर्दै आएकोमा स्थानीय सरकार गठनपछि स्वास्थ्यको जिम्मेवारी स्थानीय तहमा सरेको छ । तर संघ र प्रदेश सरकारले पनि समन्वय नगरेपछि जनस्वास्थ्यसँग जोडिएको डेंगु नियन्त्रणमा स्थानीय तहलाई हाइसञ्चो भएको छ । प्रदेशको स्वास्थ्य हेर्ने सामाजिक विकास मन्त्रालयले कुनै अभियान शुरू गरेको पाइएको छैन । 

डेंगु संक्रमण फैलिरहँदा पनि रूपन्देहीका स्थानीय तहले अहिलेसम्म कुनै योजना बनाएका छैनन् । 

बुटवल उपमहानगरपालिकाले सामान्य जनचेतना जगाउने काममा मात्रै सक्रियता देखाएको छ । जनस्वास्थ्य अधिकृत कपिलप्रसाद गौतमले विभिन्न वडाहरूमा स्वास्थ्य स्वयंसेविकाहरूमार्फत जनचेतना जगाउने काम भइरहेको बताए । 

‘ठोस रूपमा काम अघि बढेको छैन, अब एक सातामा खोज र नष्ट गर अभियान सञ्चालन गर्छौं,’ उनले भने ।

उपमहानगरपालिकाद्वारा सञ्चालित स्वास्थ्य केन्द्रहरूमा सामान्य ल्याब परीक्षणको व्यवस्था गर्ने बाहेक उपमहानगरपालिकाले पूूर्व तयारीका कार्यक्रम गरेको छैनन् । 

अहिले टोलटोलमा यसबारे जनचेतना जगाउने, विद्यालयमा गएर चेतनाको अभियान सञ्चालन गर्ने लगायतका काम मात्र गरिएको उनले बताए ।

अहिलेसम्म लुम्बिनी प्रादेशिक अस्पताल बुटवलमा मात्रै २६ जना संक्रमितको उपचार जारी छ । 

डेंगु नियन्त्रणका लागि तिलोत्तमा नगरपालिकाले पनि अहिलेसम्म कुनै कदम चालेको छैन । डेंगुकै लागि लक्षित गरी अहिलेसम्म एउटा पनि बैठक बसेको छैन भने यसबारे छलफल नै भएको छैन । तर अहिले डेंगुको संक्रमण बढ्दै गएकाले आन्तरिक तयारी भने शुरू गरिएको नगरपालिका स्वास्थ्य शाखाका संयोजक काशीनाथ बञ्जाडेले जानकारी दिए ।

‘अबको एक साताभित्र जनचेतनामूलक कार्यक्रम सञ्चालन गरी सचेतना जगाउँछौं,’ उनले भने । यसबाहेक तिलोत्तमा नगरपालिकामा डेंगु नियन्त्रणका लागि थप योजना बनेको छैन ।

गत वैशाखमा पूर्वी तराईबाट शुरू भएको डेंगुले प्रकोपकै रूप लिएर मुलुकका अधिकांश जिल्ला फैलिई मानवीय क्षति समेत भइरहँदा पनि जिम्मेवार निकायमा त्यो स्तरको संवेदनशीलता अझै देखिएको छैन । 

कपिलवस्तु, दाङ, पाल्पा लगायतका प्रदेशका अन्य जिल्लाहरूमा पनि डेंगुका बिरामी भेटिएका छन् । ४२ जिल्लामा फैलिएको डेंगुले काठमाडौंमा समेत गरी अहिलेसम्म ५ जनाको ज्यान लिइसकेको छ । 

स्थितिले गम्भीर रूप लिइसक्दा पनि नियन्त्रणमा पर्याप्त समन्वय र सतर्कता अपनाएको देखिएको छैन । रूपन्देहीको देवदह नगरपालिकाले बल्ल योजना बनाउने गृहकार्य थालेको जनाएको छ ।

‘जनचेतनाका लागि ब्रोसर छाप्न दिएका छौं, त्यो तयार भएपछि सचेतनाको काम शुरू हुन्छ,’ देवदह नगरपालिकाका स्वाथ्य शाखा संयोजक धु्रवराज घिमिरे भने, ‘अब छिट्टै नै कार्यपालिकाको बैठक बसेर खोज र नष्ट गर अभियान चलाउँछौं ।’ 

सैनामैना नगरपालिकाको पनि कुनै तयारी गरेको छैन । बजेट अभावले डेंगु नियन्त्रण अभियान सञ्चालन गर्न नसकिएको सैनामैनाका जनस्वास्थ्य निरीक्षक युवराज पाण्डेले जानकारी दिए । 

रूपन्देहीमा आर्थिक वर्ष २०६७/०६८ मा पहिलोपटक डेंगुका बिरामी फेला परेका थिए । उक्त वर्ष रूपन्देहीमा मात्रै ४ जनाको मृत्यु भएको थियो । त्यस्तै ०७३/०७४ र ०७४/०७५ मा २/२ जना गरी ४ जनाको मृत्यु भएको थियो । डेंगु देखिएयता ८ जनाको मृत्यु भइसकेको छ । 

०७४/०७५ मा चितवन र रूपन्देहीमा महामारी नै फैलिएको थियो । ८ वर्षको अन्तरालमा रूपन्देहीमा करीब १५ सयमा डेंगु रोग लागिसकेको छ । प्रत्येक वर्ष डेंगु संक्रमित भेटिए पनि रूपन्देहीमा पछिल्लो दुई वर्षयता रोकथामका लागि बजेट आएको छैन । 

स्थानीय तहहरूले भने बजेट छुट्टयाएर पनि काम गरेका छैनन् । जनस्वास्थ्य कार्यालय रूपन्देहीका भेक्टर कन्ट्रोल निरीक्षक केदारनाथ शाहले डेंगु नियन्त्रणका लागि स्थानीय तहमा बजेट र कार्यक्रम गएको तर स्थानीय तहले नियन्त्रणका लागि पहल नगरेको दाबी गरे । 

रूपन्देहीमा रगत अभाव छैन !

डेंगुका बिरामीहरूका लागि आवश्यक पर्ने पीआरपी (सेतो रगत)को अभाव नरहेको नेपाल स्वयंसेवी रक्तदाता समाजले जनाएको छ । 

समाजका अध्यक्ष कृष्ण चौहान क्षेत्रीले डेंगुका बिरामीका लागि आवश्यक पर्ने सेतो रगत ब्लड बैंक बुटवलमा प्रर्याप्त रहेको बताए । उनले भने, ‘रगत नपाए बुटवल आउनु । रगत नपाएर बिरामीको स्वास्थ अवस्था बिग्रने सम्भावना रूपन्देहीमा छैन । डेंगुलाई सबै मिलेर जित्नुपर्छ ।’ 

बिरामीलाई अहिलेसम्म रगतको अभाव हुन नदिएको समाजको दाबी  छ ।

hAMROPATRO BELOW NEWS
TATA Below
पुस २८, २०८०

काठमाडौंको चन्द्रागिरिस्थित सेतो पहरामा शनिवार दिउँसो कार दुर्घटना हुँदा ५ जनाको मृत्यु भएको छ । काठमाडौंबाट चित्लाङका लागि छुटेको प्रदेश - ३ - ०१ - ०२३ च ६९८५ नम्बरको कार दुर्घट...

मंसिर १७, २०८०

मुख शरीरको महत्वपूर्ण अंग हो । खान, बोल्न र हाँस्नमा मुखको विशेष भूमिका हुन्छ । त्यसैले मुखको सरसफाइमा कुनै लापरबाही गर्नुहुँदैन । मुखको सफाइ नगर्दा गन्ध आउने मात्रै होइन, दाँत र गिजामा विभिन्न रोग निम्तिन पनि...

मंसिर १४, २०८०

काठमाडौं- खान–पिनमा शौकीन व्यक्तिलाई कुनै विशेष खाद्य पदार्थको लाभ तथा हानीबारे जानकारी हुँदैन । उनीहरुलाई त्यो कुराले फरक पनि पर्दैन । किनकी त्यस्ता व्यक्तिलाई जुन खानेकुराको स्वाद मनपर्यो, त्यसलाई नखाइ ...

कात्तिक १६, २०८०

काठमाडौं –छिट्टै उर्जा प्रदान गर्ने फलको रुपमा चिनिने केराले तपाईलाई स्वस्थ्य मात्रै राख्दैन, केही जटिल प्रकारका रोगबाट पनि बचाउँछ ।  पूर्ण रुपमा पाकेको केराले तपाईको शरीरलाई धेरै प्रकारका र...

कात्तिक १६, २०८०

स्वस्थ फ्याट, भिटामिन र मिनरलले भरिएको ओखर खाँदा मस्तिष्कको स्वास्थ्य राम्रो हुन्छ र स्मरणशक्ति पनि बढ्छ । त्यसबाहेक शरीरको समग्र स्वास्थ्यका लागि पनि यो लाभदायक छ । ओखरमा प्रोटीन, क्याल्सियम, म्याग्नेसियम, आइरन, फस्फो...

कात्तिक १९, २०८०

धेरै मानिसको मुटुरोगका कारण मृत्यु हुन्छ । आजकल त युवा अवस्थामै मुटुरोग वा हृदयघात भएर मर्ने व्यक्तिको संख्या बढ्दो छ । तर हृदयघात हुँदैछ भनी सचेत गराउने संकेतहरू शरीरले पहिल्यै दिन्छ । हुन त सबैलाई यस्त...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x