काठमाडौं– सरकारले नेपालीहरुको महान चाड दशैं, तिहार र छठ पर्वलक्षित सहुलियत पसल सञ्चालनमा ल्याएको छ ।

उद्योग, वाणिज्य तथा आपुर्ति मन्त्रालयको सहकार्यमा साल्ट ट्रेडिङ, खाद्य व्यवस्था तथा व्यापार कम्पनी र दुग्ध विकास संस्था (डीडीसी)मार्फत सहुलियत मूल्य पसल सञ्चालनमा ल्याएको हो ।

चाडपर्वको अवसरमा उपभोक्तालाई सहुलियत दिने उद्देश्यसहित सरकारले सुपथ मूल्य पसल सञ्चालनमा ल्याएको वाणिज्य सचिव बैकुण्ठ अर्यालले बताए । उनले सहुलियत मूल्य पसलले बजारमा हस्तक्षेप नभइ दशैं तिहारका बेलामा उपभोक्तालाई बजारको अवस्थाबारे जानकारी दिने बताए ।

‘यो सुपथ मूल्य पसल होइन, सुपथ मूल्य पसल सधैं सञचालनमा हुन्छन्’ उनले भने, ‘यो सहुलियत मूल्य पसल हो । यसले बजार हस्तक्षेप भन्दा पनि बजारमा सिग्नल दिन्छ । यो वस्तुको मूल्य यो हो है भनेर जानकारी दिन्छ ।’

सोमवारदेखि सञ्चालनमा आएका सहुलियत मूल्य पसल मुलुकभरि ७३ स्थानमा सञ्चालनमा आउने उनले बताए ।

साल्ट ट्रेडिङ कर्पोरेसनले काठमाडौं उपत्यकामा ११ वटा र उपत्यका बाहिर २४ वटा सहुलियत पसल सञ्चालनमा ल्याउनेछ । मुलुकभरि साल्ट्रेडिङका ३५ वटा पसल रहनेछन् । त्यस्तै खाद्य व्यवस्था तथा व्यापार कम्पनीले २३ वटा र डीडीसीले १५ वटा सहुलियत पसल सञ्चालनमा ल्याउने छन् ।

खाद्य व्यवस्था तथा व्यापार कम्पनीले काठमाडौं उपत्यकामा ५ स्थानमा र उपत्यका बाहिर १८ स्थानमा पसल सञ्चालन गर्नेछ । त्यस्तै डिडिसीले काठमाडौं उपत्यकामा ४ स्थानमा र उपत्यका बाहिर ११ स्थानमा यस्ता पसल सञ्चालनमा ल्याउने छ ।

उपत्यकामा यस्ता पसलहरू कालीमाटी, कोटेश्वर, टेकु, रामशाह पथ, सतुंगल, ललितपुर, भक्तपुर लगायतका स्थानमा रहने उद्योग, वाणिज्य तथा आपूर्ति मन्त्रालयले जानकारी दिएको छ । सहुलियत पसलमा चिनीमा प्रतिकिलो ५ रुपैयाँ, नूनमा प्रतिकिलो २ रुपैयाँ, घिउमा प्रतिकिलो ५० रुपैयाँ, खसी बोकामा प्रतिकिलो १० रुपैयाँ छुट दिइने वाणिज्य आपुर्ति तथा उपभोक्ता हित संरक्षण विभागका महानिर्देशक योगेन्द्र गौचनले जानकारी दिए ।

खसी, बोका ढुवानीका लागि टेन्डर प्रक्रिया शुरू भएको गौचनले बताए । सुहलियत पसल आगामी १६ कार्तिकसम्म सञ्चालनमा रहने छन् ।

उपभोक्तालाई राहतः मन्त्री

यसैबीच उद्योग, वाणिज्य तथा आपूर्ति मन्त्री मातृका प्रसाद यादवले सहुलियत मूल्य पसलले उपभोक्तालाई राहत मिल्ने बताएका छन् । सुपथ मूल्य पसलको उद्घाटन कार्यक्रममा सहुलियत मूल्य पसलको उद्घाटन कार्यक्रममा मन्त्री यादवले यस्तो बताएका हुन् ।

किसान र उपभोक्तालाई भगवान तथा व्यापारीलाई उजेली उच्चारण गरेका मन्त्री यादवले भगवान दुब्लाउँदै गएका र उजेली मोटाउँदै गएको बताए । ‘भगवान दुब्लाउँदै जाने र उजेली मोटाउँदै प्रचलन छ’ मन्त्री यादवले भने, ‘त्यस्तो नहोस् दशैं चाहिँ सबैको सुखद होस् ।’

यसअघि डीडीसीका आयोजना प्रमुख राजेन्द्र अधिकारीले डिडिसीको सुपथ मूल्य पसलबारे जानकारी दिँदै किसान र उपभोक्तालाई धन्यवनद दिएका थिए ।

किसान र उपभोक्ता भगवान भएको र दुवैको सहयोगले डिडिसीले सजिलै दुध पाउने तथा विक्री गर्न सहज भएको अधिकारीले बताए ।

सोही प्रसंग कोट्याउँदै मन्त्री यादवले उद्योगीलाई उजेलीको संज्ञा दिँदै भगवान दुब्लाउने र उजेली मोटाउने प्रचलनको अन्तको आपेक्षा गरिएको बताए ।

यस्तो छ साल्टट्रेडिङको मूल्य-