मंसिर १६, २०८०
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
बुटवल– धेरै व्यक्तिहरू कुनै एउटा क्षेत्रमा मात्र अब्बल/सफलता प्राप्त गरेको देखिन्छ । तर बुटवलका एक युवा लोकदोहोरीदेखि शैक्षिक क्षेत्रमा पनि आफूलाई अब्बल सावित गरेर स्थापित भएका छन् ।
प्रचण्ड जिसीको नाम शिक्षादेखि कलाकारिता क्षेत्रसम्ममा फैलिएको छ ।
प्यूठान जिल्लाको झिमरुक गाउँपालिका–५ मा २०४२ सालमा जन्मिएका जिसीले एसएलसी पछिको अध्ययनका लागि२०५८ सालमा रूपन्देही झरे । उनले गाउँकै बालशिक्षामाविबाट दोस्रो श्रेणीमा एसएलसी उत्तीर्ण गरे । उनले २०५८ सालमा बुटवल बहुमुखी क्याम्पसमा २०५८ मा विज्ञान विषय लिएर अध्ययन शुरू गरे । उनको भित्री चाहना भनेको गायन क्षेत्रनै थियो । अझ भनौं दोहोरीमा बढी थियो ।
उनी कलेज जाँदा होस् वा कोठामा रहँदा गीत गुनगुनाइरहन्थे । २०६१ मा रुपन्देहीको सालझण्डीमा लोकदोहोरी गायक रामप्रसाद खनालले चलाएको दोहोरी गीत प्रतियोगितामा उनले पहिलो पटक भाग लिए । कुनै तयारी बिना १० टीमलाई पछाडि पारेर उनी दोस्रो स्थान हात पार्दै पहिलो पटक ५ हजार रुपैयाँ हात पारे । त्यो उनको पहिलो प्रतियोगिताको उपाधि पहिलो थियो ।
त्यसपछि पोखरामा सञ्चालित शैक्षिक महोत्सवमा बुटवल बहुमुखी क्याम्पसको उनको नेतृत्वमा एउटा टीम पोखरा गयो । त्यहाँ उनी प्रथम स्थान हासिल गरी २० हजार रुपैयाँसहित नेपालभरको क्याम्पस स्तरीय दोहोरी गीतमा जीत हासिल गरे ।
त्यसपछिका देशभरमा विभिन्न स्टेज दोहोरीमा जिसीले सधैंजसो उपाधि जिते । लेखनाथ महोत्सव होस् वा रुपन्देहीमा विभिन्न ठाउँहरूमा प्रत्येक वर्ष आयोजना गरिने महोत्सवमा दोहोरी गीत प्रतियोगिता नै किन नहून् सबैमा जिसीले आफूलाई अब्बल सावित गरे । छोटो समयमा धेरै दोहोरी प्रतियोगितामा उपाधि हासिल गर्न उनी सफल भएका छन् ।
उनी भन्छन्, 'रेडियो नेपालले आयोजना गरेको दोहोरीदेखि अञ्चल स्तरीय दोहोरीमा प्रथम भएको छु । दोहोरीमा मैले ७०/८० ठाउँमा जितेर १५/१६ लाख रुपैयाँ नै पुरस्कार प्राप्त गरे हुँला ।’
उनले स्टेज दोहोरीसँगै आफ्नो अध्ययनलाई पनि निरन्तरता दिएका थिए । उनले आईएमा क्याम्पस टप गरे । ब्याचलरमा उनले विज्ञान संकाय छाडेर गणित विषय मुख्य बनाएर अध्ययन गरे । पढाइसँगै उनले बोर्डिङ स्कुल पनि पढाउँथे । दैनिक गुजाराका लागि मध्यम वर्गीय परिवारमा जन्मिएका जिसीलाई पढाइको लागि अध्ययापन अनिवार्य जस्तै थियो । बुटवलबाटै उनले ब्याचलर र मास्टर पूरा गरे । पढाइ, दोहोरी गीत हुँदै शिक्षक सेवा आयोगको तयारीमा पनि थिए ।
२०६९ मा शिक्षक सेवा आयोगले आवेदन माग गर्यो । उनले फाराम भरे । ०७१ मा उनले ३ वटै तह (मावि, निमावि र प्रावि) मा लिखित र मौखिकमा नाम निकाले । त्यसपछि उनको यात्रा शैक्षिकतिर बढी केन्द्रित भयो । उनी २८ वर्षमा सरकारी सेवामा प्रवेश गरे ।
जनता मावि तिलोत्तमा–१३ मा उनी प्रधानध्यापकको रूपमा २०७१ देखि नेतृत्व गरिरहेका छन् । उनी भन्छन्, ' नेपाली लोकदोहोरी क्षेत्रलाई निरन्तरता र माया सधै छ ।’
जिसीले अध्ययन दोहोरीकै क्षेत्रमा काम गर्दै गर्दा झण्डै दर्जन एल्बमहरू पनि बजारमा ल्याए जसले उनलाई अझै चिनाउन मदत गर्यो । उनले पहिलो एल्बम २०६४ मा 'दाउ पर्यो मायाले’ बजारमा ल्याए । त्यस्तै उनको २०६८ मा 'सुन हे पियारी यहीँ हो मेरो देश' तीज गीत बजारमा ल्याएर जसलाई धेरै नेपालीले मन पराए ।
उनी त्यही गीतबाट धेरै सामु चिनिए पनि । त्यस्तै 'दशैं तिहार आयो', 'पढ्ने बेला पढ केटा हो', 'घुस नखाउ', 'झिमरुक पारी मायाको गाउँ छ', 'सोल्टिनी', 'पार्टी पर्यो भिन्नै', 'फेरियो हाम्रो गाउँ', 'जान्नँ फर्केर', 'दशैं आइसक्यो', 'गाउँका लाहुरे फर्केनन् घर'लगायतका गीतहरू बजारमा ल्याए । 'आफूलाई रुचि भएको क्षेत्रमा निन्तर लगाव लगाए सफलता प्राप्त गर्न समस्या छैन,’ उनले भने, 'गीत संगीत क्षेत्रमा लाग्नेलाई बाँच्न गाह्रो छैन । बरू केही विकृतिहरू हटाउन जरुरी छ ।' उनले छिट्टै तिहार सम्बन्धी नयाँ गीत बजारमा ल्याउँदै छन् । पछिल्लो समय कलाकारहरूमा देखिएको यूट्युब मोह र लोकप्रियता बढ्दै गएकोले आर्थिक स्थिति पनि कलाकारको राम्रो रहेको उनको बुझाइ छ । राज्यले कलाकारलाई हेर्ने दृष्टिकोण परिवर्तन गर्न आवश्यक रहेको उनको बुझाइ छ । उनले भने, 'राज्यले कलाकारलाई चाहिएको बेलामा प्रयोग गर्ने अन्य समयमा कुनै महत्त्व नदिने गरेको छ । यो राम्रो होइन ।’
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् । अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...
गायक श्रीधर अधिकारीको नयाँ लोकदोहोरी गीत सार्वजनिक भएको छ । तिहारको अवसर पारेर सार्वजनिक ‘बाडुल्की ला होला...’बोलको गीतमा उनलाई शान्तिश्री परियारले गायनमा साथ दिएकी छन् । बा...
बलिउडमा कलाकारको पारिश्रमिकलाई लिएर निकै चर्चा हुन्छ । विशेषगरी चलचित्रका स्टारहरूको पारिश्रमिकबारे सञ्चारमाध्यममा प्रशस्त समाचार बन्छन् । नेपालमा पनि बेलाबेलामा चलचित्रका स्टार कलाकारहरूको पारिश्रम...
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...