मंसिर १०, २०८०
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
काठमाडौं– चीनका राष्ट्रपति शी चिनफिङले गत शनिवार र आइतवार गरी करिब साढे २१ घण्टा नेपालमा बिताए । २३ वर्षपछि चिनियाँ राष्ट्रपति नेपालमा आएकाले यस भ्रमणलाई महत्त्वका साथ हेरियो र भ्रमण सफल पनि भयो ।
सुरुङ मार्ग, रेल्वेको सम्भाव्यता अध्ययन लगायत २० बुँदे समझदारीले त भ्रमणलाई थप महत्त्वपूर्ण बनायो । समझदारीपत्र चिनियाँ राष्ट्रपति शी र प्रधानमन्त्री केपी शर्मा ओलीको उपस्थितिमा आदानप्रदान गरिएको थियो ।
विश्वशक्ति राष्ट्रको रूपमा उदाएको मुलुकका राष्ट्र प्रमुख समेत रहेका अतिविशिष्ठ पाहुनाको सुरक्षाको चुनौती निकै ठूलो थियो ।
शीको नेपाल बसाइलाई नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान विभागले कुनैपनि बाधा अवरोधविना सम्पन्न गराउन सफल भए ।
प्रधानमन्त्रीको आग्रहमा गृहसचिव प्रेमकुमार राईले सुरक्षाा निकायका प्रमुखहरूलाई बोलाएर शीको भ्रमणलाई लक्षित गरी सुरक्षा व्यवस्था चुस्तदुरूस्त बनाउन निर्देशन दिएका थिए ।
रातदिन नभनी खट्न उनले निर्देशन मात्र दिएनन्, त्यसको कडा अनुगमन पनि गरेका थिए । प्रधानमन्त्रीनिकट स्रोतका अनुसार भ्रमण सुरक्षाको श्रेय राईलाई पनि जान्छ ।
शीको सुरक्षाका लागि नेपाली सेनाको संयोजकत्वमा नेपाल प्रहरी, सशस्त्र प्रहरी बल, राष्ट्रिय अनुसन्धान विभाग लगायतका सुरक्षा निकायको समिति गठन भएको थियो।
शीको सुरक्षाका लागि नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धानको टोली, नेपाली सेनाका चिकित्सकको टोली, बम डिस्पोजल टोली, सादा पोशाकका प्रहरी लगायत गरी १६ हजार ६ सय ९९ जना सुरक्षाकर्मी खटिएको नेपाली सेनाका प्रवक्ता साहयक रथी विज्ञानदेव शर्माले लोकान्तरलाई बताए । तालिमप्राप्त कुकुरहरू पनि परिचालन गरिएको थियो ।
‘शी भ्रमणका लागि नेपाली सेना, नेपाल प्रहरी, सशस्त्र प्रहरी बल र राष्ट्रिय अनुसन्धान लगायत ४ वटै सुरक्षा निकायका कर्मचारीहरू १६ हजारभन्दा बढी खटिएका थिए,’ शर्माले भने ।
साहयक रथी शर्माले थपे, ‘हामीले अतिविशिष्ट कार्यविधि– २०७० अनुसार राष्ट्रपति शीको भ्रमणको सुरक्षाको योजना बनाएका थियौं ।’
उक्त कार्यविधिमा प्रधानमन्त्रीको सुरक्षामा कति खटिने, राष्ट्रपतिको सुरक्षामा कति खटिने, विदेशी भीभीआईपी अर्थात् राष्ट्रप्रमुखको सुरक्षामा कुन–कुन निकायका सुरक्षाकर्मी कसरी खटिने, कुन स्थानमा को बस्ने भन्ने विषयमा स्पष्ट उल्लेख गरेको शर्माले बताए ।
शीको भ्रमणका समयमा आएका २ वटा हवाइजलाई सुरक्षा दिने, होटलमा सुरक्षा दिने, सडकमा सुरक्षा दिने, अन्य गतिविधिलाई नियन्त्रण गर्ने लगायतका काम नेपाली सेनाको नेतृत्वमा कार्यविधि अनुसार नै गरिएको शर्माले बताए ।
नेपाली सेनाको नेतृत्वमा बेलायतकी राजकुमारी डायना, म्यानमारकी सर्वोच्च नेतृ आङसाङ सुकी लगायतलाई सुरक्षा दिइसकेको शर्मा बताउँछन् ।
शीको भ्रमणमा मिलाइएको सुरक्षा व्यवस्थाले नेपाल सुरक्षित देश भएको सन्देश गएको छ । नेपाली सुरक्षाकर्मी आफ्नो भूमिमा जोसुकैलाई पनि सुरक्षा दिन सक्षम छन्, भन्ने सन्देश विश्वभर फैलिएको छ ।
सुरक्षामा सेनाका अलावा नेपाल प्रहरीले ट्राफिक प्रहरी, मोबाइल भ्यान, सादा पोशाकका प्रहरी गरी ९ हजारभन्दा बढी प्रहरी परिचालन गरेको महानगरीय प्रहरी कार्यलयकी प्रवक्ता प्रहरी नायब उपरीक्षक (एसएसपी) किरण बज्राचार्यले बताइन् ।
उनले भनिन्– ‘नेपाल प्रहरीबाट ट्राफिक प्रहरी, मोबाइल भ्यान, सादा पोशाकका प्रहरी लगायत गरी ९ हजारभन्दा बढी प्रहरी खटाएका थियौं ।’
सुरक्षाको हिसाबले महत्त्वपूर्ण मानिएको राष्ट्रपति शीको भ्रमण सफल भएसँगै नेपाल सुरक्षा दिन सक्षम छ भन्ने सन्देश विश्वसामु गएको नेपाल प्रहरीका प्रवक्ता प्रहरी नायब महानिरीक्षक विश्वराज पोखरलले बताए ।
पोखरेलले भने, ‘विश्वका शक्तिशालीमध्ये एक मानिने चीनका राष्ट्रपति शी चिनफिङको भ्रमण सफल हुनु नै महत्त्वपूर्ण हो ।’
राष्ट्रपति शीको भ्रमणमा हवाई सुरक्षा, सडकमा गस्ती, अन्य गतिविधि निगारानीका लागि ३ सिफ्टमा ३ हजार ३ सय सशस्त्र प्रहरी खटिएको सशस्त्र प्रहरी बलका प्रवक्ता सशस्त्र प्रहरी नायब महानिरीक्षक (डीआईजी) सुरजकुमार श्रेष्ठले बताए ।
श्रेष्ठले भने, ‘राष्ट्रपति शीको भ्रमणमा सुरक्षा सिमितिले तोकेको जिम्मेवारीबमोजिम सशस्त्र प्रहरी बलले पनि आफ्नो जिम्मेवारी निर्वाह गर्यो । जहाज सुरक्षा लगायतमा मोबाइल गस्ती र हात हतियारसहितको गस्ती गरेका थियौं ।’
चीनका राष्ट्रपति शीको भ्रमणले विशिष्ट व्यक्तिको सुरक्षाका लागी नेपाल सक्षम छ भन्ने सन्देश विश्वभर गएको गृहमन्त्रालयका प्रवक्ता सह–सचिव रामकृष्ण सुवेदीले बताए ।
सुवेदीले भने, ‘नेपाल सुरक्षाको हिसाबले निकै सुरक्षित देश हो भन्ने कुरा राष्ट्रपति शीको भ्रमणले पुष्टि गरेको छ ।’
उनले थपे, ‘यस्ता भ्रमणले नेपालको पर्यटनलाई पनि टेवा पुर्याएको छ । नेपाल देश नचिनेका चिनियाँ नागरिकले पनि चिनेका छन्, यस हिसाबले पनि भ्रमण सफल भएको छ । सुरक्षाको हिसाबले उत्कृष्ट भएको भन्दै प्रधानमन्त्रीले पनि धन्यवाद दिइसक्नुभएको छ,’ सुवेदीले भने ।
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...