युवाहरूको उत्थानका लागि पाकिस्तानद्वारा ६५ करोड डलरको कार्यक्रम सञ्चालन

इस्लामावाद- युवाहरूको उत्थानका लागि पाकिस्तानी सरकारले ६५ करोड अमेरिकी डलर बराबरको आयोजना सञ्चालनमा ल्याएको छ ।

‘सफल यूवा (कामयाव नौजवान) कार्यक्रम’ नाम दिइएको उक्त आयोजनाले यूवाहरूलाई स्रोत तथा अवसर प्रदान गर्ने सरकारी अधिकारीहरूले बताएका पाकिस्तानी सञ्चारमाध्यमहरूले जनाएका छन् । 


Advertisement

कार्यक्रमअन्तर्गत यूवाहरूलाई कुनै उद्यम सञ्चालनका लागि ऋण उपलब्ध गराइने, शैक्षिक तथा सीप विकासका अवसर दिइने र यूवा वेरोजगारसम्बन्धी समस्यालाई सम्बोधन गरी मुलुकको गरिबी नियन्त्रण र अर्थतन्त्र विकासमा टेवा पु¥याउने बताइएको छ ।


Advertisement

“कार्यक्रम यूवाहरूलाई आर्थिकरूपमा स्वतन्त्र बनाउन र राष्ट्र निर्माणमा उनीहरूको भूमिकालाई महत्व दिन कोसेढुङ्गा सावित हुनेछ,” पाकिस्तानी प्रधानमन्त्री इमरान खानले कार्यक्रमको उद्घाटन गर्दै इश्लामावादमा बिहीबार बताउनुभयो ।

उहाँले भन्नुभयो, “कार्यक्रमले उद्यमका लागि यूवाहरूलाई  विभिन्न तीन तहमा ऋण दिनेछ । ऋण ब्याजरहित, छुट तथा नियमित हुनेछ । यस योजनाले मुलुकका विभिन्न शहर तथा ग्रामिण इलाकामा १०० वटा स्मार्ट प्रयोगशाला निर्माण गरिनेछ र यी प्रयोगशालाले यूवाहरूलाई आधुनिक सीप दिनेछ ।” 

“सरकारले शुरूमा विभिन्न २५ हजार व्यक्तिलाई प्रशिक्षण दिने र रोजगारीको ग्यारेन्टी गर्नेछ,” उहाँले भन्नुभयो ।

कार्यक्रममा सहभागी प्रशिक्षार्थीलाई विकासको मुलधारमा ल्याउन र राष्ट्रिय अर्थतन्त्रमा योगदान गराउनका लागि सरकारले ५०० भन्दा बढी सीप प्रयोगशाला स्थापना गर्ने र उनीहरूलाई सीप सिकाउने सरकारले बताएको छ । कार्यक्रमबाट करिब १० लाख यूवाहरूले लाभ लिने बताइएको छ । 

ऋण दिँदा पाकिस्तानको सरकारी सुविधाबाट बञ्चित ४५ जिल्लालाई प्राथमिकता दिइने कार्यक्रमको उद्देश्य रहेको छ ।
 
स्थानीय विश्लेषकहरूले यूवाको वेरोजगारी समस्या समाधान गर्न र मुलुकमा आर्थिक सुधार ल्याउनका लागि कार्यक्रम प्रभावकारी हुने भन्दै सरकारको प्रसंशा गरेका छन् । कार्यक्रमले यूवालाई आर्थिक अभावमा केही गर्न नसक्ने अवस्थाबाट छुटकारा दिलाउने र देशको मुद्रा स्फीति तथा बेरोजगार समस्यामा सहयोगी सिद्ध हुने उनीहरूको भनाई छ ।
 

कमेन्ट गर्नुहोस्