×

NMB BANK
NIC ASIA

अग्रलेख

कालापानी मुद्दा : नेपालले आफ्नो वास्तविक नक्सा सार्वजनिक किन नगर्ने ?

कात्तिक २२, २०७६

NTC
Sarbottam
Premier Steels
Marvel

भारतले हालै सार्वजनिक गरेको नयाँ राजनीतिक नक्साले नेपाल–भारत सीमा विवाद फेरि बल्झाइदिएको छ ।

Sagarmatha Cement
Muktinath Bank

आजभन्दा झण्डै ६० वर्ष पहिले नै नेपालका तर्फबाट जनगणना भएको क्षेत्रलाई भारतले आफ्नो भूमि भन्दै नक्सामा पारेपछि यो विवाद फेरि सतहमा आएको छ ।


Advertisment
RMC TANSEN
IME BANK INNEWS
shivam ISLAND

नेपाली भूमि अतिक्रमण गर्नेगरी भारतले नयाँ नक्सा जारी गरेको विरोधमा नेपालमा विरोध प्रदर्शन शुरू भएका छन् । परराष्ट्र मन्त्रालयले कालापानी नेपाली भूमि भएको प्रस्ट पारिसकेको छ ।


Advertisment
Nabil box
Kumari

सरकारका प्रवक्ता सूचना तथा सञ्चार प्रविधि मन्त्री गोकुल बाँस्कोटाले भारतले जारी गरेको नयाँ नक्सा नेपाललाई मान्य नहुने सरकारको अडान स्पष्ट गरिसकेका छन् ।

Vianet communication
Laxmi Bank

प्रमुख प्रतिपक्षी दल नेपाली कांग्रेसका सभापति शेरबहादुर देउवाले भारतीय राजदूत मञ्जिव सिंह पूरीलाई फोन गरेर कालापानी नेपाली भूमि भएको भन्दै नक्सा सच्याउन आग्रह गरिसकेका छन् ।

भारतीय पक्ष भने नेपाली भूमि अतिक्रमण गरेको स्वीकार्न र नक्सा सच्याउन तयार भएको देखिँदैन ।

बिहीवार नियमित पत्रकार सम्मेलनमा भारतीय विदेश मन्त्रालयका प्रवक्ता रवीश कुमारले ‘नयाँ नक्साले भारतीय सार्वभौम भू–भागको सही चित्रण गरेको’ दाबी गर्दै कालापानीलाई भारतको सार्वभौम भूगोलका रूपमा चित्रण गरे ।

कालापानीलाई आफ्नो नक्सामा पारेर भारतले नेपाली भू–भागलाई ‘सार्वभौम भू–भाग’ दाबी गर्नु आपत्तिपूर्ण छ ।

भारतीय विदेश मन्त्रालयका प्रवक्ताले नयाँ नक्सामा नेपालको एकरत्ती पनि परिवर्तन नगरिएको दाबी गरेर वास्तविकतालाई ढाकछोप गर्न खोजेका छन् ।

विदेश मन्त्रालयका प्रवक्ता मात्र होइन नेपाल मामिलामा अत्यन्त चासो राख्ने भारतीय सेनाका पूर्व मेजर जनरल अशोक मेहताले पनि भारतले नक्सामा पुनर्विचार नगर्ने दाबी गरे । उनले नेपाललाई नयाँ नक्सा सार्वजनिक गर्न चुनौती पनि दिए ।

लोकान्तरसँगको कुराकानीमा मेहताले नेपालले पनि आफ्नो सार्वभौम भूमि दाबी गर्दै नयाँ नक्सा सार्वजनिक गर्न उपयुक्त हुने बताए ।

मेहता अहिले कुनै सरकारी निकायका अधिकारी नभएपनि बोलीमा भारतीय संस्थापनको आवाज झल्किन्छ । 

नेपाली भूमिलाई खुलमखुल्ला ढंगले अतिक्रमण गरेर भारतले आफ्नो नक्सामा राखेपछि नेपालले पनि आफ्नो सार्वभौम भूमि रक्षाका लागि कालापानी समेटेर नयाँ नक्सा जारी गर्नु उपयुक्त हुन्छ, विज्ञप्तिले मात्र पुग्दैन ।

बलियो छिमेकीले आफ्नो भू–भाग अतिक्रमण गरेका बेला आफ्नो भू–भाग यो–यो हो र वास्तविक नक्सा यस्तो हो भनेर विश्वलाई देखाउने अवसर पनि यही हो ।

नेपालले अहिले आफ्नो वास्तविक नक्सा जारी गर्दा यसले अन्तर्राष्ट्रिय समुदायको ध्यानाकर्षण गर्न मद्दत पुर्‍याउँछ भने भोलिका दिनमा भारतसँग कुरा गर्ने बलियो आधार पनि बन्छ ।

एउटा सार्वभौम देशले आफ्नो भूमि समेटेर नयाँ नक्सा जारी गर्न कसैसँग अनुमति लिनु पर्दैन, भारतलाई काउन्टर दिन भन्दापनि आफ्नो भूमि रक्षाका लागि ।

प्रधानमन्त्री केपी शर्मा ओलीले नाकाबन्दीविरुद्ध बोल्ने क्रममा भूगोल सानो भएपनि हरेक देशको सार्वभौमिकता बराबर हुने प्रक्रियाता दिने गरेका थिए ।

तथ्य र प्रमाणका आधारमा सीमा विवादको समाधान राजनीतिक र कूटनीतिक तबरबाटै गर्नुपर्छ । नेपालले भारतसँग निहुँ खोजेर विवाद गरिरहने भन्दा पनि प्रभावकारी कूटनीतिक पहल गरी समस्या समाधान गर्नुपर्छ ।

आफ्नो एक इञ्चपनि भू–भाग गुमाउनु कुनैपनि सर्वभौम मुलुकका लागि स्वीकार्य हुनै सक्दैन ।

भारतले नयाँ नक्सा जारी गरेर विवाद सिर्जना गरेको यही समयमा सीमा विवादको स्थायी समाधानका लागि तत्काल कूटनीतिक वार्ता शुरू गरिहाल्नु पर्छ । 

hAMROPATRO BELOW NEWS
TATA Below
पुस ११, २०८०

कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...

जेठ ३, २०८०

प्रतिनिधिसभाको पहिलो अधिवेशनमा नेता/सांसदको हाजिरी लोकान्तर डट्कमले सार्वजनिक गरिदिएपछि नेताहरूको जवाफदेहिताको बहस शुरू भएको छ । जनप्रतिनिधिको सर्वोच्च थलो संसद्‍मा ठूला भनिएका दलका शीर्ष न...

कात्तिक १९, २०८०

जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्‍यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...

माघ २५, २०८०

काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...

साउन १, २०८०

लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ ।  स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...

फागुन २१, २०७९

कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x