किशोरी आमाले नवजात शिशुलाई मैदानमा छोडेर हिँडेपछि कुकुरहरूले खाइदिए

काठमाडौं – ताइवानमा प्रहरीले एक परित्यक्त शिशुको हाड फेला पारेका छन् । उक्त शिशुलाई भुस्याहा कुकुरहरूले खाइदिएको आशंका प्रहरीले गरेको छ । 

नवजात बालकलाई प्लास्टिकको झोलामा राखेर फोहर फाल्ने मैदानमा छोडिएको थियो । उसकी १९ वर्षीया आमाले यो कुकृत्य गरेकी थिइन् । 


Advertisement

आमाको छद्मनाम शियाओ मेइ हो र उनलाई हल्का मानसिक रोग रहेको र स्थानीय सोसल अफेयर्स ब्यूरोको रेखदेखमा उनी रहेको बताइएको छ । 


Advertisement

ताइवानी सञ्चारमाध्यम एसईटीएनका अनुसार, शियाओ मेइले अक्टोबर ८ मा छोरो जन्माएकी थिइन् र जन्माएकै दिन त्यागेकी थिइन् । 

शिशुका २८ वर्षीय पिताले बाइकमा राखेर आमाछोरालाई फोहर फाल्ने ठाउँमा पुर्‍याएका थिए । पिताको छद्मनाम शियाओ ली हो ।

मेइ र लीको भेट इन्टरनेटमा भएको र उनीहरू दुवैजना तन्नम भएको बताइएको छ । 

शिशु फालेपछि उनीहरू शहरबाट भागेको र एक महिनासम्म एउटा इन्टरनेट क्याफेमा लुकेर बसेको बताइएको छ । 

सामाजिक सेवा उपलब्ध गराउनेहरूले किशोरीलाई फेला नपारेपछि प्रहरीलाई खबर गरेका थिए । 

प्रहरीले उनीहरूलाई गत मंगलवार फेला पारेको थियो । 

मेइलाई बच्चाको बारेमा सोध्दा शिशु जन्मेकै दिन फालेको बताइन् । 

त्यसपछि प्रहरी मैदानमा पुग्यो र शिशुको हाडखोर भेट्यो । 

शिशुलाई भुस्याहा कुकुरले खाइदिएको प्रहरीको भनाइ छ । 

प्रहरीले घटनाको अनुसन्धान गरिरहेको छ ।

एजेन्सी 

कमेन्ट गर्नुहोस्