१० वर्षीया बालिकालाई उनकै दाइले गरे बलात्कार, भइन् गर्भवती

काठमाडौं – अर्जेन्टिनामा १० वर्षीया एक बालिकालाई उनकै दाइले बलात्कार गरेपछि गर्भवती भएकी छन् । 

उत्तरी अर्जेन्टिनाको मिसिओनेस प्रान्तको पोसाडासमा बालिकालाई पेट र ढाड दुखेपछि आमाले अस्पताल लगेकी थिइन् । 


Advertisement

चिकित्सकहरूले ती बालिका आठ महिनाकी गर्भवती रहेकी पत्ता लगाए । त्यसपछि उनले आफूलाई १५ वर्षीय दाइले बलात्कार गरेको बताइन् । 


Advertisement

चिकित्सकहरूले उक्त केस विशेष महिला प्रहरी चौकीमा रिफर गरे । घटनालाई नाबालकहरूकी जज मार्सेला लेइभा र अभियोजनकर्ता मारिया लाउरा आल्भारेजले अनुसन्धान गरिरहेका छन् । 

यी विशेष प्रहरी चौकीहरू लैंगिक हिंसाका पीडितहरूकै लागि खोलिएका हुन् । 

पीडित बालिकाले आफूलाई ठ्याक्कै के भएको हो थाहा नभएको तर दाइले एकपटक बलात्कार गरेको बताइन् । उनले बच्चा जन्माएपछि पढाइ जारी राख्ने बताइएको छ ।

सामाजिक विकास विभागले पीडितका दाइलाई परिवारबाट निष्काशन गरिएको जनाएको छ । 

स्थानीय सञ्चारमाध्यमका अनुसार, बालिकाकी आमालाई घरमा भइरहेको यौन हिंसाका बारेमा केही पनि थाहा नभएको र छोरी गर्भवती हुँदा उनी स्तब्ध बनिन् । 

बहिनीलाई बलात्कार गरेको आरोप लागेका दाइ नाबालक भएकाले उनीमाथि मुद्दा चलाउन मिल्दैन । उसलाई बाल सुधार केन्द्रमा पठाइएको थियो र अहिले काकीको शरणमा राखिएको छ । 

पीडितका पाँच अन्य दाजुभाइ छन् र ती सबै सान्ता रिता टोलमा बस्छन् । 

एजेन्सी
 

कमेन्ट गर्नुहोस्