चुनावमा होमियो सीके राउतको पार्टी, पुराना दल 'टेस्टेड' भइसके भन्दै अञ्जुको उम्मेदवारी

अजय अनुरागी
अजय अनुरागी

अजय अनुरागी लोकान्तरका लागि प्रदेश नम्बर दुई प्रतिनिधि हुन् । 

महोत्तरी– खुला राजनीतिमा आएको ८ महिनापछि डा. सीके राउत नेतृत्वको जनमत पार्टी चुनावमा होमिएको छ ।

महोत्तरीको पिपरा गाउँपालिकामा यही मंसिर १४ गते हुन लागेको उपनिर्वाचनमा जनमत पार्टीबाट अञ्जुदेवी मण्डलले उम्मेदवारी मनोनयन दर्ता गराएकी छन् ।


Advertisement

गत फागुनमा खुला राजनीतिमा आएका सीके राउतको संगठन त्यसअघि प्रतिबन्धित अवस्थामा थियो ।

खुला राजनीतिमा आउने गरी सरकारसँग सहमति भएपछि राउतले जनमत पार्टी दर्ता गरी चुनावमा होमिएका हुन् ।


Advertisement

निर्वाचन आयोगले जनमत पार्टीलाई लाउड स्पीकर चुनाव चिह्न दिएको छ ।

झण्डै ५० नेता/कार्यकर्ताको साथमा उम्मेदवारी दर्ता गर्न पुगेकी अञ्जुले सबै पार्टी टेस्टेड भइसकेकाले जनताले आफूलाई विश्वास गर्ने जिकिर गरिन् ।

'सबै पार्टीहरू टेस्टेड भइसकेका छन्, हामी पहिलोपटक चुनाव लड्दैछौं, डा. साब (डा. सीके राउत) को मधेशमा क्रेज छ, संगठन पनि बनाइरहेका छौं,' उनले भनिन् ।

गाउँपालिका अध्यक्ष विनोदकुमार चौधरीको निधन भएपछि यहाँ उपनिर्वाचन हुन लागेको हो ।

कमेन्ट गर्नुहोस्