चोरी मुद्दामा सजाय पाएका सुब्वा बस्तीलाई प्रहरीले ३५ वर्षपछि पक्राउ गरेको छ ।

जिल्ला अदालत धादिङको फैसलाले चोरी मुद्दा तथा कारागारबाट भागेको मुद्दामा  ८ वर्ष ११ महिना १२ दिन कैद सजाय ठहर भई फरार रहेका धादिङ साविक धुँवाकोट गाविस–५ बस्ने राम बहादुर भन्ने ६९ वर्षका सुब्बा वस्तीलाई शनिबार प्रहरीले पक्राउ गरेको हो ।

जिल्ला प्रहरी कार्यालय धादिङबाट खटिएको प्रहरीले उनलाई निलकण्ठ नगरपालिका–१ खाल्टेमा लुकिछिपी बसेको अवस्थामा फेला पारी पक्राउ गरेको हो ।

अदालतको २०४१ जेठ ८ गतेको फैसला अनुसार चोरी मुद्दामा ३ वर्ष ११ महिना ७ दिन कैद सजायमा कारागार कार्यालय धादिङमा थुनामा रहेको अवस्थामा २०४१ मंसिर ६ गते कारागारबाट भागी फरार भएपछि कारागारबाट भागेको मुद्दामा पुनः २०४२ मंसिर १७ गतेको फैसलाले ५ वर्ष ५ दिन थप कैद सजाय गरी जम्मा ८ वर्ष ११ महिना १२ दिन कैद सजाय ठहर भएको थियो ।