मन्त्रिमण्डल पुर्नगठनअघि बुधवार बिहान नेकपा सचिवालय बैठक

फाइल तश्वीर

मन्त्रिमण्डल पुर्नगठनको विषयमा छलफल गर्न सत्तारूढ दल नेपाल कम्युनिष्ट पार्टी (नेकपा) को सचिवालय बैठक बुधबार बस्ने भएको छ । बैठकको मुख्य एजेण्डा मन्त्रिमण्डल पुर्नगठन रहेको नेकपाका एक नेताले जानकारी दिए ।

प्रधानमन्त्री निवास बालुवाटारमा बिहान ९ बजे बस्ने भएको नेकपा कार्यालय सचिव ईश्वरी रिजालले जानकारी दिए ।  एकता बाँकी काम पूरा गर्न र समसामयिक राजनीतिक विषयमा छलफल गर्न बैठक बस्न थालेको उनले बताए । 


Advertisement

एकताको अधिकांश काम सकिए पनि केही कमिटीको मात्र बाँकी रहेका छन् । पार्टी एकता भएको डेढ वर्ष बिते पनि एकताको काम अझै सकिएको छैन आइतबार सचिवालय बैठकले प्रवास समन्वय कमिटी गठन गरेको थियो । 

मंगलवार साझ बसेको मन्त्रिपरिषद् बैठकमा प्रधानमन्त्री केपी शर्मा ओलीले बुधवार मन्त्रिमण्डल  पुर्नगठन गर्ने भन्दै औपचारिक कार्यक्रम नराख्न मन्त्रीहरुलाई सुझाव दिएका थिए । मन्त्रिमण्डल  पुर्नगठन अघि सचिवालय बैठक बस्न लागेको हो । 
 


Advertisement

कमेन्ट गर्नुहोस्