दिपकराज गिरी र दिपाश्री निरौला, केदार घिमिरे लगायत दर्जनौं चर्चित हास्यकलाकारहरू अभिनित चलचित्र चलचित्र 'छ माया छपक्कै'अब डिशहोमको सिनेमाघर च्यानल नम्बर १०८ मा प्रदर्शन हुँदैछ ।

डिशहोमको च्यानलमा उक्त चलचित्र यही मङ्सिर १३ गतेदेखि प्रदर्शन हुने बताइएको छ ।

डिशहोमले हल सम्मगएर सिनेमा हेर्न नभ्याउने र हलमा सहज पहुँच नभएका दर्शकहरुका लागि न्यूनतम शूल्कमा स–परिवार घरैमा बसी चलचित्र हेर्न मिल्ने 'पे पर भ्यु' सुविधा उपलब्ध गराएको बताएको छ ।

'पे पर भ्यु' सुविधा अन्तर्गत संचालन भइरहेको सिनेमाघर च्यानल नं. १०८ मा नयाँ नेपाली सिनेमा हलमा लागेसँगै वा हलमा लागेको केही समयपछि न्यूनतम शुल्कमा हेर्न सकिन्छ ।

हरेक दिन आठ शो प्रदर्शन हुने सिनेमाघर एसएमएस पठाएर, डिशहोमको ग्राहक सेवा केन्द्रमा फोन गरेर र नजिकै डिशहोम बिक्रेतासँग सम्पर्क गरेर सजिलै खुलाउन सकिन्छ ।

आमा सरस्वती मुभिज प्रा.लि. र रोहित अधिकारीको ब्यानरमा निर्माण भएको वर्षकै सर्वाधिक सफल चलचित्र 'छ माया छपक्कै' कात्तिक २४ गतेदेखि विभिन्न सहरहरुका मूख्य हलहरुमा सार्वजनिक रुपमा प्रदर्शन भएको थियो ।

चलचित्रले नेपाली सिनेमा जगतमा उत्कृष्ट प्रदर्शनी कायम गर्न सफल रहेको छ । व्यापारको उच्च प्रतिफल पाएको यस चलचित्र ५१औँ दिन मनाउने तयारीमा रहेको छ ।