कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
काठमाडौं- रातोपुलमा रहेको 'आशिष मोटरसाइकल वर्कशप'की सरस्वती सुवाल अर्थात् सरु बाइक मेकानिक हुन् ।
केही दिनअघि लोकान्तरकर्मी वर्कशपमा पुग्दा उनी बाइक बनाउँदै गर्दा भेटिइन् ।
भन्छिन्, 'आफ्नो काम गरेर आफ्नो खुट्टामा उभिन पाउँदा गौरवान्वित छु ।'
कसरी सिक्नुभयो त बाइक ? भन्ने लोकान्तरको प्रश्नमा उनले आफू बाइक मेकानिक बन्नुमा पति आशिषको ठूलो साथ र सहयोग रहेको बताइन् ।
'सिक्छु भनेर सिकेको त होइन,' उनले थपिन्, 'पतिलाई सहयोग गर्दागर्दै उहाँले सिकाउनुभयो ।'
उनको भनाइ मान्ने हो भने कोठा वरपरका महिलाहरू घाम तापेर बस्थे, अरूको कुरा काट्थे । तर उनलाई मन पर्दैनथ्यो ।
*****
शुरूशुरूका दिनमा उनलाई बाइक बनाउने काम 'आकाश' लागेको थियो । कसरी गर्ने होला हुन्थ्यो रे !
'मानिसहरू बाइकको चेन टाइट गर्ने भन्छन् । नटबल्टु पनि देख्दिनँ । कसरी गर्ने होला भन्ने लाग्थ्यो,' सिकाइका दिन सम्झिन्छिन् उनी, 'पछि सिकेपछि सजिलो लाग्यो । पहिलोपटक बाइकको चेन टाइट गर्दा खुशीले हावामा उडेको जस्तो महसूस भएको थियो ।'
उनले रोयल इन्फिल्डद्वारा सञ्चालित तीन दिने मोटरसाइकल मर्मत सम्बन्धी तालिम पनि लिएकी छन् । ५२ जना सहभागी हुँदा उनी एक्ली महिला थिइन् ।
तालिमको अनुभव सुनाउँदै भन्छिन्, 'तालिममा सबै जना पुरुष, म एक्लै महिला हुँदा शुरूमा मलाई अड लाग्यो । तर सबैले राम्रै बिहेभ गरे । सिकाइ राम्रै रह्यो ।'
तर पनि उनले पुरुषले जत्तिकै हौसला र साथसहयोग पाइन् । भन्छिन्- महिलाले पनि यस्तो काम गर्नुपर्छ । तिमीले गर्न सक्छौ भनेर सबैले हौसला दिनुभयो । ममा त्यसले उर्जा थपियो ।
उनी अहिले बजारमा चलेका अधिकांश बाइक बनाउन सक्छिन् ।
*****
उनको अनुसार वर्कशपमा काम गरिरहँदा बाइक तथा बसबाट मानिसहरूले हेर्थे । र पछि उनीहरूले नै सुनाउँथे रे- मैले तपाईंले काम गरेको देखेको थिएँ । त्यही भएर आज बाइक बनाउन आएको ।
उनीहरू आफूले गरेको कामप्रति खुशी हुँदै भन्थे रे- अबदेखि बाइक सर्भिसिङदेखि बिग्रिँदा यहिँ बनाउन आउँछु ।
ग्राहकको राम्रा प्रतिक्रियाले आफूलाई काममा इमान्दार हुन प्रेरित गर्ने उनले सुनाइन् ।
वर्कशपमा मानिसहरू बाइक बनाउने मेकानिक खोज्दै मान्छेहरू आउँथे रे ! सरुले 'म नै हो मेकानिक । के गर्नुपर्यो' भन्थिन् । शुरूमा नपत्याए पनि उनीहरूले अगडि बाइक तथा स्कूटर बनाइदिएपछि राम्रो रेस्पोन्स गर्न थालेको उनको अनुभव छ ।
'एकपटक आएका मानिसहरूले बाइक बनाउन अन्त लाँदैनन् । नियमित ग्राहकको रूपमा रहनुभएको छ,' सफलता सुनाउँछिन् उनी, 'अझ उहाँहरूले अन्यलाई पनि यहाँ बाइक मर्मतका लागि सिफारिस गर्नुहुन्छ । यसले मलाई काममा लगातार जुटिरहन प्रेरित गर्छ ।'
*****
महिलाले खाना बनाउने, भाँडा माझ्ने तथा चुलो चौकोमा मात्रै रुमल्लिनुपर्छ भन्ने उनलाई लाग्दैन । बरू आफ्नो खुट्टामा आफैं उभिनका लागि कोशिश गर्नुपर्ने उनको धारणा छ ।
'कति महिलाहरू हात फोहोर हुन्छ । बल प्रयोग हुन्छ भनेर यस्तो काम गर्न हिच्किचाउने गरेका छन्,' महिलाहरूलाई उनको सुझाव छ, ' हवाइजहाज पनि महिलाले उडाएका छन् । पुरुषले गर्ने काम महिलाले गर्न सक्दैनन् भन्ने छैन ।'
उनी आफ्नो सफलतामा पतिको साथ र सहयोगलाई कहिल्यै भुल्दिनन् । वर्कशपमा सरुसँगै उनका पति आशिष पनि सँगै काममा जुटिरहेका हुन्छन् । 'पति यो पेशामा नभएको भए सायद म पनि यो स्थानमा हुन्नथेँ होला । उहाँले लगातार सिकाउनुभयो मैले सिकिरहेँ । नसकेको र नजानेको कुरा मैले उहाँलाई सोध्थेँ । उहाँले सिकाउनुहुन्थ्यो,' उनले भनिन् ।
हामीले अन्तिममा सरुलाई सोधेका थियौं, तपाईंलाई बाइकको डाक्टर भनेर सम्बोधन गर्दा हुन्छ ?
उनले यसको जवाफ पतिले भन्ने गरेको भनाइसँग जोडिन् ।
बाइकबारे सरुलाई पतिले कहिलेकाहिँ सुनाउँछन् रे- शरीरको अंगजस्तै बाइकको पनि पाटपूर्जा हुन्छ । मान्छेको उपचार गर्नेलाई डाक्टर भनिन्छ भने बाइकको मर्मत गर्नेलाई मेकानिक भनिन्छ । तिमी पनि बाइकको डाक्टर हो ।
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...