प्रदेश नम्बर २ अन्तर्गत उपनिर्वाचन भएका ९ वटै वडाको नतिजा आइसक्दा उपेन्द्र यादव नेतृत्वको समाजवादी पार्टी हावी देखिएको छ ।

समाजवादी पार्टीले ९ मध्ये ४ वटा वडा जित्दा राष्ट्रिय जनता पार्टी (राजपा) र नेपाली कांग्रेसले २/२ वडामा जीत हात पारेका छन् ।

प्रमुख सत्तारुढ दल नेपाल कम्युनिष्ट पार्टी नेकपाको भागमा एउटा वडा पर्दा हालै खुला राजनीतिमा आएका सीके राउत नेतृत्वको जनमत पार्टीले भने कुनैपनि वडामा प्रतिस्पर्धात्मक मत पाउन सकेन ।

तराईमा राम्रै प्रभाव विस्तार गरिसकेको भनिएका सीके राउतको पार्टीले बलवा– २ महोत्तरीमा २२३ मत ल्याएर तेस्रो हुनु नै सबैभन्दा राम्रो नतिजा रह्यो ।

सत्तारुढ दल नेकपा पनि कल्याणपुर नगरपालिका– १२ सिरहामा मात्र जीत हात पार्न सफल भएको छ ।

अघिल्लोपटक एक्लाएक्लै लडेका दुई ठूला कम्युनिस्ट पार्टी मिल्दा पनि प्रदेश २ मा त्यसको सुखद् परिणाम देखिएन ।

प्रदेश २ मा गाउँपालिका अध्यक्षका लागि उपनिर्वाचन भएको पिपरामा भने मतगणना जारी छ ।

उक्त गाउँपालिकामा राजपा र नेकपाबीच प्रतिस्पर्धा देखिएको छ ।

प्रदेश २ अन्तर्गत वडाको नतिजा :

समावजादी पार्टीले जितेका वडाहरू :

सखुवा प्रसौनी गाउँपालिका– ५ (वडाध्यक्ष)

रूपलालकुमार यादव (समाजवादी) : १०३१ (विजयी)
असेशरप्रसाद यादव (कांग्रेस) : ८१९
उदयशंकरप्रसाद रौनियार (नेकपा) : २३२

बारागढी गाउँपालिका– १ बारा

सुरेशप्रसाद चौधरी (समाजवादी) : ७४९ (विजयी)
शंकरप्रसाद चौधरी (नेकपा) : ६७२
तसवीरिया थरुनी (कांग्रेस) : ४७१
बैजनाथप्रसाद चौधरी (राजपा) : २४

बलवा नगरपालिका– ८ महोत्तरी

रामबाबु महतो (समाजवादी) : ६५९ (विजयी)
निर्बल यादव (कांग्रेस) : ३४६
लक्ष्मेश्वर यादव (नेकपा) : २११
फूलकुमारी देवी (जनमत पार्टी) : ९

हरिपूर्वा नगरपालिका– १ सर्लाही

श्यामबाबु राय (समाजवादी) : ३४७ (विजयी)
दोषमोहम्मद अन्सरी (नेकपा) : ३२८
रामविश्वास राय (राजपा) : ३२८
दिनेश राय यादव (जनमत पार्टी) : ५२
रामपृत पासवान (कांग्रेस) : २३

राजपाले जितेका वडाहरू :

मटिहानी नगरपालिका– ६ महोत्तरी

रामबाबु नायक (राजपा) : ३७५ (विजयी)
मोहम्मद जाकिर अन्सारी (नेकपा) : ३५५
सञ्जयकुमार महतो (कांग्रेस) : २४

छिन्नमसता गाउँपालिका – ७ सप्तरी

प्रमिलादेवी यादव (राजपा) : ५४० (विजयी)
अच्छेलाल यादव (नेकपा) : ५२९
शिवनारायण मण्डल (कांग्रेस) : १५
दिनेशकुमार यादव (जनमत पार्टी) : ११

कांग्रेसले जितेका वडाहरू :

गढीमाई नगरपालिका–२ रौतहट

दीपेन्द्र श्रेष्ठ (कांग्रेस) : ७७१ (विजयी)
जवार मिया (नेकपा) : ५९६
दिनेश दास (समाजवादी) : १२२
विजय महतो (राजपा) : १६

बलवा नगरपालिका– २ महोत्तरी

विपिन पजियार सुडी (कांग्रेस) : ४६१ (विजयी)
वृजलाल साह सुडी (राजपा) : ३५२
वीरेन्द्र कुमार साह (जनमत पार्टी) : २२३
कृष्णदेव साह (नेकपा) : ९१

कल्याणपुर नगरपालिका– १२ सिरहा

दिलिपकुमार यादव (नेकपा) : ८२५ (विजयी)
प्रदीपकुमार महतो (राजपा) : ६५४
राजकुमार मुखिया (कांग्रेस) : ६१५
मोहम्मद अताउल रहमान (जनमत पार्टी) : १६०