काठमाडौं-१३ औं संस्करणको दक्षिण एसियाली खेलकुद (साग) अन्तर्गत पुरुष क्रिकेटमा नेपालले श्रीलंकाको २३ वर्षमुनिको टीमलाई रनको चुनौती दिएको छ ।

 मंगलवार त्रिवि क्रिकेट मैदान कीर्तिपुरमा भएको खेलमा टस हारेर पहिले ब्याटिङ गरेको नेपालले निर्धारित २० ओभरमा ५ विकेट गुमाउँदै  १७२ रन बनाएको थियो ।

नेपालका लागि सर्वाधिक रन दीपेन्द्रसिंह ऐरीले ४४ बलमा ७२  रन बनाए । त्यसक्रममा उनले ४ चौका र ३ छक्का हिर्काए । 

त्यस्तै कप्तान ज्ञानेन्द्र मल्ल र विनोद भण्डारीले समान २१/२१ रन बनाए । आरिफ शेखले १९ रन बनाउँदा पवन सर्राफले २२ रन जोडे ।

पारस खड्का भने एक रनमै पेभेलियन फर्के । 

बलिङतर्फ श्रीलंकाका पीएचकेडी मेन्डिसले २ विकेट लिए । त्यस्तै असिथ फर्नान्डो, कविष्का अन्जुला र दुभिन्दु तिलकरत्नेले समान एक/एक विकेट लिए । 

केहीबेरमा श्रीलंकाले जवाफी ब्याटिङ गर्दैछ । 

सागमा भारत र पाकिस्तानका क्रिकेट टीमले भने भाग लिएका छैनन् ।