१३औं दक्षिण एसियाली खेलकुद प्रतियोगिता 'साग'अन्तर्गत आफ्नो पहिलो खेलमा नेपाल श्रीलंकासँग ६ विकेटले पराजित भएको छ ।

कीर्तिपुरस्थित त्रिभुवन विश्वविद्यालयको मैदानमा भएको खेलमा नेपालले पेश गरेको १ सय ७३ रनको लक्ष्य श्रीलंका यू–२३ ले ४ विकेट गुमाएर पूरा गर्‍यो ।

उसका लागि शम्मु अशनले सर्वाधिक ७२ रनको योगदान गरे । 

नेपालका लागि पवन शर्राफले २ तथा तथा सोमपाल कामी र सुशान भारीले एक–एक विकेट लिएपनि त्यो श्रीलंकालाई रोक्न पर्याप्त भएन ।

यसअघि टस हारेर पहिला ब्याटिङ गरेको नेपालले निर्धारित २० ओभरमा ५ विकेट गुमाएर १७२ रन जोडेको थियो ।

नेपालको पारीमा दीपेन्द्रसिंह ऐरीले सर्वाधिक ७२ रनको योगदान गरे ।

ऐरीका अलावा पवन सर्राफले २२, कप्तान ज्ञानेन्द्र मल्ल र विनोद भण्डारीले समान २१ तथा आरिफ शेखले १९ रनको योगदान गरे ।

पूर्वकप्तान पारस खड्का १ रनमा आउट भए ।