कपिलवस्तुको वाणगंगामा सोमवार बिहान कार दुर्घटना हुँदा १ जनाको मुत्यु भएकोे छ ।

पश्चिमबाट पूर्वतर्फ आइरहेको बा८च ६३९० नम्बरको कार वाणगंगा नगरपालिका–८ बोर्डगाउँ चोक नजिक दुर्घटना हुँदा कपिलवस्तु नगरपालिका–९ का २८ वर्षीय सुरेश पाण्डेको मृत्यु भएको छ । 

दुर्घटनामा अन्य ४ जना घाइते भएका छन् । तीब्र गतिमा रहेको कार विद्युत्को पोलमा ठोक्किएर दुर्घटनामा परेको हो । मृत्यु हुने पाण्डे आफैंले गाडी चलाएका थिए ।

घाइतेको कपिलवस्तु सामुदायिक अस्पतालमा प्राथमिक उपचारपछि बुटवल रिफर गरिएको ईलाका प्रहरी कार्यालय पिपराले जनाएको छ ।