पछिल्लो १ सातादेखि स्थानीय बजारमा सुनचाँदीको मूल्यमा निरन्तर गिरावट भइरहेको छ ।

गत बुधवारदेखि सुनचाँदीको मूल्य ओरालो लागिरहेको छ । अन्तर्राष्ट्रिय बजारमा सुनको मूल्य घटेसँगै स्थानीय बजारमा त्यसको प्रभाव परेको नेपाल सुनचाँदी व्यवसायी महासंघले जनाएको छ । 

मंगलवार सुनको मूल्य प्रतितोला २०० रुपैयाँले घटेको छ । महासंघले मंगलवारका लागि छापावाल सुनको मूल्य प्रतितोला ७० हजार ८०० रुपैयाँ र तेजाबी सुनको मूल्य प्रतितोला ७० हजार ५०० रुपैयाँ निर्धारण गरेको छ ।

पछिल्लो १ साताको अवधिमा सुनको मूल्य प्रतितोला १ हजार ४०० रुपैयाँले घटेको छ । 

सुनसँगै चाँदीको मूल्य पनि ओरालो लागेको छ । मंगलवार चाँदीको मूल्यमा प्रतितोला ५ रुपैयाँले घटेर ८३० रुपैयाँमा खरिदबिक्री भइरहेको महासंघले जनाएको छ ।

गत बुधवार छापावाला सुन प्रतितोला ७२ हजार २०० रुपैयाँ र तेजाबी सुन ७१ हजार ९०० रुपैयाँमा खरिदबिक्री भएको थियो । सुनको मूल्य बिहीवार प्रतितोला २०० रुपैयाँ, शुक्रवार ३०० रुपैयाँ, आइतवार ५०० रुपैयाँ र सोमवार प्रतितोला २०० रुपैयाँले घटेको थियो ।