नेप्से दोहोरो अंकले बढ्दा कारोबार रकम ५५ करोड नाघ्यो

धितोपत्र बजारमा बुधवार शेयर कारोवार मापक नेप्से परिसूचक १० अंकले बढेको छ ।

नेपाल स्टक एक्सचेन्जका अनुसार नेप्से परिसूचक १०.११ अंकले बढेर १ हजार १६१.४७ मा पुगेको छ ।


Advertisement

सेन्सेटिभ परिसूचक १.६९ अंकले बढेर २५५.१९ मा रोकिएको छ । परिसूचक बढेसँगै कारोबार रकममा पनि उल्लेख्य सुधार आएको छ । 

स्टकका अनुसार बुधवार कूल १७३ कम्पनीको २० लाख ४३ हजार ६०५ कित्ता शेयर ५५ करोड १३ लाख ७७ हजार ८५२ रुपैयाँमा खरिद बिक्री भए । कारोबार भएका कूल १२ उपसमूहमध्ये उत्पादन उपसमूहको शेयर मात्र ओरालो लागेको छ । 


Advertisement

सो उपसमूहको शेयर ३०.३२ अंकले घटेको छ । बैंकिङ ४.२७, व्यापार २९.५६, होटल २२.७९, विकास बैंक १६.८, हाइड्रोपावर ६.२, फाइनान्स ६.२४, निर्जीवन बीमा ११३.१३, अन्य ५.१४, माइक्रोफाइनान्स ५७.०८, जीवन बीमा ७९.२८ र सामूहिक लगानी कोषको शेयर ०.०२ अंकले बढेको छ । 

स्टकका अनुसार कारोवार रकमका आधारमा बुधवार नेपाल बंगलादेश बैंक लिमिडेटको संस्थापक शेयर शीर्ष स्थानमा रह्यो । सो बैंकको शेयर ६ करोड ४१ लाख ६१ हजार ६४८ रुपैयाँमा खरिदबिक्री भयो । 

नेपाल बैंक लिमिटेडको ३ करोड ६ लाख ९४ हजार २४८, लुम्बिनी विकास बैंकको २ करोड ८७ लाख ४ हजार २४० रुपैयाँ, एनएमबी बैंक लिमिटेडको २ करोड ७२ लाख ३६ हजार ६४० रुपैयाँ र डिप्रोक्स लघुवित्त वित्तीय संस्थाको शेयर २ करोड २ लाख ५० हजार ८९६ रुपैयाँमा खरिदबिक्री भयो ।

नेप्से दोहोरो अंकले बढेपनि युनिलिभर नेपाल लिमिटेडका शेयरधनीले सबैभन्दा बढी गुमाए । कम्पनीका लगानीकर्ताले ३.९५ प्रतिशतले गुमाए । 

युनिभर्सल पावर कम्पनी लिमिटेड ३.८९, नेपाल बंगलादेश बैंक लिमिटेड (संस्थापक) ३.३८, सिटिजन म्युचुअल फन्ड–१ का शेयरधनीले १.८३ र माछापुछ्रे बैंकका लगानीकर्ताले १.७८ प्रतिशतले गुमाए । 

बुधवार नेपाल सेवा लघुवित्त वित्तीय संस्थाका शेयरधनीले सबैभन्दा बढी कमाए । संस्थाका लगानीकर्ताले ९.९८ प्रतिशतले कमाउँदा डिप्रोक्स लघुवित्त वित्तीय संस्था ९.९५, युनाइटेड इन्सुरेन्स कम्पनी नेपाल र गणपति माइक्रोफाइनान्स वित्तीय संस्था ९.८७, नयाँ नेपाल लघुवित्त विकास बैंक ९.८६ र माहुली सामुदायिक लघुवित्त वित्तीय संस्थाले ८.०७ प्रतिशतले कमाए ।

कमेन्ट गर्नुहोस्