भारतमा भेटियो दुईटाउके कोब्रा, 'भगवान' भन्दै स्थानीयले वन्यजन्तु अधिकारीसमक्ष हस्तान्तरण गर्न मानेनन्

भारतमा वन्यजन्तु अधिकारीहरूले दुई टाउके सर्प फेला पारेका छन् ।

बङ्गालको मिडनापोर शहरमा दुईटाउके कोब्रा सर्प फेला परेको हो । मानवबस्तीको वरिपरी देखिएको उक्त सर्पलाई स्थानीयहरूले वन्यजन्तु अधिकारीहरूलाई सुम्पिन भने मानेका छैनन् ।


Advertisement

वन विभागका कर्मचारी कौस्तब चक्रवर्तीले भने, 'हामीले अनुसन्धानका लागि लैजान खोजेका थियौं तर गाउँलेहरूले दुईमुखे कोब्रा हामीलाई दिन चाहेनन् । दुई मुखे सर्पको पौराणिक र धार्मिक महत्त्व रहेको विश्वास गरिएको छ तर यो बिल्कुलै जीवविज्ञानसँग सम्बन्धित विषय हो ।'

यस्ता जनावरहरूलाई संरक्षण गर्नका लागि उनीहरूकै वास्तविक बासस्थानमा लगिनुपर्ने चक्रवर्ती बताउँछन् ।


Advertisement

 

 

कमेन्ट गर्नुहोस्