फ्रान्समा आँधी आउँदा दुई जनाको मृत्यु, हजारौं घर विद्युत्‌विहीन

फ्रान्सको दक्षिण–पश्चिमी क्षेत्रमा आएको आँधीका कारण दुई जनाको मृत्यु भएको छ । घटनाका कारण त्यस क्षेत्रका हजारौ घर विद्युत्‌विहीन भएको अधिकारीहरूले जानकारी दिएका छन् ।  

घटनामा परी मृत्यु भएका दुवैजना निवृत्तिभरण पाइरहने व्यक्ति रहेको समाचारमा जनाइएको छ । मृत्यु भएकामध्ये एकजना ७० वर्षका रहेका छन् । उनको बास्क्यु काउन्ट्र अन्तर्गतपर्ने प्यरेनीस एट्लान्टीकमा मृत्यु भएको हो । सवारीसाधनमा रहेका बेला ढलेको रुखले उनलाई च्यापेको जनाइएको छ ।  


Advertisement

त्यसैगरी लोट एट गारोन क्षेत्रमा ७६ वर्षका अर्का एक वृद्धको मृत्यु भएको विवरण आएको छ । उद्धारकर्ताले उनको शव झण्डै २४ घण्टापछि पत्ता लगाएका थिए । शव घरदेखि एक किलोमिटर टाढा भेटिएको अधिकारीले जनाएका छन् ।

उनीहरूका अनुसार अरू पाँच जना घाइते भएका छन् । तीमध्ये दुई जनाको अवस्था गम्भीर रहेको जनाइएको छ । उद्धारकर्ताले उनीहरूलाई च्यापेको रुखबाट हटाएका छन् । घटनास्थलबाट उनीहरूलाई उद्धार गरेर उपचार गर्न लगिएको छ । 


Advertisement

शनिवार दिउँसोदेखि त्यस क्षेत्रका झण्डै ४० हजार घरका विद्युत्‌ सेवा अवरुद्ध भएको छ भने बेलुकाको समयमा १५ हजार घरमा विद्युत् सेवा कटौती भएको अधिकारीले जनाएका छन् । 
उपभोक्तलाई विद्युत् सेवा जतिसक्दो चाँडो उपलब्ध गराउनका लागि दुई हजार जना प्राविधिक खटाइएको एक प्रवक्ताले जानकारी दिएका छन् । 

विद्युत् सम्बन्धी कुनै समस्या भएमा तत्काल जानकारी गराउन सिधा सम्पर्क नं.को समेत व्यवस्था गरिएको अधिकारीले जनाएका छन् । प्रभावित क्षेत्रमा ९ मिटरसम्म पानी जमेको स्थानीय बासिन्दाले बताएका छन् । आँधीपछि कतिपय ठाउँमा बाढी र पहिरो पनि आएको छ । 

आँधी, बाढी र पहिरोका कारण ६०० भन्दा बढी विस्थापित भएका छन् । उनीहरूको  उद्धार भइरहेको पनि जनाइएको छ ।  

कमेन्ट गर्नुहोस्