माघ १५, २०८०
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
पुस १, २०७६
५ नम्बर प्रदेशको स्थायी राजधानी र नामाकरण सिफारिस समितिले प्रदेशको नाम लुम्बिनी र राजधानी रुपन्देहीको पश्चिम क्षेत्र, कपिलवस्तु र दाङ सिफारिस गर्ने गरी प्रतिवेदन तयार पार्यो ।
समितिका एक सदस्यले प्रतिवेदन संसद सचिवालयमा नबुझाउँदै प्रतिवेदनमा समावेश प्रस्तावहरू मिडियासामु बोलेपछि यस क्षेत्रमा प्रदेश राजधानीका विषयमा तरंग नै फैलियो ।
राजधानी बुटवलमा अन्यत्र जाने त होइन ? साँच्चै बुटवलबाट सर्ला त प्रदेशको राजधानी ? राजधानी र नामाकरणको विषयमा सांसदले नै गोटी फालेपछि बुटवलका स्थानीदेखि राजनीतिक दलसम्म स्थायी राजधानी कहाँका होला भनेर चासो व्यक्त गरिरहेका छन् ।
समितिले जहाँसुकै प्रस्ताव गरेपनि राजधानी र नामाकरणको अन्तिम टुंगो लगाउने अधिकार प्रदेश सभालाई नै छ । प्रदेशको नाम ‘लुम्बिनी’ सबैलाई स्वीकार गर्ने देखिएपनि साविक लुम्बिनी अञ्चलदेखिका सांसदको बुटवल र पश्चिमी जिल्लाका सांसदको दाङ राजधानी हुनुपर्ने दाबी रहँदै आएको छ ।
समितिले डेढ वर्ष लगाएर तयार पारेको अन्तिम प्रतिवेदन सोमवार प्रदेशसभा सचिवालयमा बुझाएको छ । प्रदेश अन्तर्गत पर्ने १२ वटै जिल्लामा पुगेर लिइएका राय सुझाव, विज्ञहरू सम्मिलित समितिले दिएको सुझाव र हालै भएको भारतको चण्डीगढको अध्ययनलाई समेटेर प्रतिवेदन तयार गरिएको प्रतिवेदन सचिवालयमा बुझाएको समितिका सभापति दिपेन्द्रकुमार पुनले लोकान्तरलाई जानकारी दिए ।
समितिमा विज्ञ सहितका सुझाव समावेश गरिएको बताए । ‘प्रतिवेदन सभामा पेश भएपछि विस्तृत विवरण आउँछ । अहिले सबै कुरा सार्वजनिक गर्न मिल्दैन,’ उनले भने । संविधानको धारा २९५(२) मा प्रदेशको नामाकरण सम्बन्धित प्रदेश संसदको दुईतिहाइ बहुमतले गर्ने संवैधानिक व्यवस्था छ । धारा २८८(२) मा सरकारले तोकेको अस्थायी केन्द्र (हालका मुकाम) लाई प्रदेश सभाको दुईतिहाइ बहुमतले परिवर्तन गर्न पनि सक्ने व्यवस्था छ ।
हल्लाका पछाडि नलागौं : सरकारका प्रवक्ता
प्रदेश सरकारका प्रवक्ता तथा भौतिक पूर्वाधार तथा विकास मन्त्री बैजनाथ चौधरीले प्रदेश राजधानी र नामाकरणको विषयमा सरकार प्रवेश नै नगरेको बताए । ‘मिडियामा प्रदेशको नाम र राजधानीको विषय टुंगो लाग्यो भन्ने जस्तै गरी समाचार आए,’ चौधरीले भने, ‘राजधानी र नामाकरण प्रदेश सभाले टुंग्याउने विषय हुन् । प्रदेश सभाको बैठक बसेपछि प्रतिवेदनमाथि छलफल होला । अहिले यो विषय कहीँकतैबाट आएको छैन ।’
बुटवलबाट राजधानी सर्दैन : सांसद श्रेष्ठ
प्रदेश सभाका नेकपा सांसद भोजप्रसाद श्रेष्ठले बुटवलमा राजधानी कुनै हालतमा पनि सर्न नसक्ने बताएका छन् । बुटवल सबै क्षेत्रबाट राजधानीका लागि उपयुक्त रहेको भन्दै कसैले भ्रम सिर्जना गर्न बोल्दैमा राजधानी बुटवलबाट यताउता हुनै नसक्ने बताए । ‘बुटवल बढी भीडभाड भयो भनेर राजधानी सार्ने भन्ने हँुदैन । काठमाडौं भीड भयो भनेर अब सगरमाथाको टुप्पोमा लाने ? यो हुन सक्दैन,’ श्रेष्ठले भने । शिक्षा, स्वास्थ्य, यातायात लगायतको सुविधा हुन्छ त्यहीँ राजधानी हुने श्रेष्ठको भनाइ छ ।
राजधानी सार्न सम्भव छैन : पोखरेल
नेपाल चेम्बर अफ कमर्सका केन्द्रीय सदस्य तथा बुटवलका स्थानीय टंक पोखरेलले बुटवलबाट राजधानी अन्यत्र सार्न असम्भव जस्तै भएको बताए । ‘समितिले प्रस्ताव गरेको ठाउँमा प्रस्ताव लोलोपोतो देखिन्छ । यहीँ ठाउँ भन्ने भनिएको छैन,’ पोखरेलले भने, ‘राजधानी सार्न दुईतिहाइ चाहिन्छ । त्यो सम्भव छैन । राजधानी बुटवल नै हुन्छ । कसैको हल्लाले सर्दैन ।’
राजधानी सार्न खोज्नु तातो आलु मुख हाल्नु जस्तै : अर्याल
बुटवल उद्योग वाणिज्य संघका उपाध्यक्ष हरि अर्यालले राजधानी बुटवलमा सार्नु अदुरदर्शी हुने बताए । ‘राजधानी यहाँबाट सार्न खोज्नु तालो आलु मुखमा हाले जस्तै हुन्छ । त्यो कल्पना गर्न पनि सकिँदैन । दूभाग्यपूर्ण हुन्छ । कुनै नयाँ ठाउँलाई शहरको रुपमा विकास गर्नका लागि राजधानी बनाइन्छ भन्ने हुँदैन,’ उनले भने । राजधानीका मन्त्रालय र प्रदेश सभाका कार्यालयका लागि निजी क्षेत्रले आफ्नौ भौतिक संरचना प्रदेश सरकारलाई उपलब्ध गराएका छन् ।
राजधानी सार्नु भन्ने कुरा झन्झट : विश्लेषक
राजधानी जानकार तथा विश्लेषक मनिकर कार्कीले एक ठाउँमा स्थापित गरेर अगाडि बढिसकेको ठाउँमा अन्यत्र केन्द्र मुकाम सार्ने कुुरा झन्झटिलो हुने बताए । ‘राजधानी सार्न वाञ्छित छैन । शुरूमै यो विषय सकेर प्रदेशमा अगाडि बढेको भए हुन्थ्यो, अब संवेदनशील बनेर यो विषय टुंगो लगाएर अगाडि बढ्नुपर्छ,’ विश्लेषक कार्कीले भने ।
राजधानी सरे आन्दोलन
बुटवलका स्थानीय विसन पराजुलीले राजधानी बुटवलमा अन्यत्र जाने कुरा आए आन्दोलन हुने बताए । साविक प्रदेश ५ लाई विभाजन गर्ने षड्यन्त्रविरुद्ध यहाँ निस्किएको आन्दोलन जस्तै आदोलन चर्किने बताए ।
समितिले प्रतिवेदन तयार गर्न सक्यो झण्डै ६० लाख
विशेष समितिले प्रतिवेदन तयार गर्ने कामका लागि झण्डै ६० लाख रुपैयाँ खर्च गरेको छ । समितिले विभिन्न शीर्षकमा ५० लाख र गएको मंसिर २१ गते भारतको चण्डीगढमा ‘आइडिया’ लिन जाँदा ७ लाख रुपैयाँ लिएर गएको थियो । भारत भ्रमणमा समितिका १२ सदस्यीय टोली र ४ जना कर्मचारी गरी १६ सदस्यीय टोली १ हप्तासम्म बसेका थिए ।
मुख्यमन्त्री र महासचिव पौडेलको लडाइँ
प्रदेश ५ सरकारका मुख्यमन्त्री शंकर पोखरेलले बुटवल साँघुरो भइसकेको भन्दै नयाँ ठाउँलाई राजधानी बनाउनुपर्ने बताउँदै आएका छन् तर बुटवलबाट निर्वाचित नेकपा महासचिव विष्णु पौडेले बुटवलबाट राजधानी सर्न नसक्ने बताउँदै आएका छन् । नेकपाकै २ नेताको आ–आफ्नै दाबीले राजधानीको विषयले अन्तिम रुप लिन नसकेको बुझिन्छ । प्रदेशवासीले राजधानीको विषय २ नेताको लडाइँ भन्ने बुझेका छन् ।
यस्तो छ अंकगणित
प्रदेश सभाका ८७ जना सांसदले राजधानी र नामाकरणको टुंगो लगाउने छन् । ८७ जना सांसद रहेको प्रदेश ५ मा दुईतिहाइ समर्थनका लागि ५८ जनाको समर्थन चाहिन्छ । प्रदेश नम्बर ५ मा नेकपाका ६१, कांग्रेसका १९, संघीय समाजवादी फोरम ५, राजपा र राष्ट्रिय जनमोर्चाका १–१ जना सांसद छन् ।
कुन जिल्लाबाट कति सांसद
जिल्लागत विवरण अनुसार नवलपरासी पश्चिममा ५ जना, रुपन्देहीमा १९ जना, कपिलवस्तुमा १२ जना, पाल्पामा ७ जना, गुल्मीमा ५ जना, अर्घाखाँचीमा ४ जना, प्यूठानमा ३ जना, रोल्पामा २ जना, रुकुम पूर्वमा ३ जना, दाङमा १० जना, बाँकेमा ९ जना र बर्दियामा ८ जना सांसदले प्रदेश सभामा प्रतिनिधित्व गर्छन् ।
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...