उच्च अदालत जनकपुरमा कार्यरत न्यायाधीश सकुन्तला घिमिरेको सुरक्षा गार्डमा खटिएकी निजी सुरक्षा अधिकारी (पीएसओ) रनिता केवटको हतियार लिएर फरार भएका उनका प्रेमी सिवेन्द्र यादव पक्राउ परेका छन् ।

जिल्ला प्रहरी कार्यालय धनुषाबाट खटिएको प्रहरी निरीक्षकको टोलीले यादवलाई हतियारसहित पक्राउ गरेको प्रहरीले जनाएको छ ।

धनुषाका प्रहरी प्रवक्ता डीएसपी रामेश्वर कार्कीले यादवलाई चाइनिज पेस्तोल, ७ राउन्ड गोलीसहित पक्राउ गरिएको जनाएका छन् ।

प्रहरीले प्रहरी जवान केवटलाई समेत नियन्त्रणमा लिएर घटनाको अनुसन्धान गरिरहेको छ ।

जनकपुरधाम उपमहानगरपालिका–१५ रामपुरबाट यादवलाई पक्राउ गरेर वडा नम्बर १२ स्थित यमुना मण्डलको गाईगोठबाट झोलामा राखिएको हतियार र गोली बरामद गरिएको डीएसपी कार्कीले जनाएका छन् ।

नेपाल प्रहरीकी रनितालाई डुबाउने प्रेम : ‘लिभिङ रिलेसन’ बिग्रिँदा हतियार चोरेर प्रेमी फरार