कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
पुस ४, २०७६
प्रमुख प्रतिपक्षी दल नेपाली कांग्रेसमा देखिएको भातृसंगठनको नेतृत्व विवादमा सहमति जुट्न नसक्दा शुक्रवार बस्ने भनिएको केन्द्रीय समिति बैठक एकसाता पछि सरेको छ ।
सहमतिको प्रयास गर्ने भन्दै गत बुधवार (आजसम्म)का लागि स्थगित गरिएको बैठक थप सहमति जुटाउने भन्दै १० गतेसम्मका लागि स्थगित गरिएको हो ।
शुक्रवार अपराह्न वरिष्ठ नेता रामचन्द्र पौडेल निवास बोहोराटारमा पौडेल समूहका नेताहरू भेला भएर थप सहमति जुटाउन १० गतेसम्म बैठक स्थगित गर्न प्रस्ताव गर्ने निर्णय गरे ।
पौडेल समूहको प्रस्तावलाई सभापति देउवाले सदर गरेपछि बैठक पछि धकेलिएको हो । बैठक पुस १० गते बस्ने कांग्रेस केन्द्रीय कार्यालयका मुख्यसचिव कृष्ण पौडेलले लोकान्तरलाई जानकारी दिए ।
सहमतिका लागि नेताहरूको दौडधूप तीव्र देखिएपनि एक सातामा विवाद झन् उत्कर्षमा पुगेको छ ।
कांग्रेसको भातृसंगठन तरुण दल र नेपाल विद्यार्थी संघमा सभापति शेरबहादुर देउवा र वरिष्ठ नेता रामचन्द्र पौडेलको आ-आफ्नै दाबी छन् ।
पुस २६ गतेदेखि शुरू भएको नेपाली कांग्रेसको केन्द्रीय समिति बैठकलाई पौडेल समूहले निरन्तर बहिष्कार गर्दै आइरहेको छ ।
१४ औं महाधिवेशनको कार्यतालिकाका विषयमा छलफल गर्न सभापति देउवा तयार नभएको भन्दै पौडेल समूह बैठकमा सहभागी भएको छैन ।
केन्द्रीय समितिको पहिलो दिनको बैठकलाई पौडेल समूहले बहिष्कार गरेपनि बैठक भने बसेको थियो ।
बैठकमा विभागको संख्या २८ बाट ४१ पुर्याउने, नेविसंघको ११ औं महाधिवेशका लागि तदर्थ समिति गठन गर्ने र म्याद सकिइसकेको तरुण दलको कार्यसमितिको म्याद ६ महिना थप्ने विषयमा छलफल भएको थियो । नेविसंघ गत वर्षको माघदेखि नै नेतृत्वविहीन छ ।
महाधिवेशन नजिकिएका बेला सभापति देउवाले विभाग, तरुण दल र नेविसंघमा आफू अनुकूल नेतृत्व र पदाधिकारी ल्याएर चलखेल गर्न खोजेको आरोप पौडेल समूहको छ ।
विगत केही दिनयता सहमतिका लागि तीव्र छलफल चलिरहेको भएपनि सभापति देउवा र वरिष्ठ नेता पौडेल दुवै टसको मस भएका छैनन् । दुवैले आ-आफ्नो दाबी छोडेका छैनन् ।
'हामी महाधिवेशन कार्यतालिकामा छलफल गर्न तयार छौं,' देउवापक्षीय एक नेताले लोकान्तरसँग भने, 'उहाँहरूले कमसेकम सबै विवादित विषयहरू केन्द्रीय समितिमै छलफल गर्ने वातावरण मिलाउनुपर्यो । आफूले भनेजस्तो भए लोकतन्त्र, नत्र मनोमानी हुने उहाँहरूको तर्क सही छैन ।'
केन्द्रीय सदस्य रामकृष्ण यादवले दुवै पक्षबीच छलफल भइरहेको जानकारी दिए ।
'दुवै पक्षबीच छलफल चलिरहेको छ,' यादवले लोकान्तरसँग कुरा गर्दै भने, 'सबै कुरा प्याकेजमै मिलाउन खोजिएको छ । त्यसका लागि चरण चरणमा छलफल र सहमति गर्दै जानुपर्ने आवश्यकता देखिएकाले बैठक १० गतेसम्म सारिएको हो ।'
नेविसंघको नेतृत्वबारे अहिलेसम्म कुनै सहमति भएको आफूले थाहा नपाएको दिपक भट्टराईको भनाइ छ । 'अहिलेसम्म कुनै सहमति भएको छैन,' भट्टराईले लोकान्तरसँग भने ।
पौडेल समूहले तरुण दल या नेविसंघमध्ये कुनै एउटाको नेतृत्व आफूलाई दिनुपर्ने माग गरिरहेको छ । यदि सभापति देउवाले नेविसंघको तदर्थ समितिमा आफूखुशी पदाधिकारीहरू राखे समानान्तर समिति गठन गर्ने अडान पौडेल पक्षका नेविसंघ नेताहरूले लिएका छन् ।
तरुण दलमा पनि देउवाले आफूखुशी गर्न खोजेको भन्दै पौडेलपक्षीय नेताहरू सशंकित बनेका देखिन्छन् ।
लोकान्तरसँग कुरा गर्दै भुपेन्द्रजंग शाहीले भने, 'संस्थापन पक्ष आफूखुशी गर्ने नियतका साथ अघि बढेको देखिन्छ, हाम्रा लागि त्यो स्वीकार्य छैन । यदि सहमति भएन भने जस्तोसुकै कदम चाल्न पनि हामी पछि पर्ने छैनौं ।'
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...