×

NMB BANK
NIC ASIA

राष्ट्रिय सभा निर्वाचन

राष्ट्रिय सभाको प्रदेशगत मतभार - ७ वटै प्रदेशमा नेकपाको पल्ला भारी

पुस २१, २०७६

NTC
Sarbottam
Premier Steels
Marvel

माघ ९ गते हुने राष्ट्रिय सभा निर्वाचनमा १८ सीटका लागि आइतवार मनोनयन सम्पन्न भएको छ ।

Sagarmatha Cement
Muktinath Bank

उम्मेदवारहरू मनोनयन दर्ताका लागि आइतवार प्रदेश १ मा मोरङ, प्रदेश २ मा धनुषा, प्रदेश ३ मा ललितपुर, गण्डकी प्रदेशमा पोखरा, प्रदेश ५ मा दाङ, कर्णाली प्रदेशमा सुर्खेत र सुदूरपश्चिममा डोटीस्थित निर्वाचन अधिकृतको कार्यालयमा पुगेका थिए ।


Advertisment
RMC TANSEN
IME BANK INNEWS
shivam ISLAND

५९ जना सदस्य रहने राष्ट्रिय सभामा एकतिहाई अर्थात् १९ जनाको फागुन २० बाट पदावधि सकिँदैछ । तीमध्ये १ जना मन्त्रिपरिषद्को सिफारिसमा राष्ट्रपतिमार्फत नियुक्त हुने व्यवस्था छ भने १८ जना निर्वाचित हुनेछन् ।


Advertisment
Nabil box
Kumari

राष्ट्रिय सभाका उम्मेदवारलाई आम निर्वाचनमा जस्तो जनताले भोट दिने होइन । जनताले भोट दिएर पहिल्यै चुनेका प्रदेशसभा सदस्य, नगरपालिका र गाउँपालिकाका मेयर, उपमेयर र अध्यक्ष, उपाध्यक्ष राष्ट्रिय सभाका मतदाता हुन् ।

Vianet communication
Laxmi Bank

निर्वाचन आयोगले १७ पुसमा मतदाता नामावली प्रकाशन गर्ने, १८ पुसमा अन्तिम नामावली प्रकाशन गरी २० पुसमा उम्मेदवारको मनोनयनपत्र दर्ता गर्ने, २५ पुसमा उम्मेदवारलाई निर्वाचन चिह्न प्रदान गर्ने र ९ माघका दिन बिहान १० बजेदेखि अपराह्न ४ बजेसम्म मतदान सञ्चालन गर्ने गरी निर्वाचनको कार्यतालिका तयार पारेको छ ।

प्रदेशगत मतभार

राष्ट्रियसभा निर्वाचनका लागि स्थानीय तहका प्रमुख र उपप्रमुख प्रत्येकको मतभार १८ रहेको छ भने प्रदेशसभा सदस्यको मतभार ४८ हुने व्यवस्था गरिएको छ ।

निर्वाचनका लागि ७ वटै प्रदेशमा ५५० जना प्रदेशसभा सदस्य र स्थानीय तहका अध्यक्ष, उपाध्यक्ष तथा प्रमुख र उपप्रमुख १ हजार ५०६ गरी २ हजार ५६ जना मतदाता रहनेछन् ।

प्रदेश १

प्रदेश १ मा ९३ प्रदेशसभा सदस्य छन् भने स्थानीय तहका अध्यक्ष, उपाध्यक्ष तथा प्रमुख, उपप्रमुख गरी २८४ छन् । प्रदेशसभा सदस्य र स्थानीय तहका प्रमुख र उपप्रमुख गरी जम्मा ९ हजार ३ सय ९६ मतभार रहेको प्रदेश १ मा नेकपाको मात्र ६ हजार २५८ मतभार छ ।

आधाभन्दा धेरै मतभार भएको नेकपाका इन्दु गौतम, देवेन्द्र दाहाल र गोपी अछामीले प्रदेश १ मा उम्मेदवारी दिएका छन् भने कांग्रेसबाट निरबहादुर विश्वकर्मा, मिना पुलामी मगर र राजेन्द्र घिमिरेले उम्मेदवारी दिएका छन् । प्रदेश १ मा कांग्रेसको कूल मतभार जम्मा २ हजार २३२ रहेको छ ।

प्रदेश २

प्रदेश २ मा राष्ट्रिय सभाको ४ सीटका लागि नेकपा, राजपा, नेपाली कांग्रेस र समाजवादी पार्टी गरी ४ पार्टीका उम्मेदवारले मनोनयन दर्ता गराएका छन् । राष्ट्रिय सभाका लागि कांग्रेस–समाजवादी र नेकपा–राजपाबीच गठबन्धन बनेको छ ।

उम्मेदवारी मनोनयन गराउनेमा प्रमुख प्रतिपक्षी दल नेपाली कांग्रेसबाट नगिना यादव र भोला पञ्जियार रहेका छन् भने समाजवादीबाट रामप्रित पासवान र अनिरुद्रसिंहप्रसाद सिंह यादव रहेका छन् । नेकपाबाट तुलसा दाहाल र राधेश्याम पासवान, राजपा उम्मेदवारहरू मृगेन्द्रसिंह यादव र शेखर सिंहले पनि उम्मेदवारी मनोनयन दर्ता गराएका छन् ।

प्रदेश २ मा प्रदेशसभा सदस्य १०७ जना, स्थानीय तहका अध्यक्ष, उपाध्यक्ष तथा प्रमुख, उपप्रमुख गरी २७२ गरी जम्मा ३७९ जना मतदाता रहेका छन् । स्थानीय तहको मतभार ४ हजार ८९६ छ भने प्रदेशसभा सदस्यको मतभार ५ हजार १३६ रहेको छ । प्रदेश २ को कूल मतभार १० हजार ३२ छ ।

प्रदेश २ मा नेकपाको मतभार ३ हजार ३० रहेको छ भने राजपाको मतभार २ हजार १७२ रहेको छ । यसरी नेकपा–राजपा गठबन्धनको कूल मतभार ५ हजार २०२ रहेको छ ।

कांग्रेसको मतभार २ हजार ३०७ छ भने समाजवादीको मतभार २ हजार ३७६ गरी कांग्रेस–समाजवादी गठबन्धनको कूल मतभार ४ हजार ७४६ रहेको छ ।

प्रदेश ३

प्रदेश ३ मा प्रदेशसभा सदस्य ११० र स्थानीय तहका अध्यक्ष, उपाध्यक्ष तथा प्रमुख, उपप्रमुख २३८ गरी जम्मा ३ सय ४८ जना मतदाता रहेका छन् । प्रदेश सभाको ५ हजार २८० मतभार छ भने स्थानीय तहबाट ४ हजार २८४ मतभार छ । प्रदेश ३ को कूल मतभार ९ हजार ५६४ रहेको छ ।

आइतवार प्रदेश ३ मा नेकपाका तर्फबाट वेदुराम भुसाल र गंगा बेल्बासेले उम्मेदवारी दर्ता गराए भने कांग्रेसका तर्फबाट छलीकुमारी उपाध्याय र हरिशरण श्रेष्ठले उम्मेदवारी दर्ता गराएका छन् ।

अन्य प्रदेशको जस्तै प्रदेश ३ मा पनि कूल मतभारको आधाभन्दा धेरै नेकपाको रहेको छ । नेकपाको ६ हजार ८२८ मतभार रहेको छ भने कांग्रेसको २ हजार २६२ मतभार रहेको छ । अन्य दलको ४७४ मतभार छ ।

गण्डकी प्रदेश

गण्डकी प्रदेशमा प्रदेशसभा सदस्य ६० रहेका छन् । प्रदेश सभाको कूल मत २ हजार ८८० रहेको छ भने १७० स्थानीय तहका प्रतिनिधिको ३ हजार ६० मतभार रहेको छ ।

जसमध्ये सत्तारूढ दल नेकपाको पक्षमा स्थानीय तहबाट १ हजार ४७६ र प्रदेश सभाबाट १ हजार ८७२ गरी जम्मा ३ हजार ३४८ मतभार छ । कांग्रेसको स्थानीय तहबाट १ हजार ४५८ र प्रदेश सभाबाट ७२० गरी जम्मा २ हजार १ सय ७८ मतभार रहेको छ । गण्डकी प्रदेशमा अन्य दलहरूको जम्मा २४४ मतभार रहेको छ ।

आइतवार गण्डकी प्रदेशको कास्कीस्थित निर्वाचन अधिकृतको कार्यालयमा नेकपाका तर्फबाट भगवती न्यौपाने र नारायणकाजी श्रेष्ठले उम्मेदवारी मनोनयन दर्ता गराए भने कांग्रेसका तर्फबाट सूर्यप्रसाद रेग्मी र विमला गौचनले उम्मेदवारी मनोनयन दर्ता गराएका छन् ।

प्रदेश ५

प्रदेश ५ मा प्रदेशसभा सदस्य ८७ र स्थानीय तहका अध्यक्ष, उपाध्यक्ष तथा प्रमुख, उपप्रमुख २१८ गरी जम्मा ३५ जना मतदाता छन् । प्रदेश नम्बर ५ को मुख्य निर्वाचन अधिकृतको कार्यालय घोराहीमा स्थापना गरिएको छ ।

राष्ट्रियसभा निर्वाचनका लागि प्रदेश ५ मा नेकपाको तर्फबाट दाङका जगप्रसाद शर्मा, रुपन्देहीबाट गोपाल भट्टराई र कपिलवस्तुबाट विमला घिमिरेले राष्ट्रियसभा सदस्य पदका लागि आइतवार उम्मेदवारी दर्ता गराए । नेपाली कांग्रेसबाट दाङकी गिरिजादेवी न्यौपाने, अर्घाखाँचीका बालकृष्ण पाण्डे र बाँकेका मेराजअहमद हलवाईले उम्मेदवारी दर्ता गराएका छन् ।

प्रदेश नम्बर ५ मा स्थानीय तहका प्रमुख र उपप्रमुख गरी नेकपाका १२८ मतदाता छन्, जसको मतभार २ हजार ३०४ हुनेछ । प्रदेशसभा सदस्यमा नेकपाका ६१ मतदाता छन्, जसको मतभार २ हजार ९२८ हुनेछ । दुवैतर्फ गरी नेकपाको कूल मतभार ५ हजार २३२ हुनेछ ।

नेपाली कांग्रेसको स्थानीय तहमा ६८ मतदाता छन्, जसको मतभार १ हजार २२४ हुनेछ भने प्रदेश सभातर्फ १९ मतदाता रहेका छन्, जसको मतभार ९१२ हुनेछ । यसरी प्रदेशमा कांग्रेसको कूल मतभार २ हजार १३६ हुनेछ ।

समाजवादी पार्टीको स्थानीय तहका १२ मतदाता छन्, जसको मतभार २१६ र प्रदेशसभाका ४ मतदाताको १९२ गरी कूल ४०८ मतभार हुने छ । यसरी हेर्दा कुनै मतदाताले दायाँबायाँ नगरेको अवस्थामा राष्ट्रियसभा सदस्य निर्वाचनमा कूल मतभार ८ हजार १ सयमध्ये प्रदेश ५ मा नेकपाले ५ हजार २ सय ३२, कांग्रेसले २ हजार १३६ र समाजवादीले ४०८ मतभार प्राप्त गर्नेछन् ।

कर्णाली प्रदेश

कर्णालीमा प्रदेशसभा सदस्य ४० र स्थानीय तहका अध्यक्ष, उपाध्यक्ष तथा प्रमुख, उपप्रमुख १ सय ५८ गरी १ सय ९८ जना छन् ।

राष्ट्रियसभा सदस्यको निर्वाचनका लागि कर्णालीमा नेकपाका तर्फबाट मायाप्रसाद शर्मा आचार्य र सुमित्रा बिसीले निर्वाचन अधिकृतको कार्यालय सुर्खेतमा आइतबार मनोनयन दर्ता गरेका छन् । नेपाली कांग्रेसको तर्फबाट डिल्लीराम पाठक र गणेशकुमारी बस्नेतले मनोनयन दर्ता गरेका छन् ।

जम्मा ४० प्रदेशसभा सदस्य रहेका कर्णालीमा नेकपाबाट ३३, कांग्रेसबाट ६ र राप्रपाबाट १ जना रहेका छन् भने ७९ स्थानीय निकाय रहेकोमा नेकपाका ५३, कांग्रेसका २६ र राप्रपाका १ जना मतदाता प्रमुख र उपप्रमुख गरेर जम्मा मतदाता १ सय ५८ रहेका छन् ।

कर्णालीमा कूल मतभार ४ हजार ७ सय ६४ रहेकोमा नेकपाको ३ हजार ५ सय ६४ र कांग्रेसको १ हजार २६ रहेको छ ।

सुदूरपश्चिम प्रदेश

राष्ट्रियसभा निर्वाचनका लागि सुदूरपश्चिममा प्रदेशसभा सदस्य ५३ र स्थानीय तहका अध्यक्ष, उपाध्यक्ष तथा प्रमुख र उपप्रमुख १७६ गरी जम्मा २ सय २९ जना मतदाता रहेका छन् ।

आइतवार सुदूरपश्चिम प्रदेशमा नेकपाका तर्फबाट तारामान स्वाँर र तुलसी देवकोटाले राष्ट्रिय सभाका लागि मनोनयन दर्ता गराए । कांग्रेसबाट प्रताप ठगुन्ना र तुलसी देवकोटाले उम्मेदवारी दर्ता गराएका छन् । डोटी जिल्ला अदालतमा रहेको मुख्य निर्वाचन अधिकृतको कार्यालयमा गएर कांग्रेस र नेकपाका उम्मेदवारहरूले मनोनयन दर्ता गराएका हुन् ।

प्रदेश सभाका ५३ सदस्यमा नेकपाका ३९, नेपाली कांग्रेसका १२ र राजपाका २ जना छन् । ८८ स्थानीय तहका प्रमुख उपप्रमुखमध्ये नेपाली कांग्रेससँग ३७ प्रमुख र ३४ उपप्रमुख गरी ७१ मत छ । नेकपाको ५० प्रमुख, ५३ उपप्रमुख रहेका छन् भने समाजवादी पार्टीबाट १ प्रमुख र १ उपप्रमुख गरी २ जना मात्र छन् ।

नेकपाको प्रदेश सभातर्फ १ हजार ८७२ र स्थानीय तहतर्फ १ हजार ८५४ गरी ३ हजार ७२६ मतभार छ । कांग्रेसको प्रदेश सभातर्फ ५७६ र स्थानीय तहतर्फ १ हजार २७८ गरी जम्मा १ हजार ८५४ मतभार रहेको छ । सुदूरपश्चिममा अन्यको मतभार जम्मा १३२ रहेको छ ।

सबै प्रदेशमा नेकपाको पल्ला भारी

प्रदेशगत हिसाबमा गणना गर्दा नेकपाले लगभग सबै प्रदेशमा जित्ने देखिन्छ । प्रदेश २ मा राजपासँग तालमेल गरेको नेकपाले २ सीट राजपालाई छोड्दा अहिलेको राष्ट्रियसभा निर्वाचनमा १६ सीट नेकपाले जित्ने देखिन्छ ।

निर्वाचन आयोगका प्रवक्ता राजकुमार श्रेष्ठले अहिलेको राष्ट्रियसभा निर्वाचन प्रत्यक्ष निर्वाचन प्रणाली अन्तर्गत हुने बताउँछन् । निर्वाचनको परिणाम अहिल्यै आकलन गर्न नमिल्ने भन्दै प्रवक्ता श्रेष्ठले लोकान्तरसँग भने, ‘प्रदेशगत मतभार जुन दलको धेरै देखिन्छ, त्यो प्रदेशमा सोही दलले जित्ने सम्भावना छ ।’

hAMROPATRO BELOW NEWS
TATA Below
मंसिर १६, २०८०

नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...

कात्तिक २०, २०८०

नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...

पुस १०, २०८०

मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...

कात्तिक १८, २०८०

नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् ।  विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...

मंसिर २४, २०८०

 नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...

फागुन २८, २०७९

जसपाबाट उपराष्ट्रपतिमा रामसहाय यादवको उम्मेदवारी कायम भएको छ।  सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x