अखिल नेपाल फुटबल संघ (एन्फा), अनुशासन समितिले ६ जना फुटबल खेलाडीलाई कारबाही गरेको छ। 

सहिद स्मारक ए डिभिजन लिगअन्तर्गत मनाङ मर्स्याङ्दी क्लब र मच्छिन्द्र क्लबबीच भएको खेलमा झगडामा उत्रिएका ती खेलाडीलाई २ देखि ५ खेल प्रतिबन्ध लगाउनुका साथै जरिवाना समेत गराइएको हो।

मनाङ का जगजित श्रेष्ठ र अशोक बराललाई ५—५ खेल प्रतिबन्ध लगाउँदा रञ्जन विष्ट, दीपक राई, देवेन्द्र तामाङ र विजय धिमाललाई २- २ खेलमा निलम्बन गरिएको छ। जगदीश, अशोक र रञ्जन मनाङका खेलाडी हुन् भने दीपक, देवेन्द्र र विजय मच्छिन्द्रका खेलाडी। झगडा गरेपछि रातो कार्ड पाएका बरालले थप एक खेलको प्रतिबन्ध झेल्नु पर्नेछ।  

 यस्तो छ कारबाहीको विवरण
जगजित श्रेष्ठ (मनाङ मर्स्याङ्दी) ५ खेल प्रतिबन्ध, १० हजार जरिवाना

अशोक बराल (मनाङ मर्स्याङ्दी)  ५ खेल प्रतिबन्ध रातो कार्ड समेत, १० हजार जरिवाना

दीपक रा‍ई (मच्छिन्द्र) ५ खेल प्रतिबन्ध

रञ्जन विष्ट ( मनाङ मर्स्याङ्दी) २ खेल प्रतिबन्ध

देवेन्द्र तामाङ (मच्छिन्द्र) २ खेल प्रतिबन्ध

विजय धिमाल (मच्छिन्द्र) २ खेल प्रतिबन्ध

शिव लामा (मनाङका व्यवस्थापक )  लिगका बाँकी खेलमा प्रतिबन्ध, १० हजार जरिवाना