नक्कली भ्याट बिल जारी गरी छली गरिएको झण्डै सवा ३ अर्ब कर असुल्न सर्वोच्च अदालतले बाटो खोलिदिएको छ ।

प्रधान न्यायाधीश चोलेन्द्र शमशेर जबरा र न्यायाधीश प्रकाशकुमार ढुंगानाको संयुक्त इजलासले भाटभटेनी सुपरमार्केट, शंकर अक्सिजन ग्यास प्रालि लगायतविरुद्ध फैसला सुनाएको हो ।

यी विभिन्न कम्पनीले नक्कली भ्याट बिल जारी गरी ३ अर्ब २५ करोड रुपैयाँ छली गरेको निष्कर्ष आन्तरिक राजस्व विभागले निकालेको थियो ।

लामो समयदेखि जारी सुनुवाइपछि सर्वोच्चले सोमवार फैसला सुनाएको हो ।