प्रमुख प्रतिपक्षी दल नेपाली कांग्रेसका वरिष्ठ नेता रामचन्द्र पौडेलले भारत भ्रमणका क्रममा भारतका रक्षामन्त्री राजनाथ सिंहसँग भेटघाट गरेका छन् ।

भेटमा नेपाल-भारतबीचको सम्बन्ध र वर्तमान राजनीतिक अवस्थाबारे छलफल भएको भन्दै पौडेलले बुधवार सामाजिक सञ्जाल फेसबुकमा लेखेका छन् ।

'भारतका रक्षा मन्त्री एवं भाजपाका पुर्व सभापति माननीय राजनाथ सिंहसंग नयाँ दिल्लीमा भेटघाट,' पौडेलले लेखेका छन्, 'भेटमा नेपाल र भारत बीचको सम्बन्ध र वर्तमान राजनीतिक अवस्था बारे छलफल भएको छ ।'

स्वास्थ्य उपचारका लागि भन्दै पौडेल सोमवार भारतको राजधानी नयाँ दिल्ली पुगेका थिए ।

रक्तचापमा समस्या देखिएकाले पौडेल उपचारका लागि दिल्ली गएको उनीनिकट स्रोतले जनाएको छ ।