मंसिर १४, २०८०
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
धर्मकर्मका कुरा यसै पनि संवेदनशील मानिन्छन्। त्यसमाथि धर्म परिवर्तनलाई ठूलै इस्युका रूपमा लिने चलन छ।
यद्यपि, कुन धर्म मान्ने भन्ने कुरा व्यक्तिको निजी आस्था र निर्णयमा भर पर्ने विषय हो । विश्वका थुप्रै नाम चलेका कलाकर्मीले धर्म परिवर्तन गरेका रहेछन् । केहीले त पटक–पटक धर्म परिवर्तन गरेका पनि छन् ।
अमेरिकी र्यापर स्नुप डगले चारचोटि धर्म परिवर्तन गरिसके । क्रिस्चियनभित्रका ब्याप्टिजम र मोर्मनिजम अँगालेका उनी बीचमा मुस्लिम भएका थिए । अहिले उनी रस्ताफरियन (जमाइकन धर्मावलम्बी) हुन् । ‘धर्मले ममा रूपान्तरण ल्याइदिएको छ,’ उनी भन्छन्, ‘म डाकु, लुटेरा पृष्ठभूमिको मान्छे हुँ । घृणालाई घृणाले जित्नुपर्छ भन्ने लाग्थ्यो । तर, अहिले फेरिएको छु । घृणालाई मायाले जित्नुपर्दो रहेछ ।’
अभिनेता टम क्रुज, गायिका म्याडोना, गायक बब डिलन आदिले धर्म परिवर्तन गरेका छन् । क्रुजले क्याथोलिकबाट चर्च अफ साइन्टोलजी अपनाएका हुन् भने उनीसँगै बिहे गरेकी अभिनेत्री केटी होल्म्स डिभोर्सपश्चात् पुरानै धर्ममा फर्किएकी छन् । उनी इसाईभित्रकै साइन्टोलजीबाट क्याथोलिकमा फर्किएकी हुन् ।
विवादहरूमा परिरहने अभिनेत्री लिन्ड्से लोहान एकपटक कुरान समातेर बसिरहेको अवस्थामा भेटिएकी थिइन् । त्यसपछि उनले आफूलाई इस्लाम धर्ममा विश्वास रहेको स्पष्ट पारिदिइन् । आफूले कुरान भने पूरै पढीनसकेको उनको भनाइ छ । लिन्ड्सेकै कान्छीबहिनी, मोडल अली लोहान भने बुद्धमार्गी हुन् ।
म्याडोना सुरुमा रोमन क्याथोलिक थिइन् । सन् १९९६ मा धर्म परिवर्तन गरेर उनी यहुदी (काबाला) भइन् । आफूले कुरानसमेत पढ्ने गरेको उनी बताउँछिन् । गायक माइकल ज्याक्सनले धर्म फेरेर इस्लाम अँगालेका थिए भने अभिनेत्री मेरिलिन मुनरो विवाहपश्चात् यहुदी बनेकी थिइन् । उनी सुरुमा इसाई थिइन् ।
ओस्कार अवार्ड जितेकी अभिनेत्री जुलिया रोबट्र्सलाई हिन्दु धर्मले आकर्षित गरेछ । सन् २०१० मा भारत आएका बेला उनले गुरु थापीवरी धर्म परिवर्तन गरेकी थिइन् । अमेरिका फर्केपछि पनि उनी निरन्तर मठमन्दिर गइरहने गरेकी छन् । ‘म निकै बिग्रिएकी थिएँ,’ उनी भन्छिन्, ‘अब सुध्रिने मार्गमा छु । अर्को जुनीमा सबैको सेवा गर्न पाऊँ ।’ अभिनेत्री सारोन स्टोनचाहिँ इसाईबाट बुद्धमार्गी भएकी छन् ।
भारतका प्रख्यात संगीतकर्मी एआर रहमान हिन्दु परिवारमा हुर्किएका थिए । सुरुमा उनको नाम एएस दिलीप कुमार थियो । बाबु बितेपछि उनको परिवार इस्लाम धर्मपट्टि लाग्यो । रोचकचाहिँ के छ भने, उनलाई दिलीप कुमारबाट एआर (अल्लाहरखा) रहमान नाम दिने मान्छे हिन्दु पुजारी थिए ।
‘बहिनीको चिना देखाउन जाँदा ज्योतिषीले मलाई अब्दुल रहमान, अब्दुल रहिममध्ये कुनै एउटा नाम राख भने,’ एआर भन्छन्, ‘रहमान मनपर्यो । आमाले अल्लाहरखा थपिदिनुभएको हो ।’ सुफी दर्शनमा रुचि भएकाले पनि उनले धर्म परिवर्तन गरेको बताइन्छ ।
सैफ अली खानकी आमा, वरिष्ठ अभिनेत्री शर्मिला टैगोर पनि हिन्दुबाट मुसलमान भएकी हुन् । नयाँ धर्म अपनाएयता उनलाई बेगम आयशा सुल्तान भनेर पनि चिनिन्छ । क्रिकेटरसमेत रहेका नवाब मन्सुर अली खानसँग प्रेममा परेपछि शर्मिलाले प्रेमीकै धर्म अँगालेकी थिइन् । अभिनेत्री नरगिस भने मुस्लिम धर्म त्यागेर हिन्दु अनुयायी बनेकी थिइन् । सञ्जय दत्तकी आमा नरगिसले पनि प्रेमी सुनील दत्तका खातिर धर्म परिवर्तन गरेको बताइन्छ ।
अभिनेता धर्मेन्द्रले भने हेमा मालिनीसँग विवाह गर्न छोटो अवधिका लागि धर्म परिवर्तन गरेका थिए । हिन्दु छोडेर मुसलमान धर्म स्विकारेपछि उनले हेमासँग बिहे गर्न मिलेको थियो । पहिली श्रीमतीले पारपाचुके गर्न नमानेपछि धर्मेन्द्रले इस्लाम धर्मको सहारा लिई दोस्रो विवाह गरेका थिए । नयाँ धर्म अवलम्बन गर्ने पछिल्लो पुस्ताकी अभिनेत्री हुन्, आयशा टाकिया । प्रेमी फरहान आजमीसँग बिहे गर्न उनले हिन्दु धर्म त्याग्नुपर्यो । -एजेन्सी
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...