राष्ट्रिय लोक तथा दोहोरी गीत प्रतिष्ठान नेपाल अष्ट्रेलियाका  कोषाध्यक्षलाई अर्जुन तिमिल्सिनालाई  ‘ब्लड क्यान्सर’ देखिएको छ ।

पोखरा स्थायी घर भई अष्ट्रेलियामा ३ बर्षदेखि बस्दै आएका तिमिल्सिनालाई ‘ब्लड क्यान्सर’ भएको हो ।

 तिमल्सिनालाई अस्पतालमा भर्ना गरि किमो दिन थालिएको छ । चिकित्सकले ३ महिनामा बोनम्यारो प्रत्यारोपण गर्न सुझाव दिएका छन्। 

प्रतिष्ठान अष्ट्रेलियाका अध्यक्ष गोविन्द भट्टराईले उनलाई सबैले सक्दो आर्थिक सहयोग गर्न आग्रह गरे।

बोनम्यारो प्रत्यारोपण गर्न कम्तिमा पनि ३ लाख डलर खर्च हुने चिकित्सकले जानकारी दिएका छन् । बोनम्यारो प्रत्यारोपणका लागि परिक्षण गर्न नेपालबाट अर्जुनका भाई समेत अष्ट्रेलिया पुगेका छन् । उपचारका लागि ठुलो रकम लाग्ने भएपछि तिमिल्सिना परिवार यतिखेर निकै संकट छ । 

‘भर्खरै जन्मिएको बच्चालाई राम्रोसँग हेर्न पनि नपाउदै हस्पिटलमा भर्ना भएको छु । सबैले मलाई सहयोग गर्नुभयोभने मेरो जीवन जोगिन सक्छ । सबै सहयोगी मनहरुलाई मेरो प्राणरक्षाको लागि अपिल गर्न चाहन्छु,’ पीडित तिमिल्सिनाले बताए। 

उनको उपचारार्थ आर्थिक रकम संकलन सुरु गरिएको छ ।  बैंक खातामा वा 'गो फन्ड मी'बाट आर्थिक सहयोग गर्न सकिन्छ । 

उनलाई आर्थिक सहयोग गर्न चाहने सहयोगी मनहरुले यस linkमा गएर सहयोग गर्न सक्नेछन् ।