दामनको एक रिसोर्टमा आठजना भारतीय पर्यटकको मृत्यु भएको विषयमा भारतका परराष्ट्रमन्त्री एस जयशंकरले दुःख प्रकट गरेका छन् ।

मंगलवार आफ्नो आधिकारिक ट्विटर ह्यान्डलबाट ट्वीट गर्दै उनले भारतीयहरूको मृत्युले चिन्तित तुल्याएको र नेपालस्थित भारतीय दूतावासले घटनाक्रमलाई नजिकैबाट नियालिरहेको जानकारी दिए । 

‘दूतावासका कर्मचारीहरू अस्पतालमा छन् र आवश्यक सहयोग दिइरहेका छन् । मृतक परिवारप्रति हाम्रो समवेदना छ,’ उनले लेखे ।

Deeply distressed by the tragic news of the passing away of 8 Indian tourists in Nepal.Our Embassy @IndiaInNepal hs been closely following the situation.Embassy officials are stationed at the hospital& are providing necessary assistance.Our thoughts are with the bereaved families

— Dr. S. Jaishankar (@DrSJaishankar) January 21, 2020

पोखराबाट दामन आएर एभरेस्ट पानोरामा रिजोर्टमा बसेका आठ भारतीय पर्यटकको मृत्यु भएको हो । 

त्यसैबीच केरलाका मुख्यमन्त्री पिनारायी विजयनले नेपाल घुम्न आएका आठ मलयाली पर्यटकको मृत्युमा समवेदना प्रकट गरेका छन् ।

केरलाको मुख्यमन्त्री कार्यालयले एक ट्वीट गर्दै मुख्यमन्त्रीले समवेदना प्रकट गरेको र मृतकको शरीरलाई केरला ल्याउनका लागि प्रयास थालेको जानकारी दियो । 

‘मुख्यमन्त्रीको निर्देशनमा नोर्का अधिकारीहरूले मृतकको भौतिक अवशेष घर फर्काउनका लागि कदम चालेका छन् ।’
 

Chief Minister Pinarayi Vijayan has condoled the passing away of eight Malayali tourists in Nepal. On the directions of the Chief Minister, NORKA officials have taken steps to expedite procedures for the repatriation of the mortal remains.

— CMO Kerala (@CMOKerala) January 21, 2020