लागुऔषध तथा विभिन्न मुद्धामा सजाय भुक्तानगरी केही समय अघिमात्र जेल मुक्त भएका सिन्धुपाल्चोक जुकुल गाँउपालीका ३ का समुन श्रेष्ठ (ज्यापु)ले विभिन्न ब्यापारीलाई धम्काएर जवरजस्ती चन्दा आतंक मच्चाउन थालेका छन् । 

श्रेष्ठले सिन्धुपाल्चोकका ठेकेदारहरूलगाएत विभिन्न व्याक्तिलाई हतियार देखाएर ज्यान मार्ने धम्की दिदै जबरजस्ती रकम उठाउने गरेको व्यावसायीको गुनासो छ । प्रहरीका अनुसार श्रेष्ठ पाकेटमार समुहका नाईके हुन् । उनलाई प्रहरीले पटक–पटक पटके कारबाही गरेको थियो ।

उपत्यकामा चल्ने सवारी साधनमा समुह नै बनाएर श्रेष्ठले पाकेटमारी गर्दै आएको प्रहरीले यसअघि नै खुलाएको थियो । उनले सिन्धुपाल्चोकका युवाहरूलाई ल्याएर आफ्नो समुहमा समावेसगरी पाकेटमारी, चोरी लुटपाट जस्ता कार्यमा गरेको प्रहरी अनुसन्धानबाट खुलेको थियो । 

पछिल्लो केही समय अघि लागुऔषध मुद्धामा जेल सजाय भुक्तानगरी निस्केका श्रेष्ठले सिन्धुपाल्चोकका केही ठेकेदारलाई धम्काएर रकम माग गरेको स्रोतले जानकारी दियो। नाम उल्लेख नगर्ने सर्तमा एक सिन्ध्पाल्चोकका निर्माण ब्यावसायीले भने,‘उनले मागेको रकम दिन पर्ने रे, नदिए तेरो परिवारको के होला भन्ने हतियार देखाउने उसको त्रासले बाहिर निस्कन मुस्कील समेत भयो ।’ 

त्यसैगरी अर्का बौद्धका एक ब्यापारीले पनि श्रेष्ठले जबरजस्ती रकम माग गरेको उक्त रकम नदिए परिवारलाई सिद्ध्याउने धम्की दिएको बताए। 

स्रोतका अनुसार श्रेष्ठले पछिल्लो समयमा नक्कली सुन नक्कली डलर देखाएर समेत विभिन्न ब्याक्तिलाई ठगी गर्ने गरेका छन् ।

 सस्तोमा सुन र डलर भन्दै उनले विभिन्न ब्याक्तिलाई एकान्तमा बोलाउने अनि हतियार देखाएर भएको रकम र सरसामान लुटपाट गर्ने गरेको स्रोतले जनाएको छ । परिवारलाई मार्ने धम्की दिएका कारण पिडितहरूप्रहरीमा उजुरी गर्ने डराउने गरेको श्रेष्ठले धम्की दिएका एक व्यापारीले बताए । ‘हामीले प्रहरीलाई खबर गरेर के गर्नु, उ एक दिन छुटीहाल्छ, प्रहरीले सधै हाम्रो परिवारलाई सुरक्षा दिदैन’ व्यापारीले भने ।