राष्ट्रिय सभा सदस्य निर्वाचनमा प्रदेश नम्बर २ बाट महिलातर्फ राष्ट्रिय सत्तारूढ दल नेकपाकी तुलसा दाहाल बिजयी भएपछि उनकी छोरी नितु बस्नेत मिठाई बाँड्न व्यस्त देखिएकी छिन् ।

बिहीवार साँझ सकिएको मतगणनामा दाहाल बिजयी भएकी हुन् ।

नेकपा–राजपा गठबन्धनबाट उम्मेदवार बनेकी दाहालले ५ हजार २ सय ८ मत प्राप्त गरिन् । उनकी निकटतम् प्रतिद्वन्द्वी कांग्रेसकी नगिना यादवले ४ हजार ७ सय ४० मत प्राप्त गरिन् ।

प्रदेश २ मा नेकपा र राजपाले २/२ सीट भागबण्डा गर्दै गठबन्धन गरेका थिए । कांग्रेस र समाजवादी पार्टी पनि गठबन्धन बनाएर चुनावमा होमिएका थिए ।

नेकपा–राजपा मतभार हिसाब गर्दा स्पष्ट जीत हुने देखिएपनि अन्तरघातको डर थियो ।