चैत २, २०८०
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
माघ १०, २०७६
हेटौंडा सिमेन्ट उद्योगमा सामग्री खरिद र कर्मचारी भर्नामा अनियमितता भएको राष्ट्रिय सतर्कता केन्द्रको छानबिनबाट फेला परेको छ ।
सिमेन्ट उद्योगमा कर्मचारी भर्ना प्रक्रिया, कर्मचारीको सेवासुविधा र सामग्री खरिदमा अनियमितता भएको उजुरीपश्चात छानबिन गर्दा अनियमितता भएको देखिएको केन्द्रको छानबिन प्रतिवेदनमा उल्लेख गरिएको छ ।
छानबिनमा हेटौंडा सिमेन्ट उद्योगमा ३ वटा बर्नर पदको दरबन्दीमा पदपूर्ति हुँदाहुँदै दरबन्दी नै नभएका थप ३ पदमा विज्ञापन खोलेर छनोट गरेको र बर्नर चिफ पद नै नरहेको अवस्थामा कर्मचारी नियुक्त गरेको प्रतिवेदनमा उल्लेख छ ।
दरबन्दी नै नभएको पदमा विज्ञापन आह्वान गरेर उद्योगकै पूर्व कर्मचारीलाई छनोट गरी अनियमितता गरेको प्रतिवेदनमा उल्लेख छ ।
उद्योगलाई आवश्यक पर्ने सामग्री खरिद योजना र लागत अनुमान नै तयार नगरी ४३ लाखभन्दा बढीको सामग्री खरिद गरेको पाइएको प्रतिवेदनमा उल्लेख छ । बर्नर पदमा कर्मचारी रिक्त नहुँदै सिमेन्ट उद्योगमा २०७२ भदौमा ४ कर्मचारीको लागि आवेदन माग गरिएको थियो ।
उद्योगबाट अवकाश प्राप्त कर्मचारीहरू रामचन्द्रप्रसाद रौनियार, अनिरुद्रप्रसाद सिंह र श्यामप्रसाद श्रेष्ठलाई उद्योगले बर्नर पदमा छनोट गरेको छ ।
सिमेन्ट उद्योग सञ्चालक समितिको १२४२ औं बैठकले दरबन्दी नै नभएको चिफ बर्नर पदमा मासिक ८५ हजार रुपैयाँ पारिश्रमिक दिने गरी नागेन्द्रप्रसाद सिंहलाई करारमा नियुक्ति दिएको छ । सतर्कता केन्द्रको अध्ययनले बर्नर पदमा नियुक्त भएका श्याम श्रेष्ठबाहेक ३ जना कर्मचारी तोकिएको योग्यतामा कमी देखिएको जनाएको छ ।
सिमेन्ट उद्योगले आर्थिक वर्ष ०७४/०७५ र आर्थिक वर्ष ०७५/०७६ मा क्रमशः १९ लाख र २४ लाख रुपैयाँभन्दा बढीको वियरिङ सोझै खरिद गर्नु खरिद ऐन तथा नियमावलीको मर्म विपरीत भएको सतर्कता केन्द्रको ठहर छ ।
स्वीकृत दरबन्दीभन्दा बढी कर्मचारी भर्ना नगर्ने, करारका कर्मचारीलाई शुरूको तलबमानभन्दा बढी तलबको व्यवस्था नगर्ने र उद्योगलाई हित हुने विपरीत खरिद प्रक्रिया अगाडि नबढाउन उद्योगलाई सुझाव दिएको छ ।
अनुसन्धानको जानकारी उद्योग मन्त्रालयलाई गराउने निर्णय राष्ट्रिय सतर्कता केन्द्रले गरेको छ ।
अनियमित तरिकाले गरिएका नियुक्ति र खरिदका काम बदर गर्ने वा संलग्न कर्मचारीलाई कारवाही गर्न भने सतर्कता केन्द्रले सिफारिस गरेको छ । उद्योगमा भएका अनियमित काममा सतर्कता केन्द्र ‘नरम’ देखिएको छ । सतर्कता केन्द्रले ‘भविष्यमा अनियमितता नगर्नू’ भनी सचेत गराउँदै विगतमा भएका अनियमितता सच्याउने र कारवाही गर्ने मामिलामा मौन देखिएको छ ।
सतर्कता केन्द्रले कारवाहीको निर्णय नगर्दा गैरकानूनी तरिकाले भएका नियुक्तिले निरन्तरता पाउने भएका छन् । उद्योगमा भ्रष्टाचार नै भएको नदेखिएकाले कारवाहीको सिफारिस नगरिएको सतर्कता केन्द्रका सूचना अधिकारी डालनाथ अर्यालले बताए । ‘नीति नियम विना नै भएका काम अनियमितता हो, कारवाही नै गर्नुपर्ने खालको अनियमितता देखिएन,’ उनले भने, ‘कारवाही गर्ने निर्णय लिँदा उद्योग नै धरासायी हुने भएकाले कारवाहीको निर्णय लिइएन ।’
त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...