अमेरिकाको नदीमा पोखियो ९७ हजार ग्यालन वाइन

अमेरिकाको क्यालिफोर्नियास्थित सोनोमा काउन्टीमा रहेको अंगुर खेत (भाइनयार्ड) बाट ९७ हजार ग्यालनभन्दा बढी वाइन बगेर नदीमा पोखिएको छ । 

पोखिएको रातो रंगको वाइनले आठवटा ठूला ट्यांकरहरू भरिने बताइएको छ । 


Advertisement

ब्लेन्डिङ ट्यांकको ढोका खुलेपछि ९७ हजार ११२ ग्यालन वाइन पोखिएको गभर्नर्स अफिस अफ इमर्जेन्सी सर्भिसेसको एक प्रतिवेदनमा उल्लेख छ । 

बुधवार चुहिएको वाइन अहिले चुहिन बन्द भएको छ र २० प्रतिशत भागलाई जोगाउन सकिएको छ । तैपनि ९६ हजार ग्यालन वाइन रसियन रिभरमा पोखिएको छ । रसियन रिभर मेन्डोसिनो काउन्टीबाट शुरू भएर प्रशान्त महासागरमा पुग्छ । 


Advertisement

वाइन परेपछि नदीमा रहेका माछा मरेका छैनन् तर वाइनको अम्लीयपनाले कीराहरू मार्न सक्ने र कीरा मरेपछि माछाले आहारा नपाउने सम्भावना रहेको रसयिन रिभरकीपरका कार्यकारी निर्देशक डोन मकहिलले बताए । 

रोड्नी स्ट्रङ भाइनयार्ड्सबाट वाइन पोखिएको हो र संस्थाले यसको आन्तरिक अनुसन्धान गरिरहेको र अधिकारीहरूसँग सहकार्य गरिरहेको बताए ।

एजेन्सी
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्