केन्द्रीय कमिटी बैठक तयारीका लागि नेकपा अध्यक्षद्वय बालुवाटार छलफलमा

सत्तारूढ दल नेपाल कम्युनिस्ट पार्टी (नेकपा)का अध्यक्षद्वय प्रधानमन्त्री केपी शर्मा ओली र पुष्पकमल दाहाल 'प्रचण्ड'बीच आइतवार बिहानदेखि प्रधानमन्त्री निवास बालुवाटारमा छलफल जारी रहेको छ ।

छलफल यही माघ १५ गतेदेखि बोलाउने भनिएको केन्द्रीय कमिटी बैठकको तयारीमा केन्द्रित रहेको बालुवाटार स्रोतले बतायो ।


Advertisement

बिहान साढे ८ बजेदेखि शुरू भएको अध्यक्षद्वयको बैठकमा केन्द्रीय कमिटी बैठक, सभामुख-उपसभामुख निर्वाचन, संवैधानिक आयोग लगायत अन्य समसामयीक राजनीतिक विषयमा पनि छलफल भएको बताइएको छ ।

केन्द्रीय कमिटी बैठकका लागि माघ १५ गतेदेखि २० गतेसम्म प्रदर्शनीमार्गस्थित राष्ट्रिय सभागृह बूक गरिसकिएको छ । पार्टी केन्द्रीय सचिवालयले ६ दिनका लागि सभागृह बूक गरिसकिएको जानकारी दिए ।  


Advertisement

विधानतः ६/६ महिनामा बस्नुपर्ने केन्द्रीय कमिटी बैठक २ वर्षयता बस्न सकेको छैन । २०७५ जेठ ३ गते पार्टी एकतालाई सदर गर्न बसेको बैठक त्यसयता बस्न सकेको छैन ।

गत पुसको पहिलो साता सम्पन्न स्थायी कमिटी बैठकले पुस २३ गतेदेखि बैठक आह्वान गरेको थियो । तर राष्ट्रिय सभा सदस्य निर्वाचनको तयारी गर्नुपर्ने भन्दै २० गते बसेको सचिवालय बैठकले माघ १५ गतेका लागि दोस्रो मिति तय गरेको थियो ।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्