उमेरमा संस्कृत भाषाको अध्ययन गर्न नपाई पाको उमेरमा प्रवेश गर्दा गल्ती गरिएछ भनी पछुताउनेका लागि नेपाल आर्य समाजले तीनमहिने भाषा प्रशिक्षण शुरू गर्ने भएको छ ।

विभिन्न पेशा र व्यवसायमा संलग्न वरिष्ठ मानिसबाटै यस्तो गुनासो आउन थालेपछि पहिलो चरणमा सामान्य रुपमा संस्कृत बोलचाल र नीति वचनका श्लोकको अभ्यास गर्न सिकाउने उद्देश्यले बेलुकी ४ः३० देखि ५ः३० बजेसम्म कार्यक्रम शुरू गर्न लागिएको समाजका अध्यक्ष माधवप्रसाद उपाध्यायले जानकारी दिए। कार्यक्रम यही माघ १८ गते शनिबारदेखि शुरू हुने जनाइएको छ ।

प्रशिक्षार्थीको रूचि रहेमा दोस्रो चरणमा पनि तीनमहिने कक्षा सञ्चालन गरिनेछ । त्रिभुवन विश्वविद्यालय संस्कृत विभागका उपप्राध्यापक रोहिणराज तिमल्सिनाले तीन महिनासम्म प्रशिक्षण दिनेछन् ।

प्रशिक्षण समाजको केन्द्रीय कार्यालय बानेश्वर हाइटमा गरिने समाजले जनाएको छ । पहिलो चरणमा १५ जनालाई मात्र कार्यक्रममा सहभागी गराउन सकिने छ । संस्कृत र संस्कृतिको जगेर्नाका लागि प्रशिक्षण आयोजना गरिएको हो ।