टर्कीमा भूकम्पपछि भत्किएको भवनमा पुरिएकी बालिकाको उद्धार (भिडियो)

टर्कीको पूर्वी भागमा शुक्रवार राति गएको भूकम्पमा परी क्षतिग्रस्त भवनहरूबाट मानिसलाई निकाल्ने क्रम जारी छ । 

भूकम्पका कारण ३१ जनाको मृत्यु भएको छ भने १२ सयजना घाइते भएका छन् । 


Advertisement

भूकम्पले भवन भत्काएर त्यसका स्ल्याबहरू खसेपनि तीन वर्षीया बालिका बाँचेकी छन् । खोजी र उद्धार टोलीले ती बालिकालाई भग्नावशेषबाट निकालेको भिडियो फूटेज समेत सार्वजनिक भएको छ । 

६.८ म्याग्निच्युडको भूकम्पका कारण सयौं मानिसको घर भत्किएपछि स्थानीय मस्जिद, विद्यालय, खेलकुद हल र विद्यार्थीका डोर्मिटरीहरूले उनीहरूलाई शरण दिएका छन् । 


Advertisement

भूकम्पको केन्द्रविन्दु राजधानी अंकाराभन्दा ३४० माइल पूर्वमा रहेको एलाजिगमा थियो ।

राष्ट्रपति रेचेप तैयिप अर्दोआन उद्धारकार्यको निरीक्षण गर्न इस्तानबुल पुगेका थिए । 

भूकम्पले सर्वाधिक क्षति पुर्‍याएका क्षेत्रहरूमा भ्रमण गर्दै अर्दोआन भूकम्पमा मारिएका एक आमा र छोराको अन्तिम संस्कारमा समेत सहभागी भए । 

एजेन्सी

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्